بعض الصُدَف تكون كالغيمة الماطرة
التي تزور أرضا قاحلة
فترويها عطشا تراكم منذ مدة
ولكــــن ..
ماذا إن سبق البرق الغيمة
فأحرق الأرض اليابسة
!!
°°°
هل نلوم الغيمة !
أم هي أيضا ضحية !
الغيمة صدفة ، ماذا عن البرق !
إنه القدر يا ســادة
°°
🌪
🍁
°°
____________________________
" من يخون وطنه فقد خان ربه ودينه وشرفه وأهله ، موته أشرف له من حياته "
فاق من النوم وهاد الجملة تتردد فعقلو ، وهو يقطر بالعرق تلفت يمين شعل الفاياز بحداه ..
- مجرد منام ..
تمتم وبعد الغطا عليه وناض من السرير ، هبط للكوزينة التحت ، شاف الضو جاي من غرفة المخزن .. راح يمشي يتركز على عصاه .. دز الباب صابها واقفة تحاول توصل للخزانة لفوق ..
تبسم وقال ..
- ملاک واش مخليک نايضة لهاد الوقت !
تلفتت فيه وتبسمت ، وجات لعندو ، كي قربتلو شافت العرق يقطر معاه مسحتلو بطرف تريكوها وهي تشوف فيه كأنها تسقسي فيه بعينيها ..
تبسم وقالها ..
- شفت منام برک ، فيقني ..
هزت راسها ايه وتلفتت شيرتلو على الخزانة لفوق ..وهو سقساها
- حابة نجبدلک أنابيب الألوان !
هزت راسها ايه وهو راح وجبدلها الصندوق .. خذاتو عليه وجبدت تلفونها كتبت فيه وعطاتلو يقرا ..
- الأسبوع هادا عندي اختبارات راح نضطر نرجع متأخرة للبيت ، حبيت ناخذ الاذن منک پاپا
رجعلها التلفون وقالها ..
- طبعا بنتي ، خوذي راحتک هادا آخر عام ليک ، تتخرج بنتي ونفتحلها ورشة رسم ..
تبسمت وعنقاتو ..
خذات صندوقها وطلعت للشومبر تاعها ، تلفت فيها وهي رايحة وتمتم فقلبو ..
- مزال صوتک الرقيق يرن فوذني لحد اليوم ، فقدتي صوتک وفقدتي بريقک معاه .. آه يا ملاكي ..
..
وصلت للشومبر تاعها ، حطت الصندوق بجنب وقعدت فوق الكرسي قدام اللوحة تاعها وهي تهدر فقلبها ..
- نخبروا على هاداك الضيف الغريب واش دار ! ولا ماكان لاه ! بفف ، پاپا شحال من مرة يقوللنا متبانوش قدام الغرباء ، كيفاش عرف هادا بلي أنا بنتو ! معقول كاين شي وراه ! وواش يعني ب " راح تكون النهاية " ! أكيد وراه قصة لازم نكتشفها مبعد نخبر پاپا واش صرا هكا أحسن منعملش فوضى فالباطل ..
.
.
فالصباح :
أمير واقف قدام المراية يعدل فشعرو ، تلفت لأيمن اللي كان خارج من الدوش وقال ..
- من يخون وطنه
رد عليه أيمن ..
- فقد خان ربه
- ودينه
- وشرفه
- وأهله
- موته أشرف له من حياته
- موته أشرف له من حياته
وقفو مقابلين بعض ودارو التحية ، وقال أيمن
- تحية
- تحية
ضحكو كي خلصو التحية ، رجع أمير يشوف فالمراية وقال ..
- راح نروح للمركز وأنت ابقى لهنا ، تصنت على غرفة سمير عبد المجيد مالازم تفوت ولا شي ، اذا صرات حاجة خبرني ..
أنت تقرأ
بَكـمَـآء || Dumb
Romance• ~ هناک خير في كل شـر ~ • تربى وسط عائلته كالأمير ، تلقى معاملة أمير ، نضج وأصبح رجلا يحمل ملامح مَلِک أسيبقى الأمير على عرشه ! • ~ المجروح من عائلته لا يُشفى أبدا ~ • فتاة متعجرفة ، انطوائية وابنة رجل غني .. أميرة لا يعجبها العجب أعند من الحجر أ...
