#زواج_تقليدي 😍🔞

part 20

كأنو لحياة تحب تفاجأنا كل مرة بشغلات ماتكونش في متوقعنا ... انو فجأة بلامقدمات .. نلقو رواحنا مأسورين في سجونها ... فجأة تلقى روحك مكبل في وسط زنزانة معتمه ... تخنقك ... وترجع تعطيك بصيص امل .... بمجرد ماتشوف نور شمس لي طلع من الفتحة صغيرة لموجودة في اعلى لحائط ... اما بعد مرور مدة قصيرة يختفي هذاك نور. وترجع نتا لزاوية لحائط يائس ... ومستعد تستقبل لموت اذا جاك ... المهم انك تهرب منه..... دروس لحياة مستحيل انها تخلاص ... او انو لواحد يقراها بين نهار وليلة .... البشر انواع ... وكل حد عنده قصة..... الضحكه لمرسومه على لشفاف... ولا لامبالاة لي عند كل حد منا ... مستحيل تكون هذيك هي حياتنا ولا شخصيتنا ... كل حد فينا عندو جرح عميق ... قاعد داخل داخل لاعماق ... تفضل انو مايظهرش ... وانو حتى حد مايوصله ولا يعرفه. .... هو جرح عنده سنين واذا طلع راح يعيشك لمرار من جديد ....رمى بروحه لبرا وقعد على ركايبيه ... يحاول يتنفس اما شي مش قادر... رفد يديه يرعشو يحاول بفتح زرار لفاست باش يقدر يتنفس .... مش مستوعب لي قاعد يصرا ... رجع هز يديه حطهم على وذنيه مايحبش يسمع لاصوات هذي .... تمنى انو ماحاولتش تنقذه يومتها ... تمنى انو مات معاها ولا يعيش هذا لعذاب ... شعور ماينوصفش .... بعيد كل لبعد على حاجة اسمها وجيعة.... هذي حاجة خلاف ... هذي صدمة ممزوجه مابين لماضي ولحاظر .... حطت يديها على كتفه ... مش عارفة واش صراله فجأة رجع حد ثاني ... ماعرفتش كيفاش تتصرف ... لتوا .. مش عارفة كيفاش قدرت توقف طوموبيل بلاما يعملو حادث .... لتوااا مش عارفة علاش سيب لفولون .... مش عارفة كيفاش جمد ومارجع يحس بشي ....مش وقت انها تساله واش بيك .... توا وقت انو تحاول تخفف عليه ... تحاول تفيقه على وضعه. ...._سيلا: آدم ... لباس ..._بلع ريقه ورجع دور عينيه فيها مفزوع.... كانو حس على لوضع لي هو فيه .... توااا عرف انو قاعد يعيش فلحاضر مشي لماضي ... وانو لحادث لي كان يمشي قدامه كان يعيش فيه مع سيلا .... جا واقف على رجليه..... يشوف فيها ... عينيهل يحبو يسالوه الف سؤال ... اما هو مشي مستعد يجاوب على اي واحد منهم .... بعدها عليه ومشى ركب فلطوموبيل .... بقات واقفة تشوف معاه. عينيه يشوفو مع طريق. . مشات ركبت حداه وبقاات ساكتة . ... تقول كانت عايشة حلمة وفاقت منها . ... لدروك مشي مصدقة لي صرااا .... حاسة بخوف ..... حاسة انو لي قاعد حداها عنده قصة طويله مع لحياة .... لحياة لي قد ماتقسى عليك تنسى انو مقدار استطاعتك محدود ... راح تصبر تصبر لين ماعادش فيك ....سيلا تحكي :وقت وصلنا حبسنا قدام فيلا كبيره ... دورت عينيا نشوف معاها .. ورجعت شفت فيه حبيت نحكي معاه شفته نزل. .. تنهدت ورجعت نزلت وراه .... عطى لمفتاح للحارس لي برا ... يدخل طوموبيل ودخل هو لحقته نكركر في فاليزتي... جنينة كبيرة تريح نفس ... اما لحال كان بارد بزاف ... عجلت وراه باش ندخل للداخل ندفى ... حلت علينا عزيزة. ... وقت شافتنا فرحت بزااف سلمت على آدم ورجعت حضنتني ... دخلنا للصالة..... هو طلع لفوق ... ممكن لغرفته.... وعزيزة مشات للكوجينة. بقيت وحدي قاعدة ندور في عينيا على لبيت .... شوي وشفتها جايبة صينية فيها قهوة ... حطتها وبقينا نشربو ونحكو..... انا نحكي كلمة وقص لتوااا مش مصدقة لي صار ... تعدات ربع ساعة شفته نازل .... ريحه بارفانته هي لي خلتني ننتبه عليه .... لابس كوستيم ... ظاهر فيه ماشي للخدمة .... ستأذن من عزيزة ومشى ..... بقيت نتبع فيه بعينيا لين خرج. ... يعني صح هذيك تكون شركته ولا باش يقنعني على لخدمة كذب عليا .... اما اكيد مشي موضوع لي يكذب فيه ...._عزيزة : سيلا وين سارحه ...._لقيتها فرصتي انو نجيب معاها لكلام ممكن نعرف شي حاجه على حياته ...                                                                                                   عزيزة: سيلا واش صاري معاك ،،، من وقت ما وصلتي وانتي شاردة ،،،_سيلا: هو صح كاين شي شاغلي بالي ،،،،_شفتها قربت جيهتي وشدتلي يدي تحكي ،،،_عزيزة: هاني نسمع فيك اذا حابة تحكي شي،،،_سيلا: لموضوع يخص آدم ،،، يعني حابة نعرف هو علاش تحسيه معاك ومش معاك ،،،_شفتها تنهدت ورجعت تحكي ،،،_عزيزة: آدم ولدي حنين ،،،، مش راح تلقي كيفه سيلا ،،، وانا ماخترتك ليه الا وانا متأكدة انو راح ترجعيه لطبيعته ،،،، خليه هو يفتحلك قلبه ويحكيلك ،،،، اوعديني سيلا انو مهما صرا راح تبقي حداه ،،، حتى وهوزيقولك امشي ماتخليهش ،،، كبشي فيه لآخر نفس عندك ،،،،_كلامها حيرني كثر،،، خلاني نحس انو مهمتي راح تكون صعيبة بزاف ،،،، وفي نفس لوقت حسيت بشعور لمسؤولية ،،، حسيت انو صار عندي طعم في هذي لحياة ،،، وعندي دور فيها ،،، لي هو دور زوجه ،،، دور عطاه ربي لكل وحدة فينا ،،، دور عظيم ،،، مش بساهل تلتزم بيه اي وحده ،،،، تبسمتلها وطلعت لغوق بعدما ورتني غرفة آدم وين ،،، طلعت ليها ،، واول ماحليتها عرضتني ريحته ،،، تبسمت ودخلت ،،،، بقيت ندور نتفقد في كل اثاث موجود فيها ،،، آدم مش صعيب كيف ماخممت ،،، هو ضعيف كيف اي انسان ،،، عنده قلب ،،، وعنده رحمة ،،، ويعرف حاجه اسمها حنان ،،، اما فقدهم بطريقة خلاته ينسى انو هو انسان ،،، عايش ويتنفس ،،،، كلمة انا ميت توا وين فهمتها ،،،، رتميت على سرير ،،، وبقيت نشوف مع سقف لغرفة ،،، حسيت بدفا لمكان ،،، حسيت انو متوحشة نشوفه ،،،، ونطمنه انو لحياة مهما ظلمتنا فلاخير راح تسعدنا ،،، مشي قاسية لدرجة لي حنا متوقعينها ،،، حتى هي تنحنى وترضخ في وقت من لاوقات ،،،،اول ماوصل للشركة مشى طول لمكتبه ماعينه يحكي مع حد ،،، حط لملفات ،، وصفقات جديدة وغطس فيهم ،،،، مش حاب يتذكر نهار ليوم ،،، ولا واش صراا ،،، حتى سيلا ماحبش يخمم فيها ،،،، ماتوقعش انو يجي نهار ويشوفه حد في هذبيك لحالة ،،، سيلا كانت آخر وحده يتمنى تشوفه بهذيك طريقة ،،،، رجع ناض ومشى جيهة شباك بقى واقف يشوف لبرااا ،،، شاف يسرى داخلة ،،، طلعت عينيها شافت فيه ورجعت مشات للداخل ،،، تنهد وىجع قعد على لكرسي ،،، دقايق ولقاها واقفة قدامه ،،،                                            يسرى تحكي :اول ماطلعت عينيا ... جات عيني في عينه ...حسيت قلبي ضرب ... مش عارفة علاش بعد عليا ... مش عارفة علاش لتوا وين فكر يرجع ... حاجه وحده كانت دور في راسي ... نمشي لعنده ... نفهم منه واش قاعد يصرا .... طلعت نع سلالم نزرب .... ماسمعتش لكلام سناء لي جايني من ورا ... دقايق ولقيت روحي واقفة قدامه .... شفته طلع عينيه خزرلي ورجع حط راسه مانعرف واش كان قاعد يعمل .... قربت جيهته وقعدت على لكرسي لي مقابله ... ضميت يديا لصدري ... ورجعت نشوف فيه ..._لباس؟_آدم: اممم ..._علاش ماتجاوبش على اتصالاتي ..._آدم: كنت متلهي بشغلات اهم ماشفتهش ..._هههه ايه عادي .... تعرف بواش قاعدة نحس ..._آدم: يسرى مش ناقصك ...._ديما تعاملني هاك ديما تبعد فيا عليك ... من وقت ماكنا صغار تنبزني ونرجع انا نصلح كلشي ونجري وراك ... تعرف علاش ... خاطرني لوحيدة لي تحبك وتحس عليك ...._طلع عينيه يشوف فيها .... عينيها معابيين بدموع ... شفافها يرعشو ... كحلها سايح على وجها ... سكر عينيه ورجع دور راسه ..._يسرى: آدم اخزرلي ... اخزرلي هنا ... اسمعلي ..._ناض من بلاصته ومشى جيهة شباك يشوف لبرا ... مش حاب يسمعلها ... اصلا لي فيه يكفيه ...._ناضت مشات جيهته ... حطت يدها على ظهره تحكي ..._يسرى: انتا مكانك حدايا ... حنا لبعض آدم ... للزوج نفهمو على بعض ... انا ناقصة وانتا ناقص ... اما نقدرو نكملو رواحنا مع بعض ... نوعدك انو تنسى كل شي صعيب مريت بيه ...ارجعلي آدم ... راني نحبك ... راني راح نموت اذا شفتك مع غيري ... ماتخلينيش نعمل شغلات مش متمنية نعملهم ... اخزرلي وقت نحكي ... اسمعلي ... مهما صرا راح ننساه ... راح ننسى انو نتا تزوجت بوحده غيري ... راح ننسى انو نتا خبيت لموضوع عليا...طلقها وخلينا نبنو حياتنا مع بعض .. كيف ماخططنا من صغرتنا ... كنت واعدني ببيت دافي ... نسيت ... اااه نسيت ... مسحت دموعها ... ورجعت حضناته من ورا .... ماتعرفش قداش نحبك .... مستحيل نخلي وحده غيري تديك ... هي ماتحبكش ... هي مش مستعده تواجهني .... هي مش مستعده تواجه حد على جال حبك ... بمجرد ماراح تعرف ماضيك راح تسيبك ... مش مستعده تتحمل جنانك ... ولا نوبات لهلع نتاوعك ... راح تذمر وتمشي وتخليك ...._كانو آخر سطور حكاتهم خلوه يعرف واش قاعده تعمل هبطلها يديها ورجع دزها لورا ..._آدم: حتى انا مش محتاج حد جنبي ... لانتي لا غيرك ...خرج وضرب لباب وراه .... خلاها قاعده فلقاعة تبكي كش عارفة كيفاش تفهمه انو هي ربطت كلشي في حياتها بيه ... وعنده كلشي يتوقف ...خرج من مكتبه ... ونزل يزرب ...يحب يهرب منهم ... ركب فلطوموبيل ومشى .... يسوق مش عارف لوين ماشي.... حبس قدام بار كبير .... بقى حاط راسه على لفولون .... يخمم ... عنده مده مامشاش لهنا ... ولا خمم يرجع لهذي لبلاصة ... كل مرة ينعل شيطان ويمشي ... اما ليوم صح حاب ينسى .... حب يخوي راسه من اي حاجه .... نزل ملطوموبيل ومشى                                                                 سيلا تحكي:عديت نهار كامل مع عزيزة ... عملنا لفطور مع بعض ... وتغذينا ... صح مرا كبيرة اما مزيرة وتاكلة على روحها وحكياتها عسل ... طاح ليل وشي مابانش ... ستنيته يجي ... اما لتوا مشي مبين ... نشغل بالي عليه ... وحتى ملتليفون ماعنديش ... ضطريت نمشي نجيب تليفون عزيزة نعيطله من عندها ... يصوني اما مش قاعد يرد .... رجعت لغرفتي وخليت تليفون عندي .... بقيا في بلاصتي نخمم .. في نهار ليوم ... قلبي واجعني عليه ... اما مش حاباته يحس انو انا قاعدة نشفق عليه. . رفدت تليفون كتبت ميشاج بعثتها ومشيت تسطحت في بلاصتي .....دخل للبار ... ضجيج كان كالي لمكان لغنا وشراب ودخان ... راح قعد فلزاوية ... يشرب ويتفرج على ناس ... تحسه معاهم ومشي معاهم ... هايم بافكاره في دنيا ثانية ... شرب حتى قال يزي . . ناض يتمايل ... مش قادر يهز روحه .... تشوف فيه من وقت مادخل ... حتى انو ركزت على شرابه.... وخلت شكون يحطله حبة تخليه يسكر على لآخر ... وقت عرفاته راح يمشي لبرااا ... لحقاته تجري ... حطت يديها عليه تسند فيه ... تلفت شاف فيها ورجع تبسم ..._آدم: انتي شكون ._أحلام: واش رايك نمشي معاك اكيد مش راح تقدر تسوق وانتا بهذي لحاله ... وصلته للطوموبيل خلاته يركب ومشات ركبت فلجهة ثانية...._أحلام: اعطيني عنوان لبيت ..._آدم: ##### ..._شدت طريق للعنوان لي مدهلها ... نزلت وسكرت طوموبيل وطلعت بيه للفوق. .... وقت وصلت ... ستناته يجبد لكارط .. اما كان واقف مسكر عينيه ... عوجت فمها ودخلت يدها في جيبه جبدت لكارط ... وحلت لباب ... ودخلو..... مشاو طول لغرفة نوم .... دخل هو يغسل وجهه. .. وهي بقات تتفرج مع لغرفة ... وقت شافته خرج طيشت بوشاتها وساندالها في لرض . ومشات جيهته .. اكيد هذا لكل عملاته على جاله ومش راح تتراجع في آخر لحظة.....بقى لحظات واقف يشوف فيها ... مش قادر يميز بين صح ولغالط ... ولا يخمم في اي شي .... حطت يديها عليه تحل في زرار لقميص ... وهو مسلملها ..._آحلام: ماحلاك ..._ضيق عينيه ورجع عوج راسه ... شايفها من قبل اما مشي متذكر وين .... اصلا مش واعي عليها ... مشى بيها جيهة سرير وغطسو في بعض....._طلع صباح .... حلت عينيها ... ناضت تشوف مع لغرفة ... سرير فاضي لتوااا مارجعش .... مشات غسلت وجها ... وجبدت تليفون تحاول تعيطله . اما مسكر ..... بدلت دبشها ... ونزلت سخنت لقهوة شربتها ... ورفدت صاكها خارجه ... بلاما تحكي لعزيزة ... متاكدة انو راه فلبيت ..