#زواج_تقليدي 😍🔞

Part 25

سيلا تحكيكملت شغلي فلمكتب وخرجت ... كانت ساعة 16:00 .... اما وقت وصلت عند لباب وقفتني سناء ..._سناء: سيلا ستني ...تلفتلها وتبسمت ... وهي كملت تحكي ..._سناء: شدي هذي دعوة نتاع حفلة راح نعملوها ليلة فلشركة نبدو على 20:00 واكيد نستنوك تجي ..._سيلا: يعني لازم نجي ..._سناء: ايه لازم ..._مدتلي لكارط نتاع دعوة ومشات ... قلبتها ورجعت مشيت ... شديت طاكسي راجعة للدار اما في نص طريق جا في بالي نمشي للشقة نجيب دبشي ... لانو ماعندي شي نلبسه وغراضي لكل ثم ... ولي شريتهم نصهم مش تاع مناسبة ...ربع ساعة وكنت قدام لعماره.... مديت لمول طاكسي حقه وهزيت صاكي ونزلت ... اول ما دخلت تذكرت نهار عرسنا . . كنت فرحانه بزاف حتى انو رجعت نتصرف ونحكي بطبيعتي ... يا حسراه ... طلعت فلاصونصير ... لين وصلت لشقته ... جبدت لكارط من صاكي ودخلت ... بلعت لباب وجيت نمشي اما لقيت ظرف مرمي في لرض ... ظاهر شكون حطه تحت لبابنزلت رفدته وبقيت نقلب فيه ... ورجعت مشيت حطيته على طاوله وحطيت صاكي ودخلت لغرفة نوم ... جبدت لفاليز لميت فيها دبشي لكل .. ماخليتش حاجه ... رجعت هزيت راسي للطابل دو نوي لقيت ظرف محطوط قربت منه ورفدته شدني باش نشوف واش فيه ... حليته لقيت رساله ... وقت فتحتها لقيت بضع كلمات مكتوبين بزربه. .. ظاهر فيه كتبهم ليلة لبارح .... تنهدت وانا نقرا فيهم ... " سيلا نعرف روحي غلطت معاك اما سامحيني وكملي حياتك وين حبست ... وماتشوفيش لورا. " كبست على لورقة بين يديا لين طاحت دمعة من عيني ... مسحتها بزربه ورجعت حبيت نرجع لورقة داخل ظرف اما لقيت فيها دراهم ... ضيقت حواجبي ... وانا نشوف فيهم .... يعني هذا مشى وخلالي دراهم ... واش يسخايلني ... رجعت ظرف في بلاصته ورفدت فاليزتي وخرجت رفدت صاكي ملكوجينة .... ورفدت ظرف لي كان على طاولة حطيته فلصاك وسكرت باب شقة وخرجت ...                                                             رجعت للدار بعد شي نص ساعة خاطرها مالقاتش ركبة خفيف ... دخلت للدار حطت صباطها ومشات طول لغرفتها .... بدلت دبشها ولبست بيجامه نتاع دار ... نحت لمكياج وتوضت ورجعت صلت وقاتها ورفدت تليفونها ونزلت تحت.... دخلت للكوجينة عبات كاس حليب شرباته ... وقعدت تلعب بتيليفون . .. رجعت عدت يدها على وجها تخمم .... يعني فلاخير قتنعت تعمل لي في راسها .... كتبت نيميروه اما فضلت تعيط بطريقة لي مايظهرش فيها نيميروها .... قعد تليفون يصوني شوي ورجعو جاوبو ..._الووو ... الوووو ..._حست دم جمد فيها ... نزلت تليفون من وذنها وعلقت بلاما تحكي شي ... ماتوقعتش بهذي سرعة يلقى غيرها. ...هذي ثاني مرة يخيب ظنها فيه وقت تعيطله. . حطت تليفون على طاوله .... وناضت بقات دور رايحة جاية ...._خديجة: واش كاين ... علاش وجهك صفر هاك ..._سيلا: ااا ... شي ... اما نحس روحي تاعبة. .. . ايه على فكرة عندي ليلة حفلة فلشركة مجبورة نمشيلها..... بليز احكي مع بابا ..._خديجة: راجلك شاورتيه ...._سيلا: شاورته وماعندهش اعتراض ..._خديجة: ايا خلاص مدامك شاورتيه بوك ماراحش يعترض .... ايا ارواحي عاونيني فلقضية لي جبتها. ... باش نلحق نعمل لعشا قبل مايجي بوك ...وقت وصلو للدار .... دخل هو يدوش.... وسارا مشات للكوجينة حبت تعمل عشا خفيف ليهم ..._شوي وسمعت تليفون يصوني مشات دور فلغرف تحوس على صوت مين جاي ... رجعت لقات لجاكيت نتاعه محطوطة .... جبدت تليفون وجاوبت. ._سارا: الو ... الو ...اما مالقات حتى رد حطت تليفون على جنب ... وهزت حاجبها مستغربة ورجعت للكوجينة .... شوي وخرج لابس شورط وينشف في شعره .... جاه صوتها ملكوجينة ..._سارا: تليفونك كان ... يصوني من شوي ... اما رقم مجهول ...هز تليفونه ورجع يشوف ... اتصال مجهول .. رجع حطه ومشى للكوجينة قعد على طاوله ... سكب كاس ما شربه ودور عينيه يتفرج جيهة شباك ..._سارا: ايه ... خلاص جهز . . ذوق واعطيني رايك ..._آدم: هههه ذوقي صعيب راه ... اما خلي نجرب ..._رفد شوكة وتذوق شوي ملماكلة لي قدامه .... وهي تبع فيه بعينيها ... ورجع تبسم .._آدم: يعني.... ماشي حاله ينهضم ..._سارا: اففف ماتبقاش تتبلود ... تعبت وانا نعملك فيه ..._آدم: هههه راني قتلك ينهضم اتهني ... راح نكمل صحني لكل..._رجعت تبسمت وحطت يدها على يده. ._سارا: فرحت بزاف انك رجعت .... كنت نحس بلوحده وقت مشيت ...                                                                                                         آدم: اما مش راح نظل هنا ... شهر ونرجع للبلاد.... وممكن راح نستقر فيها ._سارا: يعني راح تمشي جملة . ._آدم: سارا تعرفي انو عزيزة كبرت وماعندهاش شكون يتلهى بيها .... وبابا عايش حياته مع مرته ناسي حاجه اسمها عزيزة...._سارا: نعرف ..._آدم: حاس روحي واحل ومش عارف نخلص روحي ..._سارة: آدم آسفة اذا دخلت في شي مايخصنيش .... اما تعرف انو انا مانوثق في حتى حد من غيرك ... سام اكثر من مرة جا لهنا وتهجم عليا .... كنت مرعوبة .... 6 اشهر وانا عايشة على اعصابي .... لي خلاني كابشة فلبيت خفت نخرج منه ويستأجره حد غيري ..._آدم: امشي معايا ... انتي فلاصل ماعندك حد هنا .... خلينا نمشو مع بعض للبلاد ... راح تعجبك ومنها تتخلصي من سام تاعك ...._سارا: مش راح نقدر نتخلص منه مهما صرا ... جربت نهرب اما ديما يطلع في طريقي ...._آدم: وقت يرجع انا نتصرف معاه ... انتي رتاحي ..._سارة: ايه ... خلينا ناكلو قبل مايبرد ...سيلا تحكيعاونت ماما خديجة في تجهيز لعشا ورجعت مشيت لغرفتي ... دخلت عملت دوش خفيف .... وخرجت ... بقيت نفركس في دبشي نحوس على حاجه تليق بحفلة ليلة .... فلاخير لقيت لباس طويل ... لونه كحل ... ومحلول شوي عند صدر ... اما باهي مع لمكياج راح يناسبني ... بقيت ساعة وانا نجهز في روحي ... ووقت لحق لوقت... رفدت بوشاتي ونزلت .... لبست مونتويا بزربة نعرف لكان يشوفني بابا بهذي لحاله ماراحش يخليني نمشي..... خرجت نجري حتى وصلت للطريق شديت طاكسي وركبت ... شوي وكنت قدام شركة طوموبيلات بزاف برااا ... عطيت لمول طاكسي حقه ونزلت ... نحس فلطالون متعبني.... سهرية مزال ماتبدا ورجليا وجعوني .... دخلت حسيت شوي برهبه اما طول مارجع دم يمشي في عروقي .... عرضتني عبير ...._عبير: يووو سيلا جيتي ... خفت ماتجيش ونبقى وحدي ..._سيلا: هيه ... هاني هنا ._شدتني من يدي تكركر فيا ... قعدنا في طاوله ... جابلنا واحد ملي يخدمو ثم زوح كيسان عصير ... حطهم قدامنا ومشى ..._سيلا: ايه احكيلي علاش عاملين حفله ليلة ..._عبير: حساب مافهمت . شركة هذي عندها زوج يمشو فيها يعني مش غير مراد ... لفرع تاعنا راح يعقد صفقة مع بلاد من برااا ... على هذاك عملو حفلة ومنها يمضو على لعقد ..._سيلا: اااا ... صار لموضوع هاك ... وشكون شريك ثاني لمراد ... انتي تعرفي اسمه..._عبير: لا اما حساب علمي مسافر ..._سيلا: هيه ...طلع مسافر .... راح نمشي دقيقة للحمام ونرجعلك. ..