#زواج_تقليدي 😍🔞

Part 30

ا سيدتي: لا تهتمي في إيقاع الوقت وأسماء السنوات. أنت امرأةٌ تبقى امرأةً.. في كل الأوقات. سوف أحبك.. عند دخول القرن الواحد والعشرين.. وعند دخول القرن الخامس والعشرين.. وعند دخول القرن التاسع والعشرين.. و سوف أحبك.. حين تجف مياه البحر.. وتحترق الغابات... خلاها فلغرفة واقفة عاقدة حواجبها مافاهمة شي من كلام لي حكاه ... رجعت قعدت على طرف سرير ... تحس في يديها يرعشو ... شوي وشافته واقف على راسها ... رمالها تليفون ... فيه نميرو مراد .... وتلفت جيهة لخزانه جبد لفاليزات .. جمع غرضه ... وهي غراضها كانو ديجا مجموعين ..... حطهم على جنب ... وشاف فيها ... وعيط .._آدم: عيطيله .._سيلا: شكون ؟!._آدم: قتلك تصلي بيه ... قوليله بطلتي لخدمة ..._سيلا: اما هذا تليفونك مشي تليفوني .... كيفاش تحبني نعيطله ..._آدم: هيااا ...رفدت تليفون وكبست على زر الاتصال ... وحطت تليفون في وذنها ....بقى يصوني شوي وجاوب ..._مراد: هيه آدم ..._شافت فيه لقاته واقف مضيق عينيه .._سيلا: الووو...._مراد: شكون معايا ؟! .._سيلا: هذي ... ا اانا .. س سسيلا ..._مراد: سيلا ... من وين قاعدة تعيطيلي .. هذا رقم ...._جات تحكي فكلها آدم تليفون ...._آدم: حبت تقولك ماعادش تجي للخدمة .... ومراد احسن شي تبعد على مرتي .... خلينا نتلاقو بعد ساعة في ***** .... علق عليه وجبدها من يدها جابها واقفة ..._آدم: هيا يا لالا .... طولت بالي معاك بزاف .... نزل لي فاليز ونزلت هي وراه مافاهمة شي ....حط لغراض ورا طوموبيل .... ومشات هي ركبت ... وركب هو حداها ومشى .... لعتمة كانت .... ومكان حتى حد برا غير صوت ريح قاوي وشجر .. طول طريق وتليفونهه يصوني ... حطه على صامت ورماه ... تلفتت شافت فيه وبلعت ريقها ...._سيلا: وين ماشيين ...._آدم: لبلاصة ماعادش حد يلقاك فيها ....ولا نتي تقدري تخرجي منها ..._سيلا: علاش قاعد تعمل هاك ..._آدم: ونتي علاش قاعدة تحرقيلي في اعصابي ... مشي ناقصك نتي ثاني ...رجع تليفونها يصوني حتى هي ... جبداته تشوف شكون لقاته مراد ... تلفت وفكلها تليفون ... وسكره ورماه ورا ..._آدم: ونسي حاجه اسمها تليفون ..._سيلا: نحب ننزل ... وقف طوموبيل ..._آدم: لا .._جات تحل لباب سكره ... عضت شفافها ... ورجعت شافت فيه ...._سيلا: هذي طريق لوين توصل ... وين ماشي بيا .... حبس خليني نمشي ..._آدم: شايفك ماعندمش مشكل اذا طلقتي ... خاطر خلاص سيناريو لي حكيتيه قبل حليتيه ... وستغليتيني وعملتي علاقة معايا ..._سيلا: انا ستغليتك ... انا قتلك عمل هذاك شي معايا ... اصلا مش متذكراتك كون مشي نتا كل دقيقة تفكرني بيه ...._آدم: ايه راح ترجعي تتذكريه ... غير اصبري .... دورت راسها منه تشوف فيه داخل لطريق في وسك شجر .... رجعت خافت كثر ... خافت يحب يعمللها شي ... اصلا ملامحه ماتبشر بشي ... شوي وشافته حبس طوموبيل . . كانت عتمة بزاف برا ... ماقدرت تشوف شي ... شافته نزل ... وجا من جيهتها حل لباب وجبدها ..._سيلا: بشوي ... راك وجعتني ..._كركرها وراه لين وصلو قدام لباب ... جبد لمفتاح حل ودخلها .... ورجع خرج جاب لي فاليز .... حطهم على جنب ... بقات واقفة تتفرج مع لبلاصة... هذا لبيت اول مرة تجيه ... تلفتت شافت فيه لقاته سكر لباب ومشى شغل نار باش تدفى دار ... وقعد على لكرسي حاط رجل على رجل ... ورجع طلع راسه فيها ..._آدم: راح تبقي واقفة نتي ..._سيلا: وين رانا ... علاش جبتني هنا ..._آدم: اقعدي ...مشات قعدت مقابلاته ..._آدم: هذي لبلاصة مستحيل تقدري تهربي منها ... واذا حاولتي راح تضيعي في هذي لغابة .... وفلاخير راح نلقاك ... على هذاك ماتجربيش تهربي منها ... وثاني شي انتي راح تظلي هنا ... وماعاد تمشي لحتى بلاصة ... واذا عرفت انو نتي حكيتي مع حد ماتلومي غير روحك. ... وثالث شي كسوحية راس نتاعك ... وتطوال لسان عليا تحبسيه ... ومليوم راح نعيشو كيف زوج متزوجين ... كانو ليوم وين بدينا حياتنا مع بعض .... وتوا عزيزتي انا ماشي عندي شغلة نقضيها وقت نرجع نلقى عشايا واجد ... ومرتي موجدتلي روحها .... رجع ناض وطبس جيهتها ...._آدم: راح نسكر لباب بلمفتاح ... ماتجربيش تتحديني .... رجع حط شفافه على خدها .._آدم: ديري بالك على روحك .... وماتنسيش لي وصيتك عليه ... غرفة نوم راخي لفوق ... وحتى ملحمام تلقيه لفوق ... غمزها ورفد مفاتح طوموبيل وخرج .. سكر عليها لباب وركب ... ماشي للبلاصة لي تواعد فيها مع مراد ...                                                                         عدت يدها على وجها ... وتنهدت وقت حست بيه مشى.... وقفت تشوف فلدار تتفقد فيها بعينيها ... دار ماتشبهش للشقة لي كانت فيها.... رسومات موضوعين في اطارات ومعلقين فلحيط ... بقات تمشي وتستكشف فيهم ... وتحت كل صورة تاريخ رسمها ... شوي غبرة ظاهر فيه عنده شعال ماجاش لهنا . . مشات جبدت لغطا لي كان حاطه على لكراسي وطاولة ولاثاث .... حطتهم على جنب ... وطلعت تحوس على لحمام ... جابت معدات تنظيف ... مسحت دار كامل . وحطت فيها ريحة تنعش نفس .... ورفدت فاليزتها ومشات لفوق لغرفة نوم لي حكالها عليها .... غرفة بسيطة فيها سرير صغير فلوسط .. وعلى جنب طابل دو نوي .... وخزانه نتاع ثياب ... حطت خلت غراضها داخل لفاليز ... ومشات حلت لخزانه ... لقات ثيابه.... وشوي ثياب نتاع نسا ... هزت حاجبها لفوق مستغربة ... يعني هو كان عايش مع وحدة هنا. . عوجت فمها وسكرت لخزانه ... ودورت عينيها على باقي لغرفة لقات مكتب صغير منصوب فلزاوية نتاع لغرفة ... مشات جيهته وبقات تتفرج على رسومات.... لي قدرت تستنتجه انو آدم بارع في هذا لمجال. ... بقات تتفرج فيهم حتى جات عينها على رسمه كانت محطوطة صحت باقي رسومات .... رفدتها وحلت فمها وهي تشوف فيها .... تقول هي صح ... مرسومة بطريقة مضبوطة .... عدت يدها على وجها وقعدت على طرف لكرسي تشوف معاها .... يعني هو رسمها ... وقتاش خمم يرسمها. .. تفكرت انو يحط تاريخ رسم في آخر لورقة ... شافت تاريخ نهار لي قبل ما يسافر... رجعتها لبلاصتها ومشات قعدت على سرير ... الافكار تدي فيها وتجيب هو علاش يرسمها ... واش غايته ... ولا بالاحرى واش قاعد يدور في راسه ... مرة يقرب منها ومرة يجبد عليها .... ويحبها تكون كيف مايحب وماتتمردش عليه ... هي اصلا مشي فاهمة لي قاعد يدور بيها .... حطت مونتوها على جنب... ومشات دخلت للحمام .. تفقدت لما اذا ينزل سخون ... مع لبرد هذا لازمها ما سخون يكمدلها عضامها .... مشات حطت لمنشفة على جنب ... ورمات لبيجامه من فوقها ... ووقفت تحت لما . حست باسترخاء .... دقايق وخرجت .... تفقدت ثيابها وجبدت كنزة نتاع صوف طويله لبستها. .... ولبست معاها ليبافان وفي رجليها صباط نتاع دار مصنوع ملصوف .... وشعرها بحكم ماجابتش باش تسشوره ... شدت لمنشفه ونشفاته بيها .... وخلاته مفرود ... حطت شوي بارفان تحت رقبتها .... ورجعت كلشي لبلاصته ... ونزلت تشوف واش كاين فلمطبخ تطبخهله قبل مايجي ....نروحو للجهة ثانية ... كان آدم وصل للبلاصة لي تواعد فيها هو ومراد .... لي عنده كثر من نص ساعة وهو يستنى فيه. . لتوا مش فاهم لي قاعد يصير .... يحب يكذب روحه اما لي صار حقيقي .... شاف طوموبيل نتاع آدم وصلت ...حط يديه في جيوبه وتركز على طوموبيل نتاعه ... ترجل آدم ملطوموبيل ومشى لعنده .... ماحكاو حتى شي بقاو يشوفو مع بعض ... حتى نطق آدم ._آدم: نظن راني عارف واش راه يدور في راسك ... لي سمعته قبيل صحيح .... وسيلا تكون مرتي ..._مراد: كيفاش مرتك ... عرفتك على طفلة من ثلاث سوايع رجعتها مرتك...._آدم: ماكنتش نعرف انو هي نفسها حتى شفتها وين تخدم ... ووقت جيتني للدار حكيتلي عليها . تذكر وقت سمعت صوت بنت عندي ... كانت هي سيلا ووقتها كنا متزوجين في يومين ...._سكت مراد يحس في روحه قاعد ينوم ... مش مستوعب لي يسمع فيه ..._مراد: وقتاش عرست...._آدم: قريب شهرين ...._مراد: ولا مرة شفتك معاها ..._آدم: ماجمعتناش صدفة باش تشوفنا ...._مراد: كنت منحي فكرة زواج من راسك ... كيفاش حتى تزوجت .... ولا وقت حكيتلك عليها تزوجت بيها ..._آدم: قتلك تزوجت بيها قبل ماتحكيلي عليها .... حتى ماكنتش نعرفها يعني زواجنا #زواج_تقليدي ... عزيزة عي لي ختارتها ..._مراد: هيه؟؟!_آدم: وانا نحب مرتي .... على هذاك مانحبش يكون كاين سوء تفاهم بينا .... ونظن نتا راجل على انو تبع مراة متزوجه ..._مراد: علاش ماقتليش وقت لحفلة ...._آدم: كنت نحب نفهم منها قبل .... وتوا فهمت ... مانحبش يجي نهار نضطر فيه نعاركك مراد .... خليك بعيد عليها ... وتفكير وماتفكرش فيها ...._رجع مشى وخلاه واقف .... مراد ماعرفش كيفاش يتصرف ... كيف حد يجيه خبر فجأة ومايلقاش كيفاش يواجهه هكاك كانت حالته .... ماعرف يضحك ولا يعيط ... ماعرف يعمل شي من غير يسكت ويبقى يربط فلاحداث لي صرات ولي ممكن راح تصرا ...                 وقت وصل للدار ... حل لباب ودخل .... لقى لضواو لكل شاعلة ... مشى جيهة لكوجينة لقى لعشا محضر ومحطوط فوق طاولة ... مشى شافه ورجع حط كوستيمه فوق لكرسي ... وحل زرار شوميز شوي ...وطلعها عند يديه ... وجى ماشي لفوق ... اما تلفت وقت شافها راقدة على لفوتاي مقابله لمدفأة .... قرب جيهتها بلاما يعمل صوت وبقى واقف يشوف معاها ... حاطه يدها تحت خدها .... ومسكرة عينيها وتتنفس بشوي .. خدودها رجعو حمر ملسخانه .... طبس جيهتها وعدى يده على خدها .... رجع عوج فمه كأنو مشي عاجبه لي قاعد يصير ... جبد يده منها ومشى لفوق .... لقى كلشي مرتب وغراضها مزال مارتبتهمش ... مشى جيهة لحمام ...عمل دوش خفيف .... ولبس شورت وتيشرت ... ونشف شعره بلمنشفة ... ونزل تحت ... تعدى للكوجينة كلى واش كانت طابخة.... وحط صحون للغسيل .... وخرج قعد فلصالون ... حط لبيسي قدامه وقعد يخدم فيه .... كل شوي يشوف اذا فاقت ولا لا .... متعود عليها غير يعمل صوت صغير تفطن اما ليوم تقول حالفة ماتنوضش ...فاتت كثر من ساعة وهو غاطس مع لخدمة ... رجع شاف مع لوقت ... قريب 01:00 نتاع ليل ... مشى جاب غطى حطه عليها ورجع لخدمته .. ممكن جاب 3 نتاع صباح باش خلصها .... حك عينيه وشاف معاها. .. تردد مابين انو يفيقها تمشي للفوق ترقد ولا يخليها تحت. ... فلاخير مشى لفوق وخلاها تحت ... رتمى على سرير وغطس فلنوم حتى هو ...سيلا تحكي :حليت عينيا على غير لعادة .. فقت نحس في بدني مكسر ... حطيت لغطا على جنب ونضت نحك في عينيا .. شفت مع لبلاصة ورجعت ضيقت عينيا .... بقيت لحظات عاد باش تفكرت واش صراا ... مشيت لفوق ... فتحت لغرفة ودخلت لقيته راقد على سرير .... عوجت فمي ومشيت للحمام غسلت وجهي ... وخرجت .... قربت جيهته نتفرج معاه .. راقد تقول مشي هو نفسه لي كان يبهدل فيا لبارح ويهدد ... نزلت للتحت عملت قهوة ... وحليت شبابيك باش تدخل نسمة نتاع صباح ... شعلت تيفي ... وحطيت قناة نتاع قرآن مدام دار عنده مدة ماجاهاش .. حطيت صينيه فيها قهوتي وقعدت مقابلة لمدفأة .... نتفرج مع نار كانت راح تطفى ... زدت حطيت قطع لخشب لي كانت باقية ... رجع توهجت نار من جديد ... سمعت صوته من ورا ..._آدم: صباح لخير ..._تلفت لقيته حط يده عل. راسه ظاهر هداوين فطن ..._سيلا: خير ..._شفته تعدى للكوجينة ... جاب كاس قهوة وجى جيهتي ...._آدم: حكيتي مع اهلك ؟!_سيلا: لاا .._آدم: تحبي تحكي معاهم ..._سيلا: لااا ..._آدم: اوكي براحتك ...رجع ترشف ملقهوة نتاعه وكمل يحكي ..._آدم: خلاص ماعادش كاين حاجه اسمها خدمة... مراد طردك .. وبلطبيعة حتى انا راح نطردك ... على هذاك ماعندكش حجة باش تتمردي عليا ..._سيلا: شايفاتك فرحان ..._آدم: اكيد نفرح .... لانو ماكانش عاجبني مرتي كل يوم خارجه وداخلة .... وزيد تتمعشق وتبوس من ورايا .... قعد يحكي ويلز على آخر كلمات ..._سيلا: شايفاتك راح تطرطق ونتا تحكي ... كانو موضوعي يهمك ..._سكت شوي ورجع شاف فيها ..._آدم: علاش نتي اذا جا نهار شفتيني نبوس في شي وحده راح يجيك لامر عادي ..._سيلا: هههه مش غير بوس ... راك جبتلي وحدة للدار ورقدت معاها وماحكيت شي وهاني معاك عادي ..._آدم: اما ماشفتينيش على هذاك جاك لامر عادي...._سيلا: يعني حتى نتا ماشفتنيش على هذاك لامر مايهمكش وماعندكش علاش تخمم فيه .... وهو ماباسنيش . ... وحتى وقت باسني ماكناش متزوجين ... وماكنتش نعرفك ... ماعندكش علاش تلومني ... لوم روحك .... على لاقل انا مشي كيفك ... نعمل عملتي ونقعد نحكي بصحانة لوجه هذي ....