#زواج_تقليدي 😍🔞

Part 2

مشاهد الخريف تستفزني.شحوبك الجميل يستفزني.و الشفة المشقوقة الزرقاء.. تستفزني.و الحلق الفضي في الأذنين ..يستفزني.و كنزة الكشمير..و المظلة الصفراء و الخضراء..تستفزنيدخلت بعضي. ،،، ورجعت كبشت في صاكي ،، لازم نمشي من هنا وننزل للتحت ،،، جيت رايحه ،، رجعت حبست ،،، اذا نزلت تحت راح نستنى بزاف ،،، نمشي نجيبلهم لقهوة. ونستفسر منهم اذا قبلوني نخدم ولا لا ،،، بقيت ندور حتى لقيت بلاصة وين يجيبو لقهوة ،،،حطيت زوج كيسان عمرتهم ،، ورجعت رفدتهم وطلعت بيهم لفوق ،،، ريحة القهوة شهتني ،، باش نتذوق منهم ،،، ترشفت شوي ورجعت عديت لساني على شفافي ،،، ريحتها كيف لمخذر ،،، اول مره نذوق هذا نوع ،،، حطيت يد فيها صينيه لي حاطه فيها لقهوة ،،، وليد ثانية دقيت بيها مرتين ،،، جاني صوت خشين من داخل. ،_تفضلي ،_دخلت شفت فيهم ،،،غاطسين فلاوراق ولحسابات ،،، حطيت لقهوة على طاوله وبقيت نخمم ،،، كيفاش نبدا لموضوع ،،،_يسرى: تقدري تمشي ،،،بلعت ريقي. ،، وخرج صوتي شبه مسموع ،،،_سيلا: مدام ،،، نقدر نحكي معاك ،،_يسرى: مشغوله تقدري ترجعي وقت نفضى ،،،_سيلا: اوكي ،،، رجعت لورا ،، حيت خارجه. حبسني صوته مرة ثانية ،،،_نحب قهوة مره ،،، كيفاش جبتي فيها سكر ،،،_سيلا: انا ،،، قهوة ،،، مرة ،،، راح نجيب غيرها ،،،سكرت لباب وخرجت ،، كيفاش قهوة مرة ،،، يعني حتى لحلوة مليحه ،،، مش مهم را نمشي نجيب مرة ،،،رجعت نزلت تحت ،،، عبيت كاس ثاني اما هذي لمرة بلا سكر ،،، جيت خارجه لقيت لحارس مع نفس لمرا لي لقيتها لمرة لي فاتت ،،، لي كنت عطيتها دوسيا ،،،،_حسيتها تفاجأت وقت شافتني ،،، يعني هي صح لموضوع فيه غرابه ،،، قاعده نتصرف تقول شركة نتاع بويا ،،،_لحارس: قتلك ستني تحت واش جابك هنا ،،، عندي مدة نحوس عليك ،،، وهذي لقهوة لشكون ،،،_سيلا: زوج لفوق حبو قهوة ،،، جيت نديلهم ،،،_مش انتي نفسك لي جيتي من اسبوع تحوسي على خدمة ،،_لمعو عينيا ،،، وحسيت لفرحه وجاوبتها ،،_سيلا: ايه ،،، انا ،،_حاولنا نتواصلو معاك اما ماشديناش رقمك ،،، الله غالب ماتمش قبولك عندنا ،،، الشعر يأتي دائمامع المطر.و وجهك الجميل يأتي دائماًمع المطر.و الحب لا يبدأ إلا عندماتبدأ موسيقى المطر..خرجت ملشركة ،،، محبطة ،،، كلشي حسيته دخل بعضه ،،،، وين كان عندي امل كبير باش نخدم ،،، رجعت يائسة ،،، خرجت نمشي تحت لمطر حتى تبللت ،،، ماحسيت بشي ،،، من غير لكلام لي ضربلي على توقعاتي ،،،، واش راح ندير كانت فرضتي لاخيرة ،،، عندي عام وانا في نفس لحاله ،،، اذا ماخدمتش واش راح ندير ،،،، مرت بويا كاع لوقت وهي تجيبلي في عرسان ،،، كل مرة وشكون وانا نتحجج بلخدمة ،،، نعرف انو هي حابتني نتزوج باش لمصروف يقل ،،، ومزال كاين ختي وخويا يقرا ،،، يعني انا لكبيرة ،،، ولدروك مالقيتش خدمة ،،، ضيعو عليا دراهم قرايتي ،،، وزيد دروك قاعدة فدار وهوماويصرفو عليا ،،،، ركبت فلباص ورجعت للدار ،، حالتي حاله ،،، ثيلبي لكل مبلولين ،،، دخلت للدار عرضتني ريحة شوربة ،،، تبسمت وحطيت بوتي عند لباب ،،، ومونتويا لي رجع يقطر ،،، وطلعت للفوق ،،،، بدلت ثيابي ،، ونشفت شعري ونزلت للتحت ،،،، لقيتهم يوجدو فلطابلة ،،، عاونت ماما خديجة ،،، وقعدنا ،،،، نطق بابا يحكي ،،،_واش صراا معاك ،،، قبلوك ،،،_حطيت راسي ،،، ورجعت حكيت بنبرة نتاع حزن ،،،_سيلا: قالو مكانش بلاص ،،، وماعنديش لخبرة لكافية باش يجازفو ويدخلوني ،،،_خديجة: كانت باينة ملبدية ،،، وقت حكيتيلي على شركة ،، عرفت انو مش رايحين يقبلوك ،،،_رجعت غطست في صحني ،،، كليت كامل واش فيه ،،، وستأذنت منهم وطلعت لغرفتي ،،،،رتميت على سرير وبقيت نتفرج مع سقف ،،، لوقتاش راح يظل لحال هاك ،،، يعني نتزوج ونريح روحي ،،، ولا نستنى ربي يفرجها عليا ونلقى خدمة ،،،، بصح وين نلقى ،،،، 5 سنين جامعه مافادوني بشي ،،، جبدت دراهم لي عطاهملي صايغ حسبتهم ،،، حتى هوما مايكفونيش ،، ولازمني خدمة دايمة ،،، دراهم هذو سيمانه ويكملو ،،، ومش حابة نطون عبء على حد ،،، بابا يجي لوقت ويفد مني ،،، ومرت بويا ،،، عندها زوج ولاد غيري ،،، اكيد تخمم في مستقبلهم مش تقعد تصرف عليا ،،،،سكرت عينيا وتغطيت ،،، حابة نرتاح وخلاص ،،،،
لبست في رجليا ،،، حطيت مونتويا فوقي وخرجت نزرب ،،،، لاتصال لي جاني من نص ساعة خلاني نوض نجري ،،،، والله املي لوحيد ،،، نخدم لي كان المهم نعتمد على روحي ،،، نص ساعه كنت قدام شركة ،،، هذي لمرة رحت في طاكسي ،،،، لقيت نفس لجارس براا ،،، سلمت عليه ودخلت ،،، تاع لاستقبال كانت تم ،،، مديتلها هويتي ،،، وبلي عندي موعد مع المدام سناء ،،، هذي نفسها لي شدت دوسيا لمرة لي فاتت ،،،، دقايق وخرجت عيطتلي ،،، دخلت لعندها ،، وكلي امل ،،، هذي لمرة نشالله ننجح. ،،،،_سيلا: سلام ،،_سناء: تفضلي ،،، اقعدي ،،،_قعدت على لكرسي مقابلتها. ،،، وبقيت نفرك في يديا مع بعض ،،،،_سناء: الصراحه ،،، حنا في شركتنا نوضفو غير اصحاب الكفاءة ،،، ولي عندهم خبرة ،،، انا رجعت شفت في دوسيك مرة ثانية ،،، وخممت نعطيك فرصة ،،،، شهر ونقيمك اذا تستاهلي تضلي معانا ولا لا. ،،،_لمعو عينيا وجيت نجاوبها ،،، قاطعتني تحكي ،،،_سناء: اما كاين قوانين هنا ،،،، كل حد في مكانه ،،، وكل حد لازم حدوده ،، ومتلهي بخدمته ،،،،وحنا هنا نحسو على لمثابرة ،،، ولاخدمة صحيحه ،،، اذا ماتقدريش من دروك مدامنا فلبداية تنساحبي ،،،_سيلا: راح نقدر اكيد ،،، انتي عطيني فرصتي وراح تشوفي ،،،_سناء: اوكي ،،،، من غدوة تبدي ،،، وكيما قتلك قبل ،،، لي فلشركة يبقى داخل شركة ،،،، واي شي تشوفيه هنا يبقى هنا ،،،،_سيلا: اكيد كونك متهنية من ناحيتي ،،، لي يهمني هو انو نخدم ،،،،رفدت صاكي وخرجت طول طريق ،،، كلامها يتعاود في راسي ،،، حتى اني حفظته ،،،، فرحتي مانعطيها لحد ،،،، وصلت للدار ،،، وضحكة باينة في وجهي ،،، لاقتني ماماوخديجة عند لباب ،،،_خديجة: وين كنتي لدروك ،،،_سيلا: كنت ،،،_خديجة : خلاص مش مهم ،،، تبعيني ،،،_سيلا: خير ،،، واش كاين ،،،خديجة : كاين شكون عندنا ،،،، جاو يطلبوك ،،،_سيلا: يطلبوني ،،، كيفاش هذي يطلبوني. ،،_خديجة: يعني كاين شكون جا يطلب يدك من بوك ،،،_سيلا: لا كيفاش ،،، تعرفي لموضوع منحياته من راسي حتى نخدم ونوقف على رجليا ،،، وبعدها نخمم نتزوج ،،،_خديجة: ووين راهي هذي لخدمة ،،، لي راكي من عام تحوسي عليها ،،،، لبنت آخرتها دار راجلها ،،،، شدي دارك وجيبي ولادك تلهي بيهم احسن ملتمرميد ،،،_سيلا: بصح انا لقيت خدمة ،،،_خديجة: ومن بعد ،،، واش ،،، لقيتي خدمة ،،، راح دوملك ،،،_حسيت كلامها صحيح ،،، حتى انو مارانيش متاكدة اذا راح نظل عندهم بعد شهر ،،،_خديجة: امشي لبسي حاجه خفيفة ،،، واسمعي حطي شوي ماكياج ،،، ومشي جيبي صينية تاع لقهوة ،،، راح نستنوك فلصاله ،،، جات جارتنا اسمهان مع ام لعريس ،،، راح يشوفوك اذا عجبتيهم ،،، لمرة لجاية تجي هي وولدها ،،،،