#زواج_تقليدي 😍🔞

Part 23

سيلا تحكي:خرجت نجري ... نحس في قلبي يضرب بلقاوي ... مانعرف كيفاش قدرت نهز رجليا لبرااا .... ريحة عطره خنقتني .... نظراته وهو يشوف فيا دخلوني بعضي ... ولي وجعني كثر انو مكان لي جتمعنا فيه قبل ... جاه مع وحده غيري ... يده في يدها من غيري انا .... لي كنت قاعدة وحيدة قلبي مفطور ... علاش وقت نقرر نخرجه من حياتي يرجع يدخلها... ظلمة طاحت ... ولحال رجع تقلب.... شتا قوات حتى رجعت مانشوف في شي .... حسيت يديا جمدو ... رجعت تلفت وقت حسيت عليه حضني من ورا يحكي .... سكرت عينيا بلاما نحكي شي .... من ريحة عطره قدرت نميزه .... ريحته لي ماتشيه حد .... بلعت ريقي وبقيت جامده في بلاصتي .... نحس بتفسه على رقبتي .... نحس بخشمه محطوط على شعري .... مش متاكدة من لي قاعدة نحس بيه ... اما متاكدة انو هذا هو ولي نعيش فيه حقيقة ... حقيقة شبه تتحول لسراب في وسط هذي لعتمه لموحشة .... يديه محاوطيني ... صدره على ظهري .... كابش فيا بقوة ... للحظة حسيت رةحي راح ننسى كامل واش صرا. اصلا مش عارفة كيفاش ماعملت حتى ردت فعل لتوا. . ممكن كنت محتاجة حضنه دافي .. كنت محتاجه ريحته بشدة ... حطيت يديا على يديه ... نبعد فيهم .... حسيته رخفهم .... تلفتله مطبسة راسي ... مش حابة نخزرله .... مش حابة نرجع نغرق في ملامحه .... مش حابة نسامحه.... هو جرحني وعفس على كرامتي .... جيت نبعد ... طبس جيهتي ... همسلي في وذني كلمات ورا بعضهم ...._خلي فراقنا يكون بطريقة مليحه ... خليها ذكرى باهية ... مش حاب علاقتنا تنتهي كيف هذا شكل ...._طلعت عينيا فيه متفاجأة .... يعني مالحقنيش باش يطلب سماح مني يعني هو متشبث في رايه ومش نادم على لي صرا .... قحرتله بعينيا ... وجيت راجعة لورااا .... مانعرف كيفاش دور يديه على خصري وجبدني ليه .... لين انفاسنا تخلطو .... حسيت وجهي سخن ... هذا لي نكرهه ... انو ياثر عليا بطريقة مش عادية ومشاعري تفضحني ... وهذا لي يخليه واثق من روحه ... جيت نحكي ... حسيت بيه يعدي في صباعه على شفافي ... سكرت عينيا ... وبقيت نتنفس بسرعه .... حسيت بيه مرر لحيته على خدي .... بلعت ريقي ... وقت حسيت بشفافه يحكو عند وذني ... وقاعد يلامس فيا بيهم ..._سيلا تعرفي قداش انا نعشق ريحتك .... لو كان ظروفنا كانت غير كنت راح نعشقك بطريقة مختلفة ... كنت راح نخليك بين حضاني كل لوقت .... كنت راح نعبرلك على حبي في كل لحظة .... تعرفي انو اكثر شي يجذب فيك شفافك وقت يتبلبزو بشوكولا .... تصير عندهم نكهة كيف لي قاعد نشم فيها ..... سيلا سامحيني على كل شي .... مش حابك تندمي ... مش حابك تحاسبيني .... حابك تشوفي حياتك .... انا مش مناسب ليك ... شفتي لي صار ليامس فلطوموبيل هذيك هي حقيقتي .... هذاك هو ماضيا لي قاعد يطارد فيا ....._بلعت ريقي وجيت نحكي .... حسيت بيه شدلي وجهي بين يديهوحط شفافه على شفافي .... سكرت عينيا ... وقت حسيت بيه .... هزيت يديا وكبشت فيه .... مانحب نخمم في شي ... كيف ماقال ... خلي آخر ذكرى لينا مع بعض تكون مليحة ..... ريحته خلتني نحل شفافي ونخليه يغطس فيهم كثر .... تحت لقمرة .... وشتا لي قاعدة طيح بغزارة . كنا حنا لثنين نبوسو في يعض بطريقة جنونية..... في آخر قبلة وداع لينا .... فراقنا كان اول فراق مايشبهش لغيره .... مش عارفة اذا راح نقدر ننسى لي صرا ونتجاوزه ... مش متاكدة من حقيقة مشاعري ... اما وقتها كنت راضية بلي صرا .... اول قبلة ليا .... مع اول راجل في حياتي ... حسيت بيه بعد عليا يتنفس بصعوبه .... نفس شي كنت نحس بيه .... شفته حط عينيه في عينيا ورجع لف يديه عليا ... حسيت براسي نحط على صدره ... حضني بقوة ... عديت لساني على شفافي ... خايفة انو لمطر تغسل آخر اثر منه ....                                                                                                                                                                                                 آدم يحكي :وقت شفتها خرجت حسيت روحي مجبور انو نلحقها. .. مش حاب فراقنا يكون بهذي طريقة.... خاصة لمعة لي كنت نشوف فيها من عينيها ... حشستها تعاتب فيا بطريقة غير مباشرة ..... مانعرف كيفاش جيت واقف .... حكيت ليسرى انو نحب نمشي للحمام .... وخرجت لحقتها ... شفتها تمشي تزرب مع خطواتها .... شعرها مبلل ... مشيت نجري لحقتها .... اول شي جا على بالي اني نحضنها .... ولي فاجأني انها ماعملت حتى ردة فعل ... كانو كامت عارفة اني راح نلحقها ..... حسيت بقلبي يضرب بلقاوي وفي نفس لوقت حسيت براحه. . قربها يفرحني ..... وملامحها طمني .... حطيت خشمي على شعرها ... حسيت برعشتها .... ريحتها خذرتني .... حسيت روحي راح نجن ..... مش عارفة اهو بساطتها هذي راح تحرك مشاعر راجل كيفي .... مش عارفة انو معايير لجمال ماتعتمدش على لمظهر .... مش عارفة انو شعلت ثورة نتاع مشاعر داخلي لي ملقيتلهاش تفسير ... اما لي متاكد منو انو لي نحس بيه مش حب .... خاطرني ولا مرة جربت نحب حد. ... ومش حاب .... واذا بقيت معاها سمانة ثانية متاكد انو راح تغرقتي فيها كثر .... وهذا لي خايف منه .... حسيت بيها وقت حطت يديها على يدي تحب تبعدني عليها ... تبسمت ورخفت روحي منها ..... تلفتت تشوف فيا .... مطبسة راسها .... قربت جيهتها. نتحسس في خدها مع خدي .... حطيت شفافي على وذنها نحكي ... وباقي محاوطها بيديا ..... حسيت برعشتها .... ولي خلاني نتصرف بلاما نخمم. ... انو كنت متاكد من تاثيري عليها ... خدودها حمارو حتى حبو يطرشقو ... شفافها يرعشو .... وباقي آثار ملشوكولا قريب من شفافها .... تبسمت وقربت شفافي منها .. ريحتها هبلتني .... وشفافها كثر .. حسيت روحي نروض في طفلة صغيرة بين يديا .... شفافها كيف قطعة لحلوى .... ولي هبلني انها كبشت فيا ورجعت طاوعتني تحل في شفافها .... حسيت روحي لاول مرة نحس بشي حقيقي .. مش متاكد اذا هذا حقيقة .. اما حسيت انو حاجه داخلي تحركت ... ممكن خذي لفكرة لي حكيتهالها كانت حجه باش نرجع نبوسها مرة ثانية ... اما من وقت ماشفتها وهي ملطخة روحها وانا نخمم كيفاش راح يكون مذاقهم .... اما لقيت شي ثاني ريحتها مع ريحة شفافها ... خلوني نبعد عليها ونرجع نحط عينيا في عينيها نتنهد بصعوبة .... هزيت يديا دورتهم عليها وجبدتها ليا ..... حسيت برعشتها وخوفها.... حسيت بتناقض افكارها وصراع لي يدور داخلها. .. تمنيت نمشي بيها لشقتنا ونحضنها ونبقى طول ليل حاط خشمي على شعرها نستنشق في ريحتها..... تمنيت نحكيلها واش يدور في راسي .... اما متاكد راح تحاول تهرب مني .... وحتى انا مش مستعد نغلط معاها ... مش مستعد نعطيها امل مامنو شي ملواقع .... شفتها وقت عدات لسانها على شفافها بخفة ورجعت شكىت عينيها تتبسم ...                                                                                                                 سيلا تحكي:بقيت حاطة راسي على صدره ... مش حاسة بغزارة لمطر ... مش حاسة بحاجه اسمها برد .... لي نحس بيه هو قربه مني ... تمنيت نبقى في حضنه مانبعدش .... نبقى متعنكشة فيه بهذي طريقة .... من اول ماشفته كنت نخمم نساله على لوشم لي حاطه على صدره .... حتى اني عملت بحث عدفي ڨوڨل على اسم طائر ... فلاخير عرفت انو اسمو .... ولي شدني كثر ... انو هذا طائر مختلف عن بقية طيور .. حتى انو يختار زوجه وحدة ويبقى معاها طول لعمر .... وقتها فرحت بزااف .... حسيت انو آدم وهذا طائر واحد في تفكيرهم .... ولا علاش ختار هذا لوشم بالذات ... اول مرة شفته كان وقت دخلت لصفحته فلفيسبوك .... اما مادققتش عليه بزاف ... وبعد زواجنا ... نهار شفته طالع ملحمام ... عيني مشات طول لصدره ... وهذا لي شدني اني نعمل بحث ونفهم واش يعني هذاك لوشم ... لانو اي شخص يحط وشم يكون 50٪ يعبر عليه وعلى شخصيته... جبدت روحي منه. .. وبقيت واقفة نتفرج على ملامح وجهه ... نحب نرسخ كلشي فيه في ذاكرتي .... رفدت يدي مترده ... اما عينيه طمنوني ... حطيتها على وجهه ... ورجعت سكرت عينيا .... نحاول نحفظ صورته بلاما نشوفها ... لحيته كانت مبله ... شفافها صغار ولونهم لي يجذب ... رجعت حطيت يدي ورا رقبته ... وطلعتها لشعره ... هذا لي كنت متمنياته اني نلمسه .... حسيت بنفس نتاعه يضرب في وجهي ... تنهدت ورجعت بعدت عليه ... طلع صوتي شبه مسموع ..._سيلا: راح نمشي ... تاخر لوقت ...تلفت حابه نمشي اما صوته وقفني ..._آدم: راح نسافر ...._حسيا قلبي ضرب ... حبيت ننكر لي قاعدة نسمع فيه ... بلعت ريقي وتلفتله نشوف مع عينيه .... جسمه ضخم ... مانعرف هذو لعضلات لكل من وين جاو .... اما لي متاكدة منه انو آدم مايشبه لحد .... كبست على يديا... نستنى فيه يكمل ..._سيلا: وين؟!_آدم: لبراا ... وين كنت عايش .... مدة شهر ... نكمل مشروعي لي مزال حابس براا ..._سيلا: مش راح تخدم هنا ..._آدم: ايه هذا لي راح نعمله ... اما قبل لازم نكمل واش بقالي برااا ..._سيلا: وقتاش ننفصلو ... قصدي وقتاش تحبنا نطلقو. بما انو راح تسافر ..._آدم: راح نمشي غدوة ... انتي احكيلهم راح تظلي عندهم لحتى نهار نرجع ... ووقتها نوقعو اوراق طلاق ... وهكا مكانش لي يمرجك ... نقولو انو ماتفاهمناش على هذاك قررنا ننفصلو ..._هزيتله راسي بمراره ... وتلفت ماشية مانحبش نضعف قدامه ... شهر مدة طويلة.... اكيد هو عمل هاك باش ماتضغطش عليه عزيزة ولا تشك وقت تلقاني مشيت لبيتنا .... وقفت في مكاني ورجعت درت نشوف فيه .... كان ماشي راجع للداخل ... وقت وصل لباب لمقهى تلفتلي ... هزيتله يدي ... تبسم ودخل .... رجعت كملت طريقي نزرب نحب نهرب من هنا ....                                                     آدم يحكي :رجعت للداخل ونحس في قلبي كابس عليا ... نظرتها هذيك كسرتني ووجعتني ... حسيتها قاعدة تلوم فيا على كلشي صرا ... اما تو بعدما نسافر تنساني وترجع توقف على رجليها .. اصلا انسان بطبعه ينسى ويتعايش مع واقعه .... سفرتي هذي مهمة ... لانو ماراحش نقدر نبدا اي مشروع وانا مزال مانكمل لي عندي براا ... وفوق هذا جات في وقتها هاك نبعد ونصفي ذهني ونرتب اولوياتي... وشهر راح يكون كافي باش تنساني وتبدا حياتها من جديد بعيد عليا .... لقيت يسرى حاطه يدها على خدها وتتفرج مع شباك ... جبدت لكرسي وقعدت مقابلها ... شفتها تلفتتلي تخزر فيا ... ورجعت ضيقت عينيها ..._يسرى : وين كنت ... شوف كيفاش راك مبلول ..._آدم: ايه كنت برا ... شتا قاعدة طيح ..._يسرى: ايه مالا خلينا نمشو ..._آدم: اقعدي نحب نحكي معاك ..._يسرى: ايه نسمع فيك ..._آدم: غدوة ماشي ... مسافر .._يسرى: كيفاش ... علاش ... يعني هاك فجاة ... لامر عنده علاقة بمرتك ..._ضيقت عينيا ورجعت شفت فيها ... حسيتها دخلت بعضها ..._يسرى: قصدي قلت ممكن تعاركتو على هذاك حبيت تسافر ..._آدم: تهني مش متعاركين ... عندي صوالح برا نقضيهم ونرجع ..._يسرى: قداش من يوم يعني ..._آدم: شهر .._يسرى: راح نستناك ..._آدم: نحبك تتلهي بشركة .. وخاصة لقسم نتاعي ... حضريه ... ووحضري لموظفين ... وقت نرجع تعملو افتتاح ونبدا فيه ..._يسرى: ايه اكيد ... تهنى من هذي ناحية ..._سكت شوي ورجعت دورت راسي .. لتوا ريحتها عالقة في خشمي .... يعني كيفاش راح نقدر نتجاوزها ... وننسى لي عملته فيها ... تنهدت ورجعت وقفت ..._آدم: هيا خلينا نمشو .... خرجت قبلها ولحقتني ... تذكرت كيفاش نسيت تعطيها لمفتاح نتاع شقة اكيد راح تحب تجيب غراضها .... تلفت شفت في يسرى ..._آدم: تقدري تمشي وحدك ... جاتني شغلة لازم نمشي نقضيها ..._يسرى: ايه يعني كنت حابه نمشو نتعشو مع بعض اما معليش نستناك في شقتي ..._حطيت يدي على كتفها ودعتها وخرجت .... فرحت انو راح نرجع نشوفها مره ثانية .... ركبت فلطوموبيل وشديت طريق لبيتها ...               سيلا تحكي: وصلت للبيت نقطر بلنو (مطر) ... علقت مونتويا عند لباب ... وحطيت صباطي على جيهة ولبست شلاكتي ... وجيت داخله ... شفت ضو جاي من صاله .... مشيت على طراش صباعي نحب نمشي لغرفتي قبل مايحسو عليا ... اما صوت بابا وقفني من ورا ... بلعت ريقي وتلفتله نتبسم ..._سيلا؛ اهلا بابا ... لباس؟!_واش بيها حالتك هاك وين كنتي ..._سيلا: خرجت نشري ...طلعتله يديا باش يشوف انو صح كنت نشري._اوكي امشي رتاحي ونستناك عندنا كلام طويل نحكو فيه....عرفته راح يعمل معايا استجواب طويل وانا مش مستعدة تاعبة ونحب نرتاح . طلعت لغرفتي ... حليت لباب وشعلت ضو ودخلت .... حطيت لغراض على جيهة ... ومشيت جبدت ثياب ناشفة ودخلت للدوش ... بقيت نشوف مع روحي فلمرايا ... شفافي حمر ... رجعت قربت نشوف فيهم ... وسكرت عينيا ... مش عارفه كيفاش نرجع لي صرا من جديد في مخيلتي... نحس في قلبي يضرب بقوة .... حليا عينيا ورجعت لورا ... بدلت قشي ... ومشيت نشفت شعري وعملته كعكة .. وجبدت زيت لورد دهنت بيه جسمي .. وحطيت في رقبتي وورا وذنيا ... تذكرت وقت حكالي على ريحتي حسيت روحي لاول مرة مرغوبة عند حد بهذي طريقة .. يعني اول حد ملجنس لآخر يحكيلي كلام هاك ... عديت لساني على شفافي .... ورجعت قربت نغسل في وجهي ... نشفته ومشيت قعدت على سريري ... جبدت تليفون ملشاحن .. كان تعبى شعلته ... وشفت شريحة اذا مزالها تخدم . . سجلت نيميرو مراد جا على بالي نطلبه وتراجعت احسن شي نبعث ميساج. .. شديت تليفون كتبتله ميساج قصير بعثته وحطيت تليفون على جنب .... مشيت وقفت حدا شباك نتفرج على لحال براا ... كش عارفة وقتاش تهدى هذي لعاصفة ويرجع لحال يصفى من جديد .... حسيت بلباب نحل تلفت لقيته خويا صغير .. قرب جيهتي حضنته وبسته من خده ..._صح راح تظلي عندنا ..._سيلا: شكون قالك ..._هذاك راجل حكى لبابا ..._راجل ... شكون راجل ...ستغربت اما ماحكيتلهم شي ..._راه تحت فلصاله مع بابا..... بابا قالي امشي عيطلها ..._مانعرف كيفاش خطر على بالي ... زعما يكون هو بدل رايه ولحقني .... مشيت حليت لباب وخرجت ... نزلت للتحت ... سمعت صوته جاي ملصاله يحكي ... سكرت عينيا ... يعني صح انا مش قاعدة نحلم . .. عرضتني ماما خديجة ..._خديجة: شدي حطي لقهوة لراجلك ..._هزيتلها راسي وشديت صينية منها داخلة بيها للصاله ... وقلبي يضرب فلالف ...