#زواج_تقليدي 😍🔞

part 37 ♥️

سيليا تحكي:  بقيت غاطسة فلملف لي قدامي..... نقرا فيه ونعاود. بعد لي صرا ماحبيتش نرجع نشوف فيه ملجديد ولا نركز معاه...... 🙄 كلشي كان هادي غير صوت انفاسنا لي يتسمع .رجعت قربت 2تاع الصباح وبديت ننعس
ادم: تقدري ترقدي...راح نحبسو هنا
سيلا: راك متأكد خاطر مزال انا مانخلص الملف كامل
ادم: غدوة وكمليه امشي ترقدي
سيلا: ونتا😍 ..... قصدي ماراحش ترقد؟😬
ادم : شوية ونمشي نرقد
هزيتله راسي ورجعت هزيت روحي ورفدت الملف هداك وطلعت لغرفتي . دخلت. وسكرت الباب . بقيت مركزة عليه عديت لساني على شفافي نحب نرجع نتحسس ذوق شفافه🤤تنهدت ومشيت ترميت على السرير . حطيت يدي على قلبي ♥️ودورت راسي جيهة لخزانة نتفرج عليها من لعيد لضروك مشي مصدقة لي شفته وقريته  . تبسمت وحطيت يدي على خدي نحب نرقد ونعيش معاه فالأحلام . مانحي نخمم في حتى حاجة
هز روحه وخرج براا قعد على كرسي فلجنينة وبقى يتفرج فالسماء والقمر ضارب في وجهه مر نفس المشهد بين عينيه هز راسو ورجع عدى يده على وجهه  . من قبيل وهو متحمل قربها منو اصلا لا قدر يخدم لا والو بقى يمثل قدامها انو قاعد مركز مع لبيسي وعقله بعيد تفكريو يقوله امشي هزها بين يديك واطلع بيها لفوق ويرجع يطرد الفكرة من راسو ماصدق مشات ترقد وهرب برا وقف وبقى يدور رايح جاي شوي وسمع ثيليفونو يصوني هزو شوف شكون لقاه رقم من خارج البلد ضيق عينيه😑ورجع جاوب ..(المهم الكلام راح يكون بالفرنسي راح نترجمو*)
ادم:وي
-مسيو ادم تعرف انو وين ماهربتو مني راح نلحقكم نحب على مرتي كيما ماخذيتها معاك رجعها .ولي صرا اخر مرة مزال مانسيتهش
ادم: ههههه اوكي اذا تقدر تلقانا ارواح ......
###راح نلقاكم ستنوني
ادم:نظن ورقة طلاق وصلاتك ...مضي عليها وخلينا نحلو المشكل .ولا راح تضطرنا نمشو للمحاكم
-سارا مرتي . وهدا شي بينا وانت معندك حتى دخل فيه
ادم:راح نسكر
علق عليه ورجع نفخ ......هذا المشكل زاد على حدو .. حط ثيليفون في جيبه وتلفت حاب يدخل .لقاها واقفة حاطة يدها على كرشها وتتفرج فيه
ادم: علاش راكي هنا ؟ مرقدتيش؟
سارا:نزلت نشرب الماء لمحتك براا ...مع شكون كنت تحكي ؟
ادم:حت حد....
سارة : هو عيطلك......
ادم: خلاص مشي مهم انتي رتاحي
سارة:قلتلك ماراحش يخليني بحالي  ...راح يضل ورايا اصلا بعد لي عملتو راح يذبحني
ادم: سارة قلتلك خلاص هيا امشي ترقدي ومتنسايش تشربي دواك
هزتله راسها بإيه ورجعت لداخل وهو مشى جمع غراضه ورتمى فصلون رقد
                       ________________
أصبحنا وأصبح الملك لله 💕
تململت في بلاصتها .ورجعت حلت عينيها ورجعت رقدت خفيف شافت للوقت 7:30 حطت يدها على راسها وناضت تجري تشبكو رجليها فلغطا وجات طايحة على فمها على وقعتها كان هوا خارج من الحمام قلب عينيه منها ومشى جيهة البيرو بقات تبع فيه بعينيها . ورجعت رمات لغطا بعيد ودخلت غسلت وجهها وسنانها ومشات جبدت قشها   لقاته يلبس في صباطه وشافت  دخىت تجري لدوش لبست وشافت وجها فلمراية حطت كحل وشوي حمرة سيبت شعرها وخرجت مالقاتهش فالغرفة نزلت تجري لقات عزيزة وسارة قاعدين فصالو يتقهواو
سيلا: صباح الخير ... وين راه ؟
سارة: خييير..... خرج
رفدت صاكها وخرجت تجري وراه لقاته راكب فطوموبيل ورايح يمشي تنهدت ومشات تجري جيهته طلع راسه لقاها واقفة قدامه . تبسمت ومشات ركبت بحذاه .حرك طوموبيل ومشى طول طريق وهي تراجع فلملف ملجديد ..ربع ساعة وكانوا وصلو  نزل وستناها تنزل . سكر طونبيل ومشى داخل جيهة الشركة ...عوجت فمها ورجعت تمشي وراه وباقي تعدل فر شعرها دخل لاصونصير وبقى واقف جات لحقه لقات عبير تعيطلها من بعيد ونفخت ورجعت تلفتت
عبير: سيلا وين كنتي ....مشيتي حتى بلاما تقوليلي
سيلا:عبير عزيزتي ...ضروك عندي شغل تعرفي انو ليوم نقدمو مشروعنا. وانا لازم نكون حاضرة  ولا نخسرو هذا المشروع
عبير: اوكي هيا  ازربي...ولعشية نحكو!!!
سيلا تحكي:
سلمت عليها وطلعت نجري .اصلا ماكانش لازم نتأخر وهذاك مانعرف علاش قالب وجهه عليا مرة يقولي ارواحي الشركة ويرجع مرة أخرى ينقلب اصلا راني متحملاته ومتحملة برودة دم نتاعه هذي لا خلي نقول راني صابرة . وصلت لفوق ومشيت نلوج على قاعة الاجتماع  دقيت الباب ورجع دخلت شفتهم تلفتولي كامل . بلعت ريقي ومشيت جبدت لكرسي وقعدت  .ناض مراد ومشى قريب للشاشة ورجع يحكي ..ويشرح كان كاين انا و مراد وآدم ولي قاعد مقابلني و 6اشخاص اول مرة نشوفهم هنا . نظن هذو لي راح نخدمو معاهم  بقيت نتبع في مراد وكلامه اصلا مش لازم تفوتني اي نقطة ولا تترصالي ماعرفة والو
حل عينيه صباح يسمع في تليفونه ينقز نفخ وجبده من تحت راسه شاف شكون لقاها هيا  عدى يده على وجهه ورجع جاوب .
-حسان : صباح لخير اعطيني ملخر واش خصك ؟
يسرى: خليني نشوفك ليوم باش نقدرو نحكو🥹
حسان: تعرفي شحال راهي الساعة.؟ 8:00تاع الصباح  خلي لعشية ونشوفك
يسرى: نص ساعة ونكون قدام الدار .. ماخلاتهش يجاوب و علقت  .
نفخ ورمى لغطا مشى غس. وجهو وشاف كاش حاجة يلبسها لقى سروال مطيش لبسو وحط تريكو فوقه ورفد باكي دخان حطها في جيبه خرج للكوزينة لقى ماماه قاعدة تتقهوى بوه فلفراش عنده أكثر من عشر سنين على نفس الحالة صراله شلل نصفي وين مايقدرش يهز رجليه ولا يمشي عليهم . من وقتها وحسان متكلف بعايلته خذا خدمة في بلاصة بوه عند بو يسرى  وبشوي رجعاته يسرى كيف اللعبة في يدها لي تحب عليه تطلب منه ينفذه ونصب على نسا بزاف وخدا دراهم منهم وغيره ... يعني عارف روحه على واش قادم سلم على امه وبوه وقعد حذاهم  عبتله كأس قهوة وحطاته قدامه وترشف منه شوي ورجع سرح بعيد........
خير ولدي مشي من عادتك تبكر؟وين ماشي؟
حسان:عندي قضية نعملها هز روحه وخرج لبرا حي شعبي لي ماشي يخدم قاعد شاد لحيط . صياح لبياعة كيف لعادة . ولولاد ماشيين يقرو عدى يده على شعرو ورجع جبد قارو حطه في فمه وبقى شاد لحيط يستنى فيها تعيط باش يشوف واش خصها ( حلقات وبناتي يرجعو يعشو في حسااااان... ونسيكم في ادم 😍😂😂😂🙄)
حبست طنوبيل قدام عمارة لي عايش فيها طلع عينيه فيها لقاها داخل وتشوف جيهته نفخ دخان لبرالباقي رماه في لرض عفس عليه ومشى جيهتها حل الباب ودخل
حسان: شايفك رجع معندكش مشكل تدخلي لزقاقات(أحياء شعبية) كيما هاك
يسرى: ظروف تخليني نعمل هكا
حسان: ههههه قولي ادم يخليني نعمل هاك. .هيااا  تحركي مانحبش نظل معاك هنا لايشوفني حد ويقول رجعت مرا تسوق بيه
يسرى: اوكي دورت طونبيل ومشات طول طريق وهوما ساكتين. رجع دور عينيه فيها .فخاضها كامل عريانين وحتى من صدرها نصه على برااا قلب عينيه ويشوف برا
يسرى: هيا وصلنا
حسان :وين جينا ؟
يسرى:شوف هنا هذي دارك ونتا سموك حسان العامري وتكون رجل أعمال.  كنت برا وجيت لهنا
حسان:شكون هدا حسان لعامري؟؟؟ واش علاقتي بيه
يسرى:خلني نكمل  
حسان: جايبتني هنا باش تحكيلي نكتة ايا** خليني نمشي نشوف خدمتي .جا ينزل شداته من يده تحكي
يسرى:خلني بلييز هدا اخر طلب ليا
حسان: واش تحبي مني؟
يسرى : راح تمشي لشركة راح ندخل على اساس
نتا راح تساعدنا فلمشروع
حسان: ايه!!!
يسرى: وبعدها نقولك واش تعمل . خلي خطتنا تمشي بشوي
حسان: ديري حسابك انا ماعديتش حتى الباك ومانفهم والو في خدمتكم هدي وادا مشيت لهدي شركة احتمال كبير يحطوني لعساس
يسرى: لا خلي كلش عليا هيا انزل خلي نوريلك دارك  . ...... نفخ ونزل معاها . جبدت المفتاح ودخلت ودخل وراها بقات دور وتوريه فدار ورجعت طلعت لفوق وراته غرف النوم وفتحت لخزانة ثياب من أغلى الماركات وسوايع و صبابط 😍 كلشي كاين
حسان: هدو وقتاش لحقتي تشريهم ؟
مشي مهم . المهم انو تعمل لي نحب عليه وتخلي مخططي ينجح
حسان راح نبقى هنا؟
يسرى:ايه خليك هنا وراح نجي فليل عندك بما انو راني عايشة وحدي ومعنديش حد يسقسي عليا خلي نجي نقابل خلقتك
حسان:حتى انا مش مجبور نقابلك وماتحسبيش راني فرحان بخدمتك هدي اما ظروف فرضت عليا نتبع فرخة كيفك
يسرى: منيش فرخة . واخر مرة تحكي هك
حسان: مايهمنيش فيك ندي دراهمي ونخدم خدمتي . لا ننصحك لا نحوس عليك
يسرى: اوكي متفاهمين ولي نحكيه تنفده سمعت
دور عينيه على وجهها ورجع مشى وخلاها لحقاته تجري
يسرى:ايي وين ماشي
حسان▪︎ منحبش لي يتأمر عليا . نظن قاعد نعمل في مزية معاك
يسرى :اوكي مراحش نتأمر ......راح نشوف شي ناكلوه ونرجع امشي رتاح لفوق
سيلا تحكي:
كلامه هدا نرفزني كلمة تشجيع ماسمعتهاش منه هزيت روحي وجيت خارجة شفته ناض يجري جبدني وضربني مع لحيط قريب لا يتكسر ظهري هزيت عينيا فيه لقيته واقف مقابلني جيت نمشي رجع جبدني هز يده عداها على خدي ورجع يمرر في ابهامه على شفافي ...بلعت ريقي وبقيت نتبع فيه بعينيا ورجع حط شفافة على جبهتي غمضت عينيا ونزلت يديا نكبس فيهم شوي وشفته رجع لورا بقيت مسكرة عينيا جامدة في بلاصتي حتى سمعت صوت لباب تسكر حليت عينيا لقيته خرج ....تنهدت... ورجعت هزيت يدي حطيتها على جبهتي نتحسس فلبلاصة لي باسني فيهم راح يطرشقو كشيت نزرب للمكتبي دخلت وسكرت الباب ...رميت للملفات على البيرو ورميت روحي فوق الكرسي............