#زواج_تقليدي 😍🔞

PaRt 35

ركب ملطوموبيل وهي حداه ... بقى يشوف فيها كيفاش قالبة وجها ... نفخ ومشى. ... طول طريق وهوما ساكتين حتى وصلو ... نزلت تتمشى وهو وراها .... دقايق وكانو تسجيلات لي فيديو قدامهم ... قعدت هي على لكرسي بعيد ... وهو بقى يتبع فيهم حتى وصل للمقطع لي يبين كيفاش دزتها يسرى مم على دروج .... عدى يده على وجهه ورجع تلفت شاف فيها ... آدم: هيا خلينا نمشو ... _سيلا: وين ... _آدم: سيلا ياخي تتبهلي عليا .... شوفي كيفاش باين بلي هي سبب فلحادث لي صرالك ونتي تقوليلي وين ... _سيلا : حاب تقنعني انو صح حاب تشكي بيها .... _آدم: ايوااا ... نتي لكلام مشي مليح معاك ... خلينا نمشو ... _رجع تلفت شاف فلراجل ... _آدم: ربي يحفظك خويا .... _خرج ودزها تمشي قدامه .... _آدم: آخر مرة تحكي بهذيك طريقة معايا .... يعني نتي واش تسخايلي فيا قاعد ندير ... واش صرا ... واش تبدل .... انا قتلها دزك ... ولا قتلها خليها تخسر ولدها ... _سيلا: ههه ولدها ... كانو لامر مايعنيكش ... _آدم: راح تركبي وتبلعي ... نمشي نشكي بيها ونرجع نتفاهم معاك ... _سيلا: نعرف نمشي وحدي ... سيبني ... _بقى شادها يكركر فيها ... طلعها وسكر لباب جيهتها ومشى ركب ... وشد طريقه لقسم الشرطة قدم شكوى ضد يسرى ... خاطر هي لزاته يعمل هاك ... واذا سكتلها ممكن ترجع في شغلات كبار على هاك ... على لاقل تعرف انو لي صار ممكن تخسر شغلات بزاف في جرته ... وراهي ديجا خسرت صداقته ليها ... #نورااا دخل قدم بلاغ عليها ومع دليل لي يثبت صح عملتها ... وحتى ملتقرير طبي نتاع مرته بلي اجهضت ... وخرج... لقاها تشوف فيه قحرلها وديمارا ... طول طريق وهو ساكت ... وهي مدورة وجها ... قرار خذاته ومستحيل تتراجع فيه .... اذا يحبها تكون معاه ... لازم يقدرها ... ويثبتلها انو صح حاب يكمل حياته حداها وتكون لكل بلكل ... مش مجرظ وحده تزوجها وتحتم عليه لامر يظل معاها ... مش لازم تبقى في كل مرة هي لي تتنازل ادم: انزلي .. _تلفتت شافت ملشباك ... لقاته جابها لعند عزيزة... _سيلا: علاش جينا هنا ... _ماجاوبهاش ... نزل ومشى جبدها خرجها ... _سيلا: سيبني .. علاش قاعد تعمل هاك ... _آدم: راح تبقي هنا ... حتى نجي وفليل نحكو مليح ... _حل لباب دخلها ورجع خرج ... جاتها عزيزة سلمت عليها ... ودخلتها ... _عزيزة: يابنتي وين كنتي .. عندنا سمانه قالبين لرض عليك ... _سيلا: كنت عند صحبتي ... _عزيزة: صحا امشي ارتاحي ... نحطلك لفطور كولي ... واحكيلي واش صاري معاكم ... آدم عنده سمانه قالب وجهه ... والله مافهمتكم مرة متفاهمين ومرة كل حد وكيفاش .... اذا كاين مشكل احكيلي بنتي راني في مقام مك .... _تنهدت ورجعت حطت راسها لوراا ... _سيلا: المشكل هو ... آدم بحد ذاتو مشكل ... راجل مشي مفهم روحو واش حاب ... مرة يقرب مني ومرة يهرب مني .... ولي قاهرني انو قاعد يتحكم فيا تقول انا عاملة شي حاجه ... تصدقي انو غلط معايا ... وعمل حاجه ماترضاها حتى وحده ورغم هاك انا تجاوزت لي صرا ... انا نحبه يفهم انو مشي لازم نبقو مع بعض اذا مكانش مشاعر متبادله بينا..... انا مانحبش تكون علاقتنا سطحية ويجمعنا غير ليل ولفراش .... هذا واش يتسمى ... اذا نهار كامل وهو ناكرني وفليل يفرغ شهوته فيا ووقت نحل عينيا مانلقاهش جنبي ... كلمة مرتي مانسمعهاش على لسانه .... مش عاملي قيمه ولا قدر ... وتحبيني مانفدش ولا نتحجج ... _عزيزة: عندك لحق بنتي .... وقتنا مشي كيما وقتكم ... بكري كونا صوت راجل بحد ذاتو يرعبنا ... كنا نخافو من رجالنا اذا تغشو ... نخافو نغلطو ... نحملو كلشي ونسكتو .... حتى ملمرحوم كان معيشني بين ربع حيطان .... عمري خرجت وحدي ولاشفت .... اما مع لوقت عشقني ... حتى كنت نحسه يحب يعوضني على كل شي .... وين كنت نحش روحي على لهامش .... رجعت نشوف روحي مرغوبة .... ولي كنت نشوفه استبداد رجعت نشوفه غيرة وحب .... ممكن آدم ورث هذا شي من جده .... اما انا متأكدة يابنتي انو راح يجي لوقت لي يحكيلك فيه واش كاين في قلبه ... آدم يخاف انو يعطيك نقطة ضعفه لي ترجعي تتحكمي فيه بيها .... خليك صابرة ... وتو تشوفي مع الوقت كيفاش راح تجيني فرحانه ... وتشكريني على لي نصحتك بيه ... _سيلا: مانعرف ... نحس روحي ضايعة ... اما اذا بقيت في كل مرة نتجاوز اغلاطه راح يكثرو مع لوقت. .. ونرجع متعايشة مع لوضع ... _عزيزة: الحقيني ... _سيلا: وين ... _عزيزة: مش حابة تغيري لوضع هذا وتبدليه ... _سيلا: ايه ... _عزيزة: مالا اسكتي وتبعيني ..  شد طريقه راجع للشركة ... افكاره مشوشة .. وفوق هذا زايداته لالا سيلا .... كل مرة وبواش تخرجله ... وتخليه يرحي دخلاني ... ولا تذكره بصوالح قاعد يحاول يصححهم ... اما هي ترجع تجبدهم وتحاربه بيهم ... آدم يحكي : حبست طوموبيل قدام شركة ودخلت ... نحس في روحي راح نطرشق من راسي ... اعصابي فلتت ... ربي يعلم بحالي كيفاش ... سمانه وانا نحوس عليها وين مشات ... سمانه وانا ماحسيتش بطعم رقاد.... لا نهاري نهار ولا ليلي ليل .... وفوق هذا شي مشي معبرتني ... ولي نحكيه تعكسه ... خلي نقولها عندي مشاعر جيهتك ... لا نلقى روحي في جرتها نتبع في رضاها ... دز لباب نتاع مراد ودخل .... _مراد: آدم؟! _آدم: ماراحش نكثر لكلام ... ونظن كلشي راه واضح ... سيلا مشي لمرا لوحيدة لي فس هذي لرض ... كاين كيفها واحسن منها ... على هذاك بعد على مرتي ... مانحبك لا تقرب منها لا تحكي معاها ...خرج وضرب لباب وراه ... وثاني ضرب للبيرو جاب كلشي في لرض .... قاعدة على لفوتاي ... مقابلة تلفزة .. وحاطه لفوشار قدامها تاكل وماهامها في شي ... شوي وسمعت لباب ينوقز هزت روحها ومشات تشوف شكون ... وقت حلت لباب لقات زوج من رجال شرطة واقفين قدامها ... دخلت بعضها ورجعت كبست روحها ... _يسرى: واش كاين ... _نتي يسرى #### _يسرى: ايه انا هي ... _تفضلي معانا لقسم شرطة كاين شكون مقدم شكوى ضدك ... _يسرى: شكوى نتاع واش ... _وقت توصلي تعرفي ... _يسرى: اوكي ستنو نبدل حوايجي وننزل ... _طلعت لفوق لبست ... ورجعت عدت يدها على وجها ... متاكده انو لي صار يتعلق بسيلا ... _هزت صاكها ونزلت تحت ركبت معاهم ... وصلو لقسم شرطة ... نزلو ودخلوها معاهم ... _آنسة ... هنا كاين شكوى ضدك ... قدمها مسيو آدم ### ومرته ... قال انو نتي دزيتي مرته من على سلالم ... وهذا شي ادى لموت الجنين لي كان في كرشها ... _يسرى: ماكنتش نعرف فلموضوع هذا ... وانا وهي صار بينا نقاش ادى لانو نتعاركو ... ومانعرف كيفاش طاحت.... مشي بقصدي لي صرا ... _اما عندنا اثبات يبين انو نتي دزيتيها عمدا .. _يسرى: قتلك لي صار ماكنتش متعمداته ... _في هذي لحاله راح نحطوك عندنا.... _يسرى: ياخي تحبو تسجنوني على حاجه ماقصدتهاش ... هي لباس عليها ... وجنينها انا وين نعرف بوجودو ... _راح تبقي عندنا هذي ليلة وغدوة تقدري تخرجي بكفالة .... _يسرى: نحب نعمل تليفون ... _اوكي تفضلي ... _جبدت تليفونها وسجلت نيميرو آدم وعيطتله ... صونا مرتين بعدها جاوب ... _آدم: وي ... _يسرى: ياخي آدم هبلت كيفاش جاي تشكي عليا .... تعرف انا وين توا ... في قسم شرطه ... _آدم: ايه ... _يسرى: واش لي ايه .... حابين يخلوني عندهم ليلة ... انا ماعندي حتى دخل ...مرتك ستفزتني وتعاركت معاها ... _آدم: اوكي احكي معاها وشوفي اذا تسحب شكوى ولا لا ... وتوا راني مشغول وقاعدة تعطلي فيا على خدمتي ... علق عليها ورجع سند راسه لورا ... تفكر واش يستنى فيه وقت يرجع نفخ ... اكيد باش تبدا تحكي حتى تكسرله راسه ... وهو تاعب وماعينه في شي ... تعدى نهار خفيف ... حتى قرب يطيح ليل ... هز روحه وخرج ... وقت جى ينزل ضرب في وحده ... _آدم: ديزولي ... رجع ضيق عينيه فيها ... وهي تربثت .. وحطت راسها ومشات تجري ... حس روحه شايفها من قبل اما وين مشي متذكر ... حب يلحقها ورجع بطل ... ليوم وين باش يرقد كيف لخلق ... مدامه لقاها ورجعها. ... وصل للدار حبس طوموبيل ... وبقى حاط راسه على لفولون ويتفرج بعيد ... بقى سارح دقايق وفلاخير نزل ... دور لمفتاح ودخل .... لقى عزيزة قاعدة فلصاله وحدها مقابله تيفي وتتفرج ... دور عينيه مالقاهاش ... رجع يحكي ... _آدم: وين راهي ... _عزيزة: مشات ... _آدم: وين مشات ...علاش خليتيها تمشي كنتي خبرتيني قبل ماتخرج .... دار راجع لبرا وقفاته نضحك.. _عزيزة: ههه نضحك معاك برك ... راهي لفوق في غرفتها ... _تنهد ورجع طلع لفوق   

     

               

                                              

                          

                          

                                     

                   الوغ شيرات وحد الكلمات مبغاوش يتكتبولي هنا هودو لكومنثار تلقاوه وغادي نكملو عادي ♥