#زواج_تقليدي 😍🔞

Part 10

يا امرأة أحبها..تفجر الشعر إذا داست على أي حجر..يا امرأة تحمل في شحوبهاجميع أحزان الشجر..ما أجمل المنفى إذا كنا معاً..يا امرأة توجز تاريخي..و تاريخ المطر!!.طلعت لغرفتي ،،، فرحانه ،،، بقى يومين على عرسي ،،، وموضوع لخدمة نحل ،،،احسن شي عملته وقت خليت كل شي بيد ربي وهذا لي صار ،،،، حطيت راسي على لمخدة ،،، نراجع في نهار ليوم ،،، احداث بزاف صراولي ،،، اما ماجا يكمل نهار كلشي نحل وهذا لي فرحني ،،، بقيت نشوف مع تليفوني طالعة نازلة فلفيسبوك ،،، من بعد قلت خلي ندخل نشوف اذا حط شي جديد ممكن بيه نقدر نقرا شخصيته ،،، لي متخبية ورا هذا صمت المربك ،،، ويا ريتني مادخلت ،،، لقيته مع بنت متعنكشة فيه ومتصورين ،،، صورة هذي نحطت من عشر دقايق وهي ايدونتيفياته معاها ،،،، وزيد راه بلبست ليوم ،،، تسما راه معاها في هذا لوقت ،،، حسيت روحي مشي مليحة خلاص ،،، مش غيرة خاطر مابينا شي ،،، اما حسيته مسلي كرامتي ،،، يومين وينكتب صداقنا مع بعض ،،، وهو فلحفلات ،،، ويجي يقولي انا مشي نتاع حب ،،، وشكون هذي لي معاه ،،، وجها مألوف ليا ،،، رجعت دخلت عندها ،،، ايه هذي هي ،،، لي تخدم فلشركة وكانت طلبت مني نجيب لقهوة وقت مشيت للشركة ،،،، من وين يعرفها ،،،، وهذي واش تقربه حبيته ولا واش ،،، اما هو قالي ماكانتش كاينة وحده قبلك ،،، يعني انا اول مرة في حياته ،،، اما اذا عاش فلغربة اكيد تكون كانت عنده علاقات عابرة ،،،، بقيت ليلة كاملة على اعصابي نستنى في كاش جديد يحطه هو ولا هي حتى داني نوم ،،،،بعدما تعشى هو وياها ،،، كانت جهزت روحها ،، ركبو فلطوموبيل ومشاو ،،، طول طريق وهي عاملة جو ،،، وفرحانه مشي مصدقة انو حب حياتها قاعد حداها ،،، فرحانه بقربه ووجوده ،،، فرحانه انو ليلة فرصتها تحكي كامل واش في قلبها ،،، متأكدة انو آدم ماعندهش علاقات جدية ،،، وراح يتقبل فكرة حبها ويصارحها بحبه ،،، وصلو قدام قاعة كبيرة يعملو فيها حفلات للسهرة ،،، تشبه شوي للبار اما يجوها ناس كبار فلبلاد ومافيهاش مشاكل ،،، شدتله يده وكملت تمشي بيه للداخل ،،،، شربو وحكاو ،،، وعملو تصاور مع بعض ،،، حكالها على لغربة ،،، وفرنسا ،،، وكيفاش كان عايش ،،، وحتى هي حكاتله واش علمت في لمدة لاخيرة ،،، وامور شركة وغيرها ،،، ووقت سمعت غنايتها لمفضلة كبشت فيه ينوضو يرقصو ،،، فلبداية مانع اما من بعد ستسلم قدام تلحليحها عليه ،،،، حط يديه ورا خصرها ،،، ودورت هي يديها على رقبته وباقي تتمايل ،،، لغنية كانت هادية ،،، وهي تشوف فيه عينيها يلمعو عشق وهيام فيه ،،،، كلشي فيه يجذبها ويخليها تفقد توازنها ،،، وعلاش لا وهي ماعرفت في حياتها غيره ،، واول ماحلت عينيها حلتهم فيه ،،،_آدم: ايه يالالا شابفك كبرتي وتعلمتي جو لحفلات ،،، هاكي مزال ماتتأثري بلشراب ،،،،_يسرى: هو صراحه كاين موضوع حابة نحكيهلك عندي مدة ،،،_آدم: نسمع فيك ،،،_يسرى: آدم ،، انا ،،،_شادية: يسرى ،،، هذو نتوما ،،،_تلفتو لقاو مراد هو وشادية حتى هوما جايين للحفلة ،،،_يسرى: شادية ،،، ههه واش جابكم ،،،_شادية: فديت أنا ومراد ملدار ،،، قلنل نجو نسهرو .،،_قرب مراد سلم عليهم ومشاو قعدو مع بعض على طاولة ،،،_آدم: ايه واش راكي شادية ،،،_شادية: مليحه ،،، ونتا كيفاش كانت سفرتك ،،،_آدم: مليحة ،،،_يسرى: ايه مراد وقتاش مقرين تتزوجو ،،،_ضحكت شادية وحطت يدها على يد مراد تتبسم ،،،_شادية: بعد شهرين نشالله ،،،_مراد: شادية ،، مزال ماحكيناش فلموضوع ،،،_شادية: ايه انا حكيت مع بابا ،،، وقتله بعد شهرين ،،،_آدم: ايه مبروك عليكم ،،،_شادية: ونتا واش عامل مش ناوي تتزوج وتستقر ،،،_آدم: قريب نشالله ،،،_تبسمت يسرى وفسرت كلامه على انو هي لمقصودة ،،،،فاتت سهرية بين كلام وضحك وحكايات صغر ولخدمة ،،، وبعدها ودعو بعض ومشى كل حد في طريق ،،، رجع مراد مع شادية ،..، ويسرى مشات مع آدم ،،، وصلها حتى باب دار وودعها ،،، قضلت انو المبادرة تكون منه ،،، مع انو مشي بلساهل يعبر على مشاعره ،،، اما كلامه لي حكاه قبيل عطاها امل ،،،، وخلاها تفوت ليلة كامله ،،، تخيل فيه وفي كل حاجه ممكن يحكيهالها ،،،،                                فقت صباح كيف لعادة ،،غسلت ولبست ،،، ونزلت شربت قهوتي ،، ورفدت صاكي وخرجت ،،،، غدوة نكتبو صداقنا ،،، ليلة عاملينلي سهرية ،،، باش نعمل لحنة ،،، مض عارفة نفرح ولا نسكت وخلاص ،،، ستنيت لباص حتى جا ركبت ومشيت ،،، طول طريق وانا نخمم ،،، واش فايدة هذا زواج ممكن انا تهورت ،،، اما كنت مجبورة نقبل ،، آخرتها نتزوج ،،، بصح هو قال مشي مهتم بهذا زواج يعني ممكن ينفصل عليا بعد زواج ...، لا هو كان صريح ملبداية ،،، هو مشي مهتم بلزواج مشي زواج بيا ،،،، واحسن شي صارحني هذا يكفيني ،،، وزيد معندهش مشكل فلخدمة وهذا لي يهمني ،،،، بصح علاش كان مع هذيك ،،، يعرفها ،، حبيبته ،،، ولا غير صديقة مقربة ،،، ايه اكيد هو مشي ملنوع لي يكذب وزيد عرسنا غدوة ،،،، انا من وين نعرفه باش نكون متأكدة من صدق كلامه ،،، اكيد يكون كذب عليا وانا صدقته ،،،، فاات لوقت وانا نحكي مغ روحي حتى وصلت ،،،، دخلت للشركة كيف لعادة كنت حاطة في بالي منزيدش نحط رجلي فيها خاصة بعد لي صرااا ،،،،مشيت لمكتبي طول ،،، حطيت صاكي وبديت فلملفات لي كانو قدامي ،،،،_عبير: ياااي سيلا انتي رجعتي ،،،قدمت جيهتي تسلم وتعنق ،،، ستغربت منها هذي وقتاش عرفتني حتى رجعت عزيزة عليها ،،،، اما عرفت انو هي طبعها هاك ،،،_سيلا: واش راكي عبير ،،،_عبير: مليحة ،،، بقيت نخمم فيك لبارح خاصة انو مارجعتيش ،،، قلت خلاص بطلتي لخدمة ،،، ايه احكيلي واش صرا ،،_سيلا: سوء تفاهم ونحل ،،، وهو عتذر ،،_عبير: تحكي صح ،،، لاستاذ مراد عتذر ،،،_سيلا: ايه عتذر ،،،، وعلاش مايعتذرش ،،، اي حد يغلط يطلب سماح ،،، وهذا لي صرا ،،،_عبير: شي غريب انو يعتذر منك ،،، ولا مرة سمعته طلب سماح من حد ،،،_سيلا: ايه ممكن انا اول وحدة يغلط معاها ،،،_عبير: ايه ممكن ,,,رجعت نكمل في خدمتي ،،، وقت وصل وقت لفطور ،،، خرجنا ،،، رفدت صاكي ومشيت ،،، بدا تليفوني يصوني كيف لعادة حتى ماحسيتش بروحي كيف صدمت في وحده ،،،_سيلا: اففف ،،، آسفة ،،، تلي،،،_يسرى: معليش ،،،_هي مشات وانا بقيت نتلفت نشوف ورا ،،، هذي هي لي كانت مع آدم ،،، يعني حنا نخدمو في شركة وحده ،،، حليت عينيا مفزوعة ،،، يعني ممكن نلقاه هنا ،،،، مشيت نزرب فطرت ورجعت طلعت لخدمتي ،،، غطست فيها حتى قلت يزي ،،،، صونا تليفون لمكتب تاعي ،،، جاوبت ، ،_سيلا: الووو_سناء: ارواحي لمكتبي ،،،_سيلا: اوكي ،،،_علقت ومشيت نشوف واش كاين ،،،، مش بلعادة تطلبني لعندها ،،،شادية: مراد واش صاري معاك نتا ،،،، كل مانحكي على موضوع زواج تقلب لموضوع ،،، عندنا كثر من عام مخطوبين ،،، وبابا كل شوي يقولي اذا تفاهمتو على موعد زواج ،،،، علاش تتهرب مني ،،،_مراد: مش قاعد نتهرب ،،، اما عندي امور اهم ،،،_شادية: كيما واش ،،،، وريني واش قاعد تعمل فلبيسي لي قدامك ،،،_كان حاطه يتفرج في تسجيلات سيلا ،،، من وقت ماجات حتى لي مشات لعند سناء ،،،،_مراد: شادية شدي بلاصتك ،،، وانا اكيد مش قاعد نضيع في وقتي ،،،_شادية: لا شايفة بلي ماراكش تضيع في وقتك ،،، شكون هذي لي قاعد تبع فيها طول لوقت ،، فلتسجيلات ،،، من وقت ماقعدت وانا نشوف فلانعكاس لي على لمرايا ،،، وقاعدة نكذب في روحي ،،، شكون هذي ؟؛                                                                                        دقيت لباب ،،، جاني صوتها من داخل ،،،

_سناء: تفضل ،،،

_دخلت ومشيت قعدت مقابلتها ،،، سكرت واش كان قدامها وشافت فيا تحكي ،،،

_سناء: راح ننسى كلامك نتاع لبارح ،،، ومش حابة نسقسيك واش سبته ،،، خاطر حتى مراد نبه عليا ننسى واش حكيتي ،،، لانو لموضوع نحل بينكم ،،،

_سيلا: ايه ،،

_سناء: محتاجين سكرتيرة لمكتب مراد ،،، وهو طلب مني نشوف وحده مناسبة ومالقيتش احسن منك ،،،، تقدري تمشي ،،

_سيلا: لا ،،، انا نرفض ،،، خدمتي لي راني فيها مليحة شوفي وحدة ثانية غيري ،،،

_سناء: علاش؟؛

_سيلا: لانو هاك راني مرتاحه ،،،

_سناء: جوابك مشي مقنع ،،، وانا ماجيتش ندي رايك ،،،، راح يحولو مكتبك لفوقث تقدري تمشي ،،،

_سيلا: بس ،،،

_سناء: تفضلي عندي خدمة ،،،،

_كبست على يديا وخرجت لبرا ،،، حابة نعيط ،،، اعععع وانا نقول علاش نهاري قريب يكمل ومزال ماتصرا كارثة ،،،، رجع تليفون يصوني حتى صدعلي راشي ،،،،

_سيلا: واش ،،،

_خديجة: كيفاش واش ،،، رانا نستنو فيك هنا ،،، ونتي مزال ماتجي ،،،

_سيلا: اففف نسيت كامل ،،، راني جاية هداوين كملت ،،،

_طلعت رفدت صاكي .،،، وخرجت كارهة حياتي ،،، هو اكيد عنده علاقة بلموضوع ولا علاش ختارتني انا بلذات ،،،

وصلت للدار عرضتني ريحة لبخور ولعطور ،،،، حطيت مونتويا وصباطي ،،، ودخلت للصالة نلم في شعري ،،، لقيت ماما خديجة وختي متزينين ،،، وشوي نسا من لي نعرفوهم قاعدين ،،،، لجو كان دافي ،،، تبشمت وسلمت عليهم ومشيت نحكي مع ماما خديجة ،،،

_سيلا: واش هذا لكل ،،،

_خديجة: ليلة حنتك ،،، امشي دوشي والبسي واش جهزتلك وماتنسيش تشيحي شعرك ،،،،

_سيلا: لازم هذا لكل ،،،

_خديجة: ايه لازم ،،، شوي وتوصل عزيزة ،، وليوم جاية حتى مرت بوه ،،، مش حابة يعلقو على شي ، ،،

_سيلا: وهو جاي ،،،

_خديجة: عزيزة ماقتليش اذا جاي ،،، اما احتمال يجو معاه ،،، هيا امشي مابقاش وقت في يدك ساعة وتنزلي ،،،،

دخلت للصالة رجعت لبلاصتي ،،، وبداو يغنو ،،، حطو شموع ولحنة ،،، قربت عزيزة حطتلي ،،، ووقفت ماما خديجة على راسي تزغرت ،،، قربت مرت باباه سلمت عليا ومدتلي كادو صغير ،،، ونقلبت صالة غنا وشطيح ،،، وانا في وسطهم مابيا نضحك مابيا نخمم ،،، كون حبست هذي لخدمة بلا تصداع راس مشي غاية ،،، فات لحال ،،، وجا وقت يمشو ودعتهم عند لباب ،،، لقيته هو فلطوموبيل برااا ،،، مركز عينيه مع تليفون ،،، اكيد يكون يحكي مع صحبته ولا علاش مهتم كاع هاك ،،، مشات عزيزة ركبت حداه ،،، ومرت بابه مشات للطوموبيل ثانية مع راجلها ،،، هوما مشاو وانا مشيت طول لغرفتي تاعبة وماعيني نحكي نحيت لمطياج ولبست بيجامه ورميت روحي على سرير ،،، وغطست فلنوم ،،،،رجع لداره ،، لي عملت عزيزة مجهودها باش ترجعها دار عرسان ،،، خاطر ديما رامي برسوماته وصوالح لخدمة في لرض ،،، حط لمفتاح وتليفون على طاولة ومشى للكوجينة جبد لما ملبراد شرب وتعدى للدوش ،،، حل لما وبقى تحته ،،، يخمم في غدوة وواش يستنى فيه ،،، لف لمنشفة على بدنه ودخل لغرفته جبد لبس وبقى فلصالة حاط لبيسي ويخدم ،،، سمع صوت تليفونه ،،، خلاه يصوني وكمل يخدم ،،، رجع عاود صونا نفخ ومشى جاوب ،،،_يسرى: وين راك ماعيطتليش ،،،_آدم: لاهي مع لخدمة ،،،_يسرى: افف كل يوم خدمة. ،،،، حابة نشوفك ،،،_آدم: يسرى نحكي صح راني مشغول وراح نسكر باي ،،، علق عليها ورجع يخدم ،