#زواج_تقليدي 😍🔞

Part 11

حليت عينيا على صوت ختي على راسي تنوض فياا ،،،_سيلا ،،، نوضي ،،، مابقى حال ،،،_نضت مفزوعة ،،، شفت فيها مستغربة ورجعت عيطت ،،، رفدت تليفوني نشوف فلوقت ،،، 9 تاع صباح ،،،، لقيت قريب 20 ابال ،،،، وميساج ،،،، دخلت نجري نشوف شكون ،،، ليقته مراد ،،، رحت قريت لميساج ،،،، ' اذا ماجيتيش راكي مفصولة ' ،،_تبسمت على جنب ورميت تليفون ،،، تهنية منه ،،،، رجعت شفت في ختي وقطبت حواجبي ،،،_سيلا: علاش جاية طايحة عليا على صباح ،،،_باش تنوضي ،،، ماشيين للحمام ليوم ،،، انا ونتي. ،،، وبعدها نتعدو عند لحجامة ،،،_سيلا: نسيت كامل ،،،، لحال كيفاش راه برااا ،،،_مليح شوي شمس راهي ،،،_سيلا: ايه نشالله ماتمطرش وخلاص ،،،_مشيت للصال دو بان غسلت وجهي ،،، وجبدت فاليزتي وجدت صوالحي ،،، لي نمشي بيهم للحمام ،،، طلعت شعري لفوق ،،، وماحبيتش نحط مكياج ،،، اصلا ماشية للحمام ،،، مش لخدمة ولا عرس ،،، نزلت تحت لقيت ختي موجده روحها ،،، مدتلنا ماما خديجة دراهم لحمام ،،، وقاتلنا انو رايحة تلحقنا لعند لحجامة ،،،خرجت لقيت بابا محبس طاكسي باش يوصلنا ،، احسن من انو نمشي فلباص ،،، وصانا بعد شي ربع ساعة ،.،، دخلت كان لحمام يفور وسخون كيف ما نحبو ،،، رتحت فيه وحتى اعصابي رتاحو ،.،، عملت مجهود كبير على بدني ،،، عملت حمام عروسة كيف ما يقولو ،،، وبعدها مشينا لعند لحجامة كان نص نهار .،،، وكنا متفاهمين نكتبو صداقنا على 6 نتاع عشية ،،،، مزال باقي 6 سوايع ،،،، تلهتلي لحجامة بوجهي ،،، وحطتلي ماسكات ،،، صراحة رطبولي وجهي لدرجة كبيرة ،،، تعدو كثر من ثلاث ساعة وهي متلهية بوجهي وجسمي ،،،، سمعت تليفون يصوني جاوبت،،_سيلا : الووو ،،،_آدم: وي ،،، سيلا؟_سيلا: ااا هذا نتا ،،، ايه سيلا ،،،_آدم: عيطتلك نسقسيك ،، وقتاش نتعدى لعندك ،،، واذا تقدري تنعتيلي لعنوان ،،،_سيلا: مزال مطولة شوي ،،، بعد ساعتين تقدر تجي ،،، وتو نبعثلك لعنوان لي ميساج ،،، حطيت تليفون ورجعت تنفست ،،، تفاجأت انو عيطلي ،،، يعني راح يجي هو يديني من هنا ،،_كملت مكيجتلي ومشطتلي شعري ،،،، وهذا لكل وانا مزال مانشوف روحي كيفاش طالعة ،،،شوي وجات ماما خديجة ،،، داخلة تزغرت ،،، وكانو معاها شوي بنات من حومتنا ،،، جابولي لاغوب لي رايحة نلبسها ،،، يعني كلشي عملته عند لحجامة ،،، ومن ثم نمشي للصالة لي راح نكتبو صداقنا فيها ،،،، آدم اصر انو عرسنا يكون صداق وخلاص بلا بلبلة كبيرة ،،،، رغم انو عزيزة طانت حابة لعكس ،،، وانا ماعارضتش ،،، حتى انا نحب حاجة صغيرة ،،، بينا وخلاص ،،،  يسألونني عن الحب وقواعده ،،، وأجيب أنا بدون تفكير ،،، لا أفقه في الحب قانونا ،،،، ولكن قلبي قادني اليه ،،، في يوم من ايام الخريف الممطرة لبست لغوب ،،، ووقفت نشوف مع روحي قدام لمرايا ،،، مشي مصدقة انو صح هذي انا ،،، ليوم وين صدقت مقولة انو وقت عرسك ربي يبعثلك نور في وجهك ،،،، قربت ماما خديجة سلمت عليا ،،، ومدتلي اسوارة نتاع ذهب ،،، جيت نرجعهالها لقيت لبستهالي ،،، حسيت عينيا تعبو بدموع ،،، شفت روحي صغيرة قدامها وقدام كلشي عاملاته على جالي ،،،، بلاما نخمم رتميت في حضنها ،،، قعدت تضحك وتمشي في يدها على ظهري ،،،، رجعت باستني ،،،_خديجة: نشالله ديما فرحانه ،،، وزواجة الدهر نشالله ،،،_سيلا: نشالله ،،،،_خديجة: ايه ،،، هاهو وصل آدم ،،،_صوت طوموبيلات لي جاي من برا ،،، خلاني نتلفت نشوف لبرا ،،،، دخلت عزيزة تزغرت ومعاها زوج نسا كيفها ،،، قربت مني سلمت عليا ،،، ومدتلي سلسلة حطتهالي في رقبتي ،،،، وبقات تسمي وتعاود ،،،، وقتها فرحتي ماكنتش مستعدة نعطيها لحد في هذي دنيا ،،، ولا حد. ،،،فرحة جاتني بدون سابق انذار ،،،، فرحة بعد حزن طويل ،،، مش لازم يكون الحب هو سبب لوحيد للسعادة ،،،،، السعادة عندها مفهموم مختلف ،،،، ممكن تكون من ناس كنت تجهل انو راح يجي وقت يرجعو مصدر لابتسامتك ،،،، وهذا يكفيني ،،، داخله لعالم جديد ،،، عالم راح يعلمني شغلات بزاف ،،،، وماراحش يكون ساهل ،،، اما في نفس لوقت مشي صعيب ،،،، حطيت على راسي البرنوس ،،، وخرجت ،،، لقيته واقف لابس كوستيم ،،،، شعره كيف لعادة مابدلش تسريحته اما شكله كان يهبل ومع لحيته ،،،، ياي كان كيف طفل صغير ،،، نظرته ،،، وابتسامته ،،، مدلي يده باش نركب ،،، مديت يدي ليه وركبت ملقدام ،،،، نسمة باردة هبت خلت ريحته تضرب في خشمي ،،، تبسمت وشفت جيهة شباك ،،، وهو حدايا يسوق ،،، ولحقونا هوما من ورا ،،، صوت طوموبيلات كان عامل جو ،،، تلفت شفت فيه ،،، باقي يسوق ومركز مع طريق ،،،_سيلا: احممم ،،، شايفاتك ساكت ،،، ماعلقتوعلى شي ،،،_تبسم ورجع شاف فيا ،،،_آدم: كيما واش ،،،_سيلا: مانعرف ،،، ستنيت تقولي الف مبروك ولا حاجه هاك ،،،_آدم: ههههه ،،، مزال وقتها علاش مزروبة نكتبو صداقنا وراح نقولها ،،،_سيلا: هههه صح ظاهر تقمصت دور لعروسه كثر ملزوم ..، حتى مزال مانولو متزوجين ،،، ظاهر هرمون سعادة مرتفع عندي ،،،_آدم: هههههه ،،،، هههههه ،،، تحكي صح ،،،، تعرفي انو اول مرة نحسك على طبيعتك ،،،_سيلا: وانا ولا مرة قدرت نميز شخصيتك ،،،_آدم: ممكن شخصيتي صعيبة ،،، اما نوعدك راح نكون صديق مليح ليك ،،، وسند يدعمك ،،،_سيلا: ماعنديش شك فلموضوع ،،، صراحتك معايا وصدقك يكفوني. ،،،_آدم: رانا وصلنا ،،، جاهزة ،،،_دورت عينيا لقيت استقبال كبير ،،،، رجال لابسين زي تقليدي ،،، عزف وكمان ،،، وورود ،،، لا مانيش مصدقة ،،،،_سيلا: هذو ليااا ،،، اعععع صح ليا ،، انا لعروسه ،،،_آدم: هيا خلينا ننزلو ،،،                                                                                                                                                                                      نزل هو قبلي ،،، ومشا حلي لباب ،،، حطيت يدي في يده وجينا داخلين ،،، بدات لفرقة تعزف في اغاني شعبية ،،، وزغاريت جاية من ورا ،،، لورود قاعدة طيح فوقنا ،،،، منظر ماينقدرش ينوصف ،،، شفت فيه وضحكت ،،، قربت عزيزة بصحن فيه كيسان لحليب وتمر ،،، مدتلنا شربنا وكلينا يعني هذي هي عاداتنا ،،، ودخلنا على احلى غناية يعملوها للعروسه وقت يزفوها ،،، في وسط صاله كانت منصوبة طاوله كبيره وين كان شيخ لي راح يكتبلنا صداقنا ،،، مشيت قعدت وجا هو حدايا ،،، وقربت عزيزة وماما خديجة وبابا حبو يشهدو هوما على هذا لعرس ،،،، قصة عشقي كانت قاعدة تنكتب في هذا ،،، ليوم نكتبت قصة جديدة ،،، ونخلقت ،،، وعطاوها مجال باش تنبض ،،، سقساني الكاتب اذا راني قابله ،، وكان جوابي نعم وحتى هو ،،، ورجعنا مضينا ،،،، وسقسى شهود اذا قابلين يشهدو على هذا زواج ومضاو ،،،، وهكا صرنا زوج وزوجة قدام ربي والقانون ،،،، فرحت انو مكانتش عندي علاقات قبل ،،،،واول شخص في حياتي دخل ملباب لعريض ،،، وتزوجنا بلحلال ،،، واي شي راح يجي بعد هذا زواج راح يكون يرضي ضميري ويرضي ربي ،،، وراحة البال هذي نعمة كبيره ،،، شفت فيه وتبسمت ،،،_آدم: مبروك ،،،_سيلا: هههه ،،، وحتى نتا مبروك زواجك ،،،_كان الحضور قليل ،،،، وهذا لي عجبني بلا فوضى ،،، وحتى من آدم ماشفت حتى حد من صحابه ،،، من غير عايلته ،،،_آدم: سيلا خارج برا عندي اتصال شوي ونرجع ،،،_سيلا: اوكي ،،،_هو خرج وانا جات ختي جبدتني من يدي للقاعة وين كانو يرقصو ،،، حطو غنية كيف مانحبها ،،، من زهري ،،، طلعت حاجبي ورجعت نرقص ،،، مستغربة انو نهار ليوم هو اول نهار كلشي يكون فيه باهي ،،، رقصت وفرحت ،،، ومع عزيزة وماما خديجة لي عاملين جو تقول ليوم عرسهم هوما ،،، فرحتي كانت كبيرة،،،_آدم :وي يسرى ،،_يسرى: آدم وينك ،،،_آدم: يسرى قاعدة تبكي ؟!_يسرى: وينك حابة نشوفك ،،،_آدم: نتي وين راكي ؟!_يسرى: فلدار ،،،_آدم: امك هي المشكل ،،،_يسرى:ايه رجعت عملت كيف قبل ،،، رجعت بعدتني عليها ،،، لكل عايش حياته غيري انا ،،، بابا شاف حياته وهي شافت حياتها ،،، متلهية بولادها ،،، وانا بقيت فلهامش ،،، مابقى حد جنبي ،،، آدم انا كرهت كرهت ،،،                                                                                 علق عليها ودخل للصاله ،،،، وقف شوي يشوف في فرحتهم ،،، يتأمل في وجه عزيزة ،،، لي لي رغم علامات لكبر لي باينة في وجها ،،، اما فرحتها تجاوزت تجاعيدها وخلتها توضاح وخاصة في هذا نهار ،،، وحتى من سيلا ،،، لمراه لي ليوم صارت مرته بلرسمي ،،، لي مايعرف عليها شي من غير انو عزيزة ربطاته بيها باش تكون ورقتها رابحه لي تخليه قريب منها ومايخممش يبعد ،،، مشى جيهتهم وين عرضاته عزيزة ،،، تجبد فيه وراها ،،، ماشية بيه جيهة سيلا ،،، حابتهم يرقصو مع بعض ،،، هذا شي خلى سيلا توقف تشوف فيه ،،، مقابلاته ،،، عينيها في عينيه ،،، بعدو عليهم وخلولهم مجال انو يقربو من بعض ،،، انها تحط يديها ورا رقبته ،،، وهو يدور يديه ورا خصرها ويقربها جيهته ،،، بلنسبه ليه سيلا ،،، ماعندها حتى ذنب ،،، ومش ملداعي يعاملها بطريقة مشي مليحة ،،،، وتوا صارت مسؤوليته ،،، وهو راح يعمل لمستحيل باش يقوم بواجبه اتجاهها ،،، اما مايستناش انه يمدلها لحب ،،، علاقتهم مبنية على لاحترام ،،، وهذا شي لي وضحه ملبداية وهي قبلاته ،،، وقت قالها ختاري ،،، وماكيش مجبورة تقبلي ،،، اما هي واصلت في هذا زواج ،،، باقي يرقصو مع بعض ،،، دور العروسه ،،، والسعاده لي كانت تعيش فيهم سيلا كانو بلنسبة ليها اهم شي صار في حياتها ،،،، وممكن حتى اسعد من يوم تخرجها ،،،، وهو كان يرقص وباله في يسرى ،،، لي قاعدة تستنى فيه يجيها وترتمى في حضنه ،،، وتنسى كامل واش عاشت ،،، تحس انو هو راح يحميها من هذا لعالم لموحش ،،،،كمل عرسنا ومعاه فضات صاله وبدات ناس تمشي على روحها ،،،، سلمنا على ضيوف وودعناهم ،،،، ومشينا مع بعض لبرااا ،،، ركبت ملقدام ،،، بعدما سلمت على ماما خديجة وختي ،،، وعنقت بابا نبكي ،،، مهما صرا راح نتوحش غرفتي ،،، ودارنا وريحة القهوة لي تعرضني عند لباب ،،،، كلشي يصير عنده نكهة خاصة وقت نفقدوه ،،، كيف الفصول وقت تجي وتمشي نحنو ليها بطريقة مش عادية ،،، هذي طبيعة البشر ممكن لو عشنا كثر من قرن راح نحسو بقيمة لحظات لي مشات ومراحش ترجع ،،،، مشات طوموبيل ،،، ومعاها بدا قدري يرسملي في شغلا ت جدد ،،،، حياة جديدة بدات ليوم ،،، بقيت نتفرج على خاتمي لي في يدي ،،، ونشوف لبرااا ،،، بدات لمطر طيح ،،، خرجت يدي خليتها طيح على يدي ،،، حبيتها تشهد على سعادتي ،،، وهي لي كانت تعرف كامل واش صرا معايا من اول نهار لهذا ليوم ،، كيفاش نتجاهلها نهار سعادتي ،،، وانا لي بكيت تحتها مقهورة ،،،، وصلنا قدام عمارة كبيره ،،،، شفت فيه سقسيته ،،،_سيلا: وصلنا؟!_آدم : ايه ،،، انا عايش هنا ،،، اما قليل وين نبات فيها ،،،،_سيلا: ااا قصدك كنت تقعد مع عزيزة ،،،_آدم: لا ،،، عندي بيت فلخرجة تاع لمدينة ،،، فيه خدمتي ،، على جال هاك نظل فيه ،،،رجع شاف برااا ،،،آدم: قاعدة تمطر ،،، خلينا ندخلو ،،،