#زواج_تقليدي 😍🔞

Part 15

حلت عينيها بشوي ،،، تقعدت في بلاصتها تشوف مع لغرفة ،،، ورجعت رمات يدها جيهة تليفون شافت لوقت ،،، كانت لخمسة نتاع لعشية ،،، لبست في رجليها ومشات جيهة شباك شافت لحال كيفاش كان برااا ،،، شوي ريح ،، وقطرات مطر تنزل ملسما ،،، حلت يديها تتكسل ،، ومشات جيهة صال دو بان غسلت وجهها ورجعت نشفاته ومشات برا لغرفة ،،،سيلا تحكي:مشيت برا لغرفة لقيت كلشي هادي ،،، ستغربت اني مالقيتوش ،،، مشيت للكوجينة شربت لما ورجعت رفدت تليفوني حبيت نعيطله ،، اما سمعت صوت جاي ملصالون ،،، عوجت فمي ،،، ياخي هذا مزال هنا ،، رفدت كاس ما مشيت نشرب فيه وقربت جيهة صالون ،،، عيطت عليه ،،، نسقسي اذا راه هنا ،،، شفته وقف قدامي ،،، ضيقت عينيا فيه علاش قاعد واقف هاك يقحرلي ،،،_واش بيك ،،_آدم: واش فيقك ارجعي لغرفتك ،،_ياخي واش بيك نتا ،،، جيت نعيط حطلي يده على فمي ودزني لوراا ،،، بقيت نفارع فيه وشي ماحبش يفلتني ،،، دخلنا لغرفة نوم سكر لباب ورجع تلفتلي ،،،_بقيت مركزة معاه واش حاب مني اكيد قاعده دور حاجه في راسه ،،،_اسمع واش حاب مني علاش جينا هنا وسكرت لباب واش كاين فلصاله مش حابني نشوفه ،،،_آدم: تنجمي تسكتي تخليني نحكي ،،،_نسمع فيك ،،،_آدم: صاحبي جا عندي وكنا نحكو ،،، ووقت سمعتك تعيطي خرجت لعندك ،،، واكيد مش راح تقابليه بثياب دار هذي ،،،_ههه لا عاد حابني نصدقك ،،، وعلاش مانقابلوش ولا غاير عليا ،،، خليني نخمم شوي ،،، ايه عرفت مش حابه يعرف انو تزوجت،،،_دزيته وجيت خارجه رجع جبدني وحصرني مع لحيط ،،،_آدم: سيلا ريضي ،،، راكي تلعبيلي باعصابي ،،، وين خارجة قتلك صاحبي جا عندي ،،، قاعد معاه ،،، كيفاش حابة تدخلي عنده ،،،_لا مانيش مصدقاتك ،،، اكيد تكون مدخل صحبتك هنا ،،،_آدم: ههه الله يهديك يا سيلا .،، اذا حاب صحبتي نمشيلها مش نجيبها لعندك تشوفك باش تعملي كيفك ،،،_بقيت ندرس في كلامه ،،، يعني صح مش راح يجيبها لهنا ،،، بعدتله يديه من فوقي ورجعت لوراا ،،،_ماتزيدش تقرب جيهتي ،،،_آدم: تهني في احلامي ومانتمناش نمسك ،،،_هو خرج وانا بقيت نرحي ماداخل كيفاش هذي مايمسنيش في احلامه ،،، حمار واش يستخايل روحه ،،، اصلا انا مش حابة حتى يدني جيهتي ،،، ضربت لمخده جبتها في لرض ورجعت رتميت فوق سرير ،،، نخمم ،، اذا نهار لول صرالي هذا لكل معاه لايام لجاية كيفاش ،،، لازمني نمشي للخدمة ،،، اما مراد طردني وزيد هددني ،،، بقيت ناكل في ضفاري ونخمم ،،، ماحسيتش على روحي كيفاش رفدت تليفون وكتبت ميساج ورسلتهله ،،،آدم يحكي:وقت سمعت صوتها جاي من برا ،،جيت واقف في مكاني ماتوقعتش انو راح تفيق تواا ،،، شفت في مراد لي كان مستغرب وجود مرا هنا ،،، عرفته قاعد يستنى فيا نحكي شي،،،_مراد: ياخي يسرى راهي هنا ،،،_لا هذي وحدة ثانية ،،،رميت هذي لكلمة ومشيت نجري قبل لاتدخل ،،، اول ماوقفت عند لباب لقيتها ضربت فيا ،،، ورجعت عقدت حواجبها ،،، تعابير وجها كل مرة وكيفاش ،،، مرات نحس روحي عامل شي حاجه كبيرة وراهي قريب تكشفني ،،، جبدتها ومشيت بيها للغرفة ،،، ونبهت عليها تبقى هنا حتى يمشي مراد ،،، تعبتني معاها اما فلاخير قدرت نقنعها ،،،رجعت للصالون لقيت مراد شاد تليفون ويتبسم ،،، عدلت تريكويا ومشيت قعدت ،،_ايه واش كاين ،،،_مراد: بعثتلي ميساج ،،،_شكون شادية ؟!_مراد: لا سيلا ،،_حسيت روحي جمدت في بلاصتي ،،، شفت فيه ورجعت نحكي ،،_ش،،، شكون؟_مراد: لبنت لي حكيتلك عليها اسمها سيلا ،،، ورسلتلي ميساج ،،،_ااا اوكي ،،، مالا قتلي اسمها سيلا ،،، نصيحه مني دير بالك لي اسمهم سيلا يتعبوك معاهم بزاف وينخاف منهم ،،،_مراد: ههه ارتاح ،،، ايه ماقتليش شكون لي راهي عندك ،،_شكون ،،، ايه واه وحدة ،،،_مراد: قصدك وحده جبتها ملبار ،،، مازلت ماتكره منهم ،،، خليها تمشي يجيبو غير توجاع راس ،،،_ايه حتى انا قلت هاك ،،،_حسيت حاجة وحلت في حلقي ،،، سيلا اذا سمعت هذا لكلام راح تنجرح وخاصة اني مانكرتش لموضوع ،،،                                                مشى مراد وهو دخل قعد فلصالة يشوف مع لفراغ لي داير بيه ورجع مشى جيهة غرفة نوم ،،، لقاها راقدة ،، مشى جيهتها عيط باسمها ،،،_آدم: سيلا ،،، سيلا ،، راكي فايقة؟!_وقت شافها ماجاوبتهش مشى لبس ،، ورفد مفاتح طوموبيل وخرج ،،،سيلا تحكي :وقت خرج هو من عندي ،، مشيت شديت تليفون ورسلت ميساج بلا تخمام ،،، كنت حابة نرجع لخدمتي ،،، احسن من انو نبقى طول لوقت فلدار ،،، ماردش عليا ،،، طيشت تليفون ومشيت ،،، كلامه هذاك مادخلش لراسي ،،، حبيت نتاكد اذا صح صاحبه عنده ،،، مشيت على طراش صباعي ،،، قربت جيهة صالون وبقيت نتسمع عليهم ،،، اما كلام صاحبه صدمني ،،، ولي كمل عليا انو مانكرش ،،، مش عارفة علاش رافض علاقتنا ومش حاب يحكي عليها قدام حد قبل يسرى وتوا صاحبه ،،، شبهني ببنات لبار لي عمري ولا صادفتهم ،،، حطيت يدي على فمي نكتم في شهقاتي ،،، مش حابة صوتي ينسمع ،،، رجعت لورا ،،، حسيت حد طعني في شرفي ،،، اذا هو زوجي سمح على حد يحكي هاك واش نتوقع ملناس غيره ،،، لهذي درجة ماعنديش اهمية عنده حتى ولكان مانحبوش بعض ،،، وماكانش قصة حب تجمعنا ،،، اما انا نكون مرته عرضه لي تضرني تضره ولي يمسني بكلمه كانو مسه هو ،،،، دخلت لغرفة نوم ،،، مش عارفه واش نحكي ،،، نمشي نلومه ،،، ولا نسكت ،،، رتميت على سرير وبقيت نشوف مع فراغ لغرفة ،،، غمضت عينيا لين هزني نوم ،،، حسيت بيه وقت دخل لعندي ،،، ماحبيتش نفيق بقيت مسكره عينيا ،،، شوي وسمعت صوت لباب تسكر وقت خرج ،،، نضت لميت شعري لفوق ،،، مش حابة نبان ضعيفة ،،، ومش بضرورة نواجهه وكلامه اذا دل على شي يدل على نذالته ،،، دخلتوعملت دوش خفيف ولبست شورط وتريكو وشيحت شعري ،،، وبقيت مقابلة لبيسي ،،، جا على بالي نتفرج فيلم تركي ،، نلهي روحي بيه ،، بيلاما طلع نهار ومشيت نخدم ،،، بقيت نتفرج ونشرب في كاس حليب مع شوكولا ذايبة ،،، دورت عينيا جيهة شباك ليل طاح ،،، ولمطر بدات تقوى برااا ،،، فيقني من سرحتي صوت تليفوني ،،، شفت شكون لقيته ميساج من عند مراد دخلت بزربة نقراه ،،، "مرحبا بيك" ستغربت انو ماحكى شي ،،، تبسمت وحطيته على جنب                                                                                               آدم يحكي :وقت لقيتها راقدة ،،، لبست وقررت نمشي ،،، مش حاب نزيد نبقى دقيقة هنا ،،، حاجة داخلي قاعدة تخنق فيا ،،، علاش ماحكيتش ،،، علاش خليته يقول هاك عليها بلاما ننكر لموضوع ،،، سيلا ماعندها حتى ذنب ،،، اول مرة نحس روحي نذل ،،، مشيت نسوق ،، وافكاري تدي وتجيب ،،، وصلت لعند شط ،،، حبست طوموبيل ونزلت ،،، حطيت يديا في جيوبي وبقيت نتفرج على لبحر ،،، شتا كانت قاوية ،،، وناس تجري كل حد وين ماشي ،،، سكرت عينيا ورجعت فتحتهم ،،، لحدث هذاك مش حاب يمشي من ذاكرتي ،، كل ليلة لازم نتذكره ،، ولازم نعيشه ،،، كل ما نقول خلاص تجاوزته يرجع يجي بين عينيا ،،، حسيت بحالة لفزع رجعتلي ،،، حسيت روحي نتنهد وشي حاجة في حلقي مش حابة تخرج ،،، حالة لهلع هذي عايشة معايا ،،، كل مانحس بخوف تجيني ،،، بقيت جامد في بلاصتي ،،، نفسي ضياق ،،، رجعت حطيت يدي على رقبتي ،،، وطحت على ركابيا ،،، يديا نكبسو ،،، لمطر زادت كثر ،،، بقيت دقايق وانا على نفس لحالة ،،، ناخذ فلنفس بطلوع روح ،،، شوي وحسيت روحي رتخفت ولحالة هذي مشات ،،، رجعت قعدت على لرض ،،، مش حاب نضعف اما شي اقوى مني خلى دموعي ينزلو بحرقة ،،، بقيت نشهق كيف طفل لصغير ضعيف لمكسور ،،،، نكسرو جناحاتي ومالقيتش حد يسندني ،،، حطيت يدي على فمي ،،، نحاول نتمالك روحي ،،،، هزيت روحي ومشيت جيهة طوموبيل نتمايل ،،، بعد مارجعت للبلاد هذي لي خذات مني طفولتي وضحكتي ،،،، كنت حاط في بالي انو خلاص تجاوزت لي صرا ،،، اما ليوم ،،، رجعت جروحي نفتحت ،،، رفدت يدي بلاما نحس وضربتها على زجاج سيارة حتى جا في لرض ،،، بقات يدي تنزف ،، رجعت نشوف فيها ونشوف مع زجاج لي طايح في لرض ،،، نفضتها ومشيت ركبت وديماريت ،،،، رجعت حبست قدام لعمارة وين ساكن وبقيت داخل طوموبيل حاط راسي ورا ومغمض عينيا ،،، فاتت كثر من ساعة وانا داخل طوموبيل ويدي باقي تنزف ،،، حتى حسيت روحي راح نفقد لوعي ،،، عديت يدي على وجهي ومشيت للكلينيك ،،، ضمدولي لجرح ،،، وحبو يستفسرو واش صرا تجاهلت اسئلتهم ،،، همي لوحيد نمشي من ثم ،،، رجعت بعد نص ساعة للدار ،، حليت لباب ودخلت ،،، سمعت صوت جاي ملصالون دخلت لقيتها كيما كانت في بلاصتها راقده ولبيسي شاعل قدامها ،،، قربت جيهتها نتفرج معاها ،،، شعرها طايح على وجها ،،، وشفافها ملطخين بلي كانت تشرب فيه ،،، ومتلحفة بلكوات ،،، تنهدت ومشيت لغرفة نوم ،،، بدلت ثيابي وغسلت ورجعت مشيت لعندها ،،، سكرت لبيسي ،،، وقربت جيهتها حاب نوضها ،،، شفتها حلت عينيها ،،، تبسمت ورجعت رقدت ،،، تبسمت بلا ارادتي ،،، اول مرة نحس انو مانيش عامل شي جريمة ،،، مش كيف لعادة ديما عاقدة حواجبها ونحسها تصنع فيةشي قصة داخل راسها ،،، رجعت غطيتها وعدلتلها بلاصتها وخليتها ترقد ،،، طفيت ضو ومشيت لغرفتي رميت روحي ورقدت ،،،                                                    حلت عينيها على صوت لمنبه لي جاي ملتيليفون ،،، سكراته ،،، رجعت لزت لغطا ليها كثر ،،، شوي وحلت عينيها تشوف وين نايمة ،،، رجعت ناضت مفزوعة ،، شافت لوقت عندها قل من ساعة باش تمشي تخدم ،، وهي ماصدقت قبل يرجعها ،،، رمات لغطا ملفوقها ومشات تجري لغرفة نوم ،،، جبدت صوالح دوش ،،، وجهزت ثياب لي رايحه تلبسهم ،،، حطتهم فوق سرير ،،، ورجعت مشات جيهة صال دو بان عين محلوله وعين مسكره ،،، حطت لمنشفه على جيهة ودخلت ،،، رمات تريكوها في لرض وكملت تحاول تحل سوتيانها ،،، رجعت حلت عينيها مفزوعه ،،،_سيلا : اااااااع ،،،دورت وجها ،،، وحطت يديها على وجهها ،،، كيفاش نسات انو احتمال يكون داخل ،،،_سيلا: واش جابك هنا ،،،_آدم: راني في غرفتي ،، نظن انا لازم نسقسيك هذا سؤال ،،، كنتي سقسي قبل لا تدخلي ،،،_سيلا: خلاص ،، استر روحك ،،، واش هذا ،،،_آدم: واش لي واش ،،،_سيلا: كيفاش معري روحك ،،، البس وخرج ،،_آدم: راني ندوش اكيد ماراحش نكون بثيابي ،،، ونظن انو حتى نتي لازم تستري روحك ،،،_حطت يديها على صدرها ورجعت هبطت رفدت تريكوها من لرض وخرجت تجري ،،،لبساته وقعدت فوق سرير ،،، تحس في خدودها راح يطرشقو ،،، كلما يرجع منظره يفوت قدامها تهز راسهاوتحب تطرد صورته ،،، الحمد لله فاقت بيه ثم وتلفتت بسرعة ،،، شوي وخرج لابس ملتحت شورت ،، جات نايضة وقف قدامها ،،، جات تمشي وقف في طريقها ،، جات تمشي فلجيهة ثاتية نفس شي ،،، كبست على يديها وشافت فيه ،،،_سيلا: واش كاين ،،،_آدم: ولا شي ،،، سامحيني ،،_طلعت حاجبها مستغربة ،، ورجعت حكات ،،_سيلا: علاش_آدم: مش عارف اما سامحيني ،،،_طيش هذي لكلمه ومشى جبد تريكو نتاع صوف وسروال ومشى برا لغرفة ،،،بقات واقفة في وسط لغرفة حايرة فيه ،،، ورجعت مشات دخلت للدوش وسكرت لباب ،،،                                                                             سيلا تحكي:دخلت للدوش ،، حليت لما وبقيت واقفه تحته ،،، مش عارفة علاش آدم يحير داخلي حاجات مش معروفين ،،، نحس عاصفة داخلي قاعدة تصرا ،،، وقت قالي سامحيني حسيته عرف انو انا سمعت واش صرا ليامس ،،، وقت نشوف في عينيه نشوف طفل صغير ،،، محتاج حد يخرجه ملدوامه لي هو فيها ،،، لتوا موضوع زواجنا مش حاب يدخل لعقلي فجأة بين ليلة ونهار لقيت روحي متزوجة بيه ،،، اما هو عكس رجال ،،، معاملته معايا مليحه ،،، ومايعيطش ،،، تحسيه هادي ،،، وهذا لي مقلقني ،،، هذا صمت نتاعه ولهدوء لي مش عادي كاين وراهوقصة صعيب اني نعرفها اما مشي مستحيله ،،، ولي جا في راسي انو نتقرب منه ونصير رفيقته ،، نخليه يوثق فيا ويحكيلي واش كاين داخله ممكن نقدر نساعده ،،،