#زواج_تقليدي 😍🔞

Part 4

هل شهر أيلول الذي يكتبني؟    أم أن من يكتبني هو المطر؟؟فات نهار خفيف ،،، مابين لاوراق لي قدامي لي كان لازم نطبعهم ،،، وللملفات لي لازمهم ترتيب ،،، يعني كنت مستمتعة بخدمتي ،،، مادام وقتي مش قاعد يمشي بلاش ،،، هذا تعب راح يكون عنده اجر في آخر شهر ،،،، خلصت لي في يدي ،،، ورجعت شفت مع لوقت ،،، كانت 12:00 ،،، وقت لفطور ،،، شفتهم نزلو للمطعم نتاع شركة ،،، سقسيت وحده قالت انو يفطرو فيه لكل ،،، ليه احسن من انو نمشي نفطر برا ونزيد على روحي لمصروف ،،،، رفدت صاكي ونزلت تحت ،،، عملت صف ،، وستنيت يلحق دوري ،،، خذيت بلايا (صحن) ومشيت قعدت في اقرب طاوله ،،، بقيت نفطر ،، ورجعت جبدت تليفوني ،،، تذكرت ماما خديجة لازم نطمنها ،،،_سيلا: الو ،، _خديجة: وين راكي ،،. شفناك مارجعتيش للفطور ،،_سيلا: قاعدة نفطر ،،، يعني نفطرو فلشركة ولعشية نرجع للبيت ،،،_خديجة: ماتفوتيش لخمسة نتاع لعشية ،، لجماعة راح يجو ،،، ماتخليش بوك يغضب عليك ،،،_سيلا: خلاص تهني نجي فلوقت ،،،_خديجة: ايه مليح ،،، وكيفاش جاتك لخدمة ،،  _سيلا: حاليا مليحه ،،، ماتعبتنيش بزاف ،،،_خديجة: ايا مليح ،،، نشالله دار راجلك يخلوك تخدمي ،،، وهكا احسن_سيلا: ايه نشالله ،،، اصلا مش راح نقبل اذا مخلونيش نخدم ،،،_خديجة: سيلا بنتي ماتكبريش راسك ،،، احنا نحطو طلبك مع شروط قبلو اوكي ماقبلوش معليش ،،، اصلا راجلك رايح يصرف عليك ،،، هذي لخدمة غير زيادة ،،،_سيلا: راح نسكر وقت نرجع نحكو فلموضوع ،،،علقت عليها ورجعت غطست فلماكلة لي قدامي ،،،، ما اتعبها لحياة ،،، ولبشر لي فيها ،،، بدل ماتشجعني وتخليني نشد في خدمتي ،،، لي ماراح يدوملي غيرها ،،، تطلب مني نتنازل ،،، تقول فات عليا لقطار ،، وكبرت ولا شبت ،،، مزالني صغيرة ،،، كون ماما كانت عايشة كان راح يكون هذا رايها ،،،، تعبو عينيا بدموع ورجعت نضت ،،، غسلت يديا وحطيت بلايا ،،، ورجعت لفوق نكمل واش بقى ،، باش نخرج بكري ،،، شفت مع ساعة كانت 16:00 ،، كنت خلصت كلشي ،،، لميت صوالحي فلصاك ،،، وخرجت ،،، وصلت لمحطة لباص ستنيت لين جا ركبت ورجعت للدار ،،، عند لباب عرضتني ريحة القهوة ،،، علقت مونتويا وحطيت صباطي ،،، ودخلت ،،، لقيت ماماخديجة هي وختي يرتبو ويزينو ،،، طلعت حاجبي مستغربة ،،، هذي غير شوفة عاملين هاك مالا فلعرس واش يديرو ،،، سلمت عليهم ومشيت للكوجينة ،،، عملت كاس حليب وفيه نيسكافي ،،، قعدت بيه راسي وحسيت دم رجع يمشي فيا ،،،برا لبرد بزاف قريب مانتجمد ،،،_خديجة' سيلاا ،،، سيلااا_سيلا: راني جاية ،،،_خديجة : اطلعي لفوق راني موجدتلك واش تلبسي ،،، اعملي دوش وشيحي شعرك ، ووقت نقولك انزلي نزلي ،،،_هزيت راسي وطلعت ،،،، سلمت امري لله مادامه هو مخطط وكاتب قدري ،،، راح نخلي كلشي يمشي كيف ماهو مقدره ،،، دخلت لشمبرتي ،،، لقيت لباس زرق طويل تاع قطيفة مخيط حساب جسمي ،،، ماعرفت من وقتاش كانت موجداته اول مرة نشوفه ،،، مررت يدي عليه نتحسس فيه ،،، حتى من رجليا موجدتلي واش نلبس ،،، يعني هذا لي قاعدة تعمل فيه بمثابة عطف ام وحبها ليا ،،، ولا طريقة جديدة تتخلص مني بيها ،،، اما اي ام تتمنى بنتها تتزوج ،،، ممكن كل شي كنت نفسره بطريقة سلبيه خاطرها مش امي ،،، ولا ممكن ماجربتش نعطبها محل الام لي في قلبي ،،، من وقت ماكنت صغيرة خليت مكان امي فاضي حتى حد ماخذا محلها ،،، المواقف لي تحطنا فيهم لحياة غريبة ،،، وكل موقف يعلمنا حاجه جدبدة ،،، ممكن تدقيقي على لامور بهذي طريقة وتحليلي وتفسيري ليها يخليني عايشة في صراع بين نفسي وواقعي ،،،،حليت لما وبقيت واقفة تحته ،،، كان نازل على جسمي سخون ودافي في نفس لوقت ،،، حسيت قداش كاين شغلات فلحياة تريحنا ،،، كيما هذا لوقت ،،، واقفة تحت حبات لما لي قاعده تنضف في كل بقعة من جسمي وتمنحني في استرخاء وراحه ماحسيتش بيها من قبل ،،، حطيت جال دوش بريحة الورد ،،، وشللت روحي ولفيت لمنشفة وخرجت ،،، دهنت جسمي بزيت لوز ،،، وحطيت ريحة هادية ،،، عكس واش كاين داخلي من فوضى ،،، لبست لباس بعدما نشفت شعري ،،، خليته مفرود ،،، وحطيت مكياج خفيف ،،، وحاولت نكون بسيطة في لبسي وتصرفاتي ،،،، التصنع حاجه مش مليحه ؤاح تجبرنا على شغلات بزاف اذا تعودنا عليها ،،،، شفت مع ساعة كانت 17:30 مزال باقي نص ساعة ،،، وقفت قريب ملشباك ،، بقيت نتفرج على فصل لخريف كيفاش قاعد يثبت في حضوره هذا لعام ،،،فصل كيما هذا صعيب تعرف بواش يخمم ،،، يبدا نهاره بشمس ساطعة ،،، ووقت تحب تستمتع بدفا هذا نهار يقلبه لعاصفة قوية ،،، ممكن سخصية لبشر هاك ،،، على مدار لعام ،،، وقت يحبو يكونو هاديين يمنحوك سعادة كبيره ،،، ووقت يتحولو لعاصفة قوية ،،، يوجعوك بقراراتهم المتسرعة ،،،، فيقني من سرحتي صوت ماما خديجه وهي تعيط عليا باش ننزل ،، خاطر ضيوف وصلو ،،،،