إنها امرأة أنيقة
تفيض أناقة ، ملابسها ، شعرها ، مكياجها .. حتى حُزنها .
إنها امرأة أنيقة حتى في اكتئابها .. لم يحدث أن قامت بتكسير شيء ، لم تصرخ عاليا وتُحدث جَلَبَة ، لم تقم بخربشات مُفسِدة للأرواق .
إنها حتى عندما قررت أن تخط ما يجول في خاطرها قامت برسم لوحات أسطورية ، رسومات مُذهلة .
ما مرت به لم يكن بالشيء السهل
أبدا .
🖤
______________________________
~ قبل شهر :
قاعد الدكتور عبد الرحيم فالصالون هو وأسيل .. كان الليل ديجا طاح ..
سمعو حس عند الباب تاع برا تلفتو ، حتى تفتح الباب ودخل سمير ..
حط حوايجو بجنب ودخل للصالون .. طلع حواجبو مستغرب كي شاف الطبيب وقال ..
- سي عبد الرحيم ! مرحبا !
ناض الطبيب وراح لقبالتو صافحو وهو يتبسم وقالو ..
- مدة طويلة فاتت .. واش أحوالك ؟ إن شاء الله بخير ؟
- الحمد لله ، فرحت كي شفتك . ياخي غير الخير !
قال سمير والطبيب عبد الرحيم شيرلو باش يقعد وقالو ..
- اقعد نهدرو شوي .
تلفت سمير ف أسيل ، وهي معملت حتى ريياكسيون ، قعد وهو يقارع ل عبد الرحيم يهدر ..
قعد الطبيب ، وقال بعد ثواني ..
- ملاك دخلت صدمة جديدة .
طرطق سمير عينيه ، وناض من بلاصتو وقال يعيط ..
- واش بيها ملاك ! واش صرا معاها ؟
- أقعد بابا دوك يفهمك ..
ناضت أسيل قعداتو فبلاصتو وقالت ..
فعد وتلفت فالطبيب ، وهو قال ..
- موت أمير كان السبب فصدمتها ، ولحد الساعة مزال معرفناش النتائج اللي راح تترتب ورا هاد الصدمة ، رانا نقارعو حتى تفيق .
فاتت ساعة ، ناض سمير ، راح لغرفة ملاك .. دقدق مرة وفتح الباب .. تپانيكا وطرطق عينيه كي شافها قاعدة فوق السرير تشوف قدامها ..
- سي ..
قال وقطع الهدرة كي حركت عينيها خزرت فيه ، بقى يشوف فيها وهي هزت راسها لا ..
غلق الباب وقرب عندها ، قعد عند رجليها فوق طرف السرير ، هزت صاكها من حداها كان فوق طابل دو نوي ، جبدت منو كايي وستيلو ..
..
كتبت وعطاتلو ..
- حابة ناخذ ثأر أمير ..
طرطق عينيه فيها بعدما قرا واش مكتوب ، كانت نظرتها ليه فارغة دون تعابير ، اومبعد كملت كتبت ..
- كيفاش ؟ نقتل اللي قتلو ..
بقى يشوف فيها الاستغراب والدهشة أكلت ملامحو ، هز راسو لا بالشوي وهي هبطت عينيها كتبت ، وطلعت الورقة فوجهو وطلعت حاجب ..
- اذا منفذتش رغبتي راح نحرق القصر العام تاع موساد باللي فيه .
- مستحيل ملاك .
تبسمت نص تبسيمة وهبطت عينيها كتبت ، وحطت الكايي فوق ركابيه وناضت ..
مهبطش عينيه لواش مكتوب بالسيف ..
- علابالك بلي نقدر نديرها ، ولا نفكرك بالجرائم اللي اضطريت حضرتك تتستر عليها !
قرا واش مكتوب وطلع عينيه فيها ، كانت باقتلها خطوة وتخرج برا الغرفة ..
تبسم سمير وعيونو الزرق يلمعو بخبث ورا النظارات .
أنت تقرأ
بَكـمَـآء || Dumb
Romance• ~ هناک خير في كل شـر ~ • تربى وسط عائلته كالأمير ، تلقى معاملة أمير ، نضج وأصبح رجلا يحمل ملامح مَلِک أسيبقى الأمير على عرشه ! • ~ المجروح من عائلته لا يُشفى أبدا ~ • فتاة متعجرفة ، انطوائية وابنة رجل غني .. أميرة لا يعجبها العجب أعند من الحجر أ...
