#زواج_تقليدي 😍🔞

بارت 34

كيف عساني انسى مالم يبح به القدر لي .... هل كان الانصاف بالابتعاد عن ماهو ليس لي. . ام انا تحديات الزمن ارجعتني الى الخلف ... الى نقطة البداية المعروفة بانها ساعة اللقاء ... اما كان حبه يرفض الرضوخ لامرأة تحدته في حياة كان يجهلها.... في ساعة متأخرة من الشوق ... همست له بما كان يخالجني .... رفعت راية الاستسلام كسبيل للنجاة . . اخرجت ماكان في قلبي من حب له .... اخبرته باني امراة تهوى البدايات .... وتعشق النهابات السعيدة .... وبانه رجل قادر على منحي مالم يمنحني غيره من ابناء جنسه ... توقعت ان يحضنني .... ويقبلني ... ويفتح ليها صدرا لطالما تمنيت ان اسند براسي عليه .... غير انه ابتعد عني ... واخبرني بانه لا للعلاقات . .. ضحكت لجوابه .... رددت كلمة هل تمزح ... لم يتغير شيء في ملامحه ... جامدة لا تعبر عن شيء .... احسست بحجم الورطة التي اوقعت نفسي بها .... انا انثى سرحت بمشاعرها .... وهو ذكر رفض ماقيل لي .... وامام صدمتي تلك ... وجدت نفسي مجبورة على الرحيل ....💕💕💕 حليت عينيا نحس في راسي رزين .... حتى من حلقي نحس فيه شايح ... عديت لساني على شفافي ... وبقيت نشوف مع لغرفة ... حاطينلي سيروم ... ضيقت عينيا ورجعت هزيت روحي ... شفت مع لغرفة ... ظاهر راني في مستشفى .... حطيت يدي على راسي نتحسس فلبلاصة نتاع لجرح ... مضمدينها .... رفدت روحي وجيت واقفة. ... حسيت بوخز تحت بطني .. ولرض دارت بيا .... تنهدت ورجعو عينيا تعبو بدموع. ... تمنيت انو لامور مامشاتش بهذيك طريقة .... ولا صار هذاك شي .... انا واش ذنبي في كل لي قاعد يصير .... هزيت روحي ومشيت جيهة لباب .... جيت نفتحه اما تراجعت وقت سمعت صوتهم برااا ... _آدم: يعني راح ترتاح وقت تاخذ هذا دوا ... _طبيبة: ايه خاتر نتوقع راح تحس بوجايع ... على هذاك خليها تشرب هذا دوا يفيدها ... _آدم؛ دقيقة ... يعني ممكن ماتعرفش مرتي انو اجهضت ... مانحبش نحكيلها ... نخاف نفسيتها تتدهور ... _طبيبة: هي منحقها تعرف ... اما ختار لوقت لي تكون فيه مليحه وحكيلها. . ربي يشافيها ... _آدم: مارسي ... رجعت لورا نحس فلنفس ضياق عليا .... رجعت شفت في بطني ... وعديت يدي عليه ... يعني لي صار خلاني نجهض .... انا كنت راح نجيب صغير وخسرتو ... في جرتو هو انا خسرت ولدي ... رجعت ورا ... نفركس على ثيابي .... لقيته دخل .... _آدم: سيلا وقتاش نضتي .. راكي مليحه ... _سيلا: ثيابي وين .... اعطيني مونتويا. _آدم: واش كاين ... خليك مرتاحه ... طبيبة نبهت انو تظلي فلفراش حتى تتحسني ... _سيلا: نحب نمشي ... نكره جو سبيطارات ... _آدم: اوكي اصبري نعمل لاحراءات ونمشو للدار ... _سيلا: لا نحب نمشي لدارنا ... _آدم: وين قصدك ... _سيلا: دار بابا .. _آدم: عزيزة تستنى فيك ... قاتلي وقت تصحى جيبها عندي .... _ماجاوبتهش فكيت مونتويا لبسته ... ولبست في رجليا ... وجيت خارجه ... _سيلا: راح نستناك برا ... وقت تخلص الحقني ... تاعبة ونحب نمشي لدار بابا ... شفته كيفاش سكت ... ومارجعش حكى ... هزلي راسه وخلاص ... كانت 6:00 نتاع صباح .. بقيت قاعدة على لكرسي لي برا ... نشوف بعيد ... كل ما نتفكر انو كان ممكن بعد تسع شهور يجيني صغير نحس روحي حابة نبكي ... حتى حاجه في حياتي ماكامله ... كلشي ناقص ... حتى علاقتي بيه ناقصة..... حتى شعور الامومه نحرمت منه ... لا عشته فلصغر .. ولا باش نعيشه فلكبر .... شوي ولقيته خرج مشيت جيهته ... وتبعته حتى للطوموبيل ركبنا وشدينا طريق للدار .... لي نخمم فيه اني نمشي  نرتاح ونمحي لي صرا من راسي                                                                                                                                                                                                     

فاتت اقل من نص ساعة ووصلو ... حبس طوموبيل ورجع تلفت يشوف فيها .... ورجع حكى... _آدم: واش لي صرا ... كيفاش حتى نجرحتي ... _سيلا: لا ممكن تقول واش صرا حتى اجهضتي ... _آدم: يعني عرفتي ... _سيلا: علاش كنت ناوي ماتحكيليش ... _آدم: لا ... اما كنت نحب حتى ترتاحي ونقولك ... _سيلا: هههه اوكي ... جات تنزل رجع شدها من يدها ... _آدم: واش ذنبي علاش قاعدة تتصرفي هاك ... _سيلا: ماعندك حتى ذنب ... انا نحب نرتاح ... وراحتي وقت نكون بعيدة عليك ... _آدم: اوكي امشي ماراحش نوقفك .... _سيلا: وهذا لي راح يصرا .... _ضحكت على جنب ونزلت ضربت لباب .... بقى يتبع فيها بعينيه حتى دخلت ورجع نفخ ومشى .... طول طريق وهو يخمم ... وكلامها باقي يدور في راسه ... رجع وقف طوموبيل على جنب ... وحط راسه ورا ... شتا بدات تنزل ملجديد ... بقى يتفرج على لحال ... حتى غفات عينه ورقد في بلاصته .... سيلا تحكي : وقت وصلت لعند لباب دقيت مرتين ... حلت عليا ختي ظاهر هذاك وين صحات ... سلمت عليها ودخلت ... _واش بيه وجهك صفر هاك... _سيلا: مريضة ... ماما وين ... _مزالهم راقدين ... انا فقت بكري ... _سيلا: اوكي ... راح نطلع نتسطح في غرفتي ... بربي عمليلي كاس قهوة ... _اوكي ... اما وقت نجي تحكيلي واش صاري معاك حالتك ماتعجبش ... _حطيت مونتويا وصباطي على جيهة لبست شلاكتي ومشيت لفوق .... دخلت لغرفتي مزالها كيما خليتها .... غيرت ثيابي من لي كانو باقيين ... ودخلت للدوش ... غسلت وجهي .... ولميت شعري ورجعت خرجت .... لقيت ختي حضرتلي لقهوة ... حطتهالي على جنب ... وقعدت على طرف سرير .... _ايه واش صرا ... آدم وين ... علاش جيتينا في هذا لوقت ... _سيلا: قتلك ماصار شي ... انا حبيت نجي توحشتكم ... _وفي هذا الوقت ... يعني مكانش لي قالك ماتجيش ... اما انا جاتني غريبة ... المهم اشربي قهوتك ورتاحي ... وشوفي كاش كذبة تقنع احكيها لماما خديجه .... خاطر مدامني انا وماصدقتكش هذي ثاني ماراحش تصدقك                 

تكملللللة