إن الطريق وعرٌ جدًا، وأنا لست قوية كفاية.. الرياح تلطمني من كل ناحية تاركة على وجهي آثار صفعات بنفسجية وزرقاء .
توقظني من حلم ليلة صيف كنت أنام فيها بين أحضانک .
إنها أنا المرأة التـي فقدت ابنها وسأظل طوال حياتي فاقدة لقلبي .
كان غيث ليكون بمثابة ميلاد جديد لي، كنتُ أتأمل لحياة ملوَّنة معه، ولكنه ذهب .. ذهب دون عودة، وأضحيت أرض قاحلة لن ترتوي أبدا.
___________________
- دنيـا !
قالت أمنية وهي دقدق على باب غرفة ياسمين ، ثواني قليلة حتى فتحت عليها الباب .
تبسمت ياسمين وقاتلها ..
- كنت راح نهبط ..
هزت أمنية راسها ايه وراحت وجات من وراها ياسمين، هبطو التحت وقعدو للطاولة ، كان العشا محطوط ونصر الدين قاعد مترأس الطاولة ، على يمينه يماه وبحداها عمران وعلى يساره قعدت أمينة وبحداها ياسمين .
نصر الدين مقدرش يطلع راسه يشوف فـ ياسمين، وعمران كان يشوف فيه بلاما يبين.. تنحنح عمران ونصرو طلع راسه فيه، تبسم معاه عمران ونصرو تعدل فقعدتو وطلع راسو فـ ياسمين وقالها ..
- واش راكي بنتي !
تبسمت وردتلو ..
- لباس حضرة العقيد، شكـرا .
تبسم معاها بـ سيف وهبط عينيه ..
- وينو أمير ؟
قالت ياسمين وأمنبة جاوبتها ..
- عندو خدمة، وأمير ميبقاش هنا فالبيت بزاف أصلا .
- عندو بيتو الخاص ؟
- ايه .
سكتو كامل ، وبقاو ياكلو ساكيتن ، حتى بدا عمران يهدر مع ماماه على مواضيع عادية كيف العادة ..
خلصو عشا ولملمو الماعن، راحت دنيا مع أمنية باش تغسل معاها الماعن، وهوما واقفين على البوطاجي، سقسات ياسمين ..
- حابة نتواصل مع أمير، حبيت نسقسيه شكون هاذوك الناس اللي كنا عندهم وشكون اللي خطفني .
- كي يجي للبيت راح نقولو ويجي يهدر معاك ويجاوب على كامل التساؤلات اللي فراسک .
قالت أمنية وياسمين تبسمت ..
- شكرا مدام ..
- أمنية ، عيطيلي أمنية .
قالت وتبسمت معاها وياسمين ضحكت وردتلها ..
- اسمک شباب .
- هيه ، حب يقول كبيرة واسمك عصري .
ضحكت أمنية بعدما قالت وضحكت معاها ياسمين .
كان عمران واقف عند باب الكوزينة يشوف فيهم، مرتكز عالكادر حاط يديه فجيوب سروالو ..
- تقراي ؟
قالت أمنية وجاوبتها ياسمين ..
- كملت دكتوراه .
تلفتت فيها أمنية وطرطقت عينيها وقاتلها ..
- الدكتوراه ؟ وعلاش شحال فعمرک ؟
ضحكت ياسمين وجاوبت ..
- 28 سنة .
- الله يبارك متبانيش كامل فهاد لاج .
- يبارک فيک مدام .. أمنية .
قالت ياسمين وتلبكت كي جات فـ اِسم أمنية ، شافت فيها أمنية وسألت ..
- واش من تخصص تقراي ؟
- القانون الجنائي للأعمال .
- تخدمي ؟
قالت أمنية ، وياسمين تنهدت وقاتلها ..
- لا .. ملقيتش العرف ، وبالتالي ملقيتش خدمة .
- نشوفلک خدمة !
قالت أمنية وتبسمت ، تلفتت فيها ياسمين وعينيها يلمعو وهزت راسها ايه وقالت ..
- ديري فيا خير كبير مدام .
ضحكت أمنية وهزت راسها ايه ..
.
.
أنت تقرأ
بَكـمَـآء || Dumb
Romance• ~ هناک خير في كل شـر ~ • تربى وسط عائلته كالأمير ، تلقى معاملة أمير ، نضج وأصبح رجلا يحمل ملامح مَلِک أسيبقى الأمير على عرشه ! • ~ المجروح من عائلته لا يُشفى أبدا ~ • فتاة متعجرفة ، انطوائية وابنة رجل غني .. أميرة لا يعجبها العجب أعند من الحجر أ...
