#زواج_تقليدي 😍🔞

Part 9

سأقولُ لكِ "أُحِبُّكِ".. وتضيقُ المسافةُ بين عينيكِ وبين دفاتري ويصبحُ الهواءُ الذي تتنفَّسينه يمرُّ برئتيَّ أنا وتصبحُ اليدُ التي تضعينَها على مقعد السيّارة هي يدي أنا.. سأقولها، عندما أصبح قادراً، على استحضار طفولتي، وخُيُولي، وعَسَاكري، ومراكبي الورقيَّهْ..لحقته شديته من يده نحكي ،،،_سيلا: ستنى ،،، ، تلفت شاف في يدي لي محطوطة عليه وطلع عينيه فيا يستنى فيا نكمل كلامي ،،،_آدم: جينا مع بعض هنا ،،، ومش جينا نضيعو وقت ،،، جينا نشرو خواتم لعرس ،،، لي ملمفروض يكون واحد ليا وواحد ليك ،،، اما نتا مشي مهتم بالامر جملة ،،، اذا مش عاجبك لعرس احكي ،،، ارفض ،،، مد رايك ،،، راني عادي مشي راح نلومك ،،،،مانعرف من وين قدرت نجيب هذي شجاعة باش نحكي ،،، اما وقتها كان هذا لكلام لمناسب وفلوقت المناسب ،،،،شفته بعدلي يدي عليه ،،، وحط عينيه في عينيا ،،، ستنيته ينطق يحكي شي ،،، يطفي نار لي شاعلة داخلي ،،، اما لا جوابه صدمني ،،،_آدم: كاين كفيتيريا قريبة من ،،، عندي مدة ما مشيتلهاش ،،، واش رايك نمشو نقعدو فيها ،،،_سيلا: كيفاش ،،،_شدني من يدي يكركر فيا وراه ،،، وانا على اعصابي ،،، ماعرفته موافق على هذا زواج ماعرفته رافضه ،،،نزلنا تحت ،،، وخرجنا مشينا شوي حتى وصلنا للكفيتيريا لي حكالي عليها ،،، قعدنا في طاولة صغيره ،،، وقعد مقابلني على لكرسي ،،، ويشوف مع برااا ،،، حسيت روحي تافهة قدام صمته ،،، يعني طريقة سؤالي ماعجبتهش ،،، ولا طريقة كلامي ستفزاته ،،، ولا ممكن ماسمعنيش واش حكيت ،،، او انا ماحكيتش فلاصل كنت قاعدة نتخيل ،،،، ههه لا اكيد حكيت ،،،_آدم: اذا حابة تحكي شي تفضلي ،،،_سيلا: انا ،،، ايه حابة وبزاف ،،،_تبسم ورجع لورا ،،، كتف يديه ويستنى فيا نحكي ،،،، دخلت بعضي مع لول ،، اما تشجعت وسألته ،،،_سيلا: نتا موافق انك تتزوج بيا ،،،_آدم: اممم ،،_سيلا: يعني موافق ،،،_آدم: ايه ،،،_سيلا: وعلاش رفضت اني نشريلك خاتم ،،، علاش ساكت ،،، احكي شي اعطي رايك فلموضوع ،،،_آدم: سيلا ،،، هذا اسمك ،،، انا انسان مايضيعش وقته فلكلام ولامور لفاضية ،،،، هذي عادة لفاشلين ،،، انا بافعالي مشي كلامي ،،، ماعطيتش رايي اماوتصرفي يخليك تعرفي اذا يهمني هذا زواج ولا لا ،،،_سيلا: كيفاش ،،،_آدم: اوكي راح نسهل عليك ،،، انا قابل نتزوج بيك ،،، اما موضوع زواج هذا مايهمنيش ،،، مش خاطر مشي حاب نتزوج بيك ولا رافضك ،،،، ولا محتم عليا ،،،، انا مش حاط هذا لموضوع في راسي ،،ظ، وانا باش نفرح لمراة هذيك لي شفتي فرحتها وهي تحكي في موضوع زواجي وولادي خلاني نقبل ،،،_سيلا: المعنى ،،،_آدم: نتي وفهامتك ،،،_سيلا: تعرف انو انا مشي مجبورة نقبل بهذا زواج لي ماراحش يكون منه معنى ولا اهتمام ملطرف ثاني ،،،_آدم: سيلا زواج مشي اولوياتي ،، وانا ماراح نوعدك بحتى شي ،،، ممكن قبلت نتزوج اما على جال عزيزة ،،،، ومانيش رايح نتراجع ،،، اما قاعد نصارح فيك ،،، ماتستني مني والو فلمستقبل ،،،_سيلا': اوكي رسالتك وصلت ،، وفهمت واش تقصد ،،، نظن انو هذا لخاتم مشي من نصيبي ،،،_جبت لعلبة صغيرة من صاكي وحطيتهاله ،،،_سيلا: تفضل ،،،_جيت نايضة رجع لحقني وشدني من يدي ،،،_آدم: ستني ،،،_سيلا: واش ،،_آدم: من كلامي هذا واش فهمتي ،،،_سيلا: فهمت انو مشي انا لمقصودة ،،، ومشي انا لي حلمت تتزوج بيها ،،، وقبلت بيا على جال جداتك ،،،_آدم: سيلا في حياتي لكل ماكنتش كاينة وحده قبلك ،،، يعني انو مشي نتي لمقصودة قلعيه من راسك ،،، وثاني شي ،،، انا مستعد نتزوجك ،،، اما مش مستعد نمدلك لحب لي انا في ذاتي مانعرف عليه شي ،،، نتي شفتي انسان ميت ملداخل يمد لحب ،_سيلا: ميت؟!_آدم: نظن كلامنا هنا يكمل ،،، حديثنا طول ،،، انا ماعنديش مشكل في موضوع زواج ،،،، اذا حابة تتراجعي ماراحش نجبرك ،،،_قطع حديثنا صوت تليفوني ،،، لي باقي يصوني ،،، عتذرت منه ومشيت رديت ،،،_سيلا: الوو_سناء : اهلا سيلا ،،، واش راكي ،،_سيلا: مليحه ،،، ؟!_سناء: هذي انا سناء ،،، قاعدة نتصل بيك ملشركة ،،، نستنو فيك غدوة ترجعي داومي ،،،_سيلا: نرجع ؟!_سناء: ايه هذا قرار مسيو مراد ،،،_سناء: مراد ؟! ،،،حسيت راسي يغلي ،،، ويزيد حابني نرجع ،،، لا راجل هذا معندهش وجه لي يحشم بيه ،،،سيلا: لا ماراحش نرجع ،،، وقوليله نشالله تنحرق بيك بلشركة نتاعك ،،،سكرت عليه ورجعت لمكاني ،،، حاسه روحي فور ،، شي مابين كلام سناء ،،، وشي مابين كلام آدم لي حيرني ،،،                                       سأقولُ لكِ "أُحِبُّكِ".. عندما أبرأُ من حالة الفُصَام التي تُمزِّقُني.. وأعودُ شخصاً واحداً..رجعت للطاولة لقيته قاعد يشرب فلقهوة ،،، قعدت مقابلاته نشرب ملكاس لي قدامي ،،، جيت نحكي ورجعت سكت ،،، اي حد في بلاصته راح يحكي نفس الكلام ،،، خاطر زواجنا زواج تقليدي ،،، مشي عن حب باش نلومه ،،، واصلا صراحته تكفيني باش نحس بلامان ،،، وممكن مع لوقت كلشي يتبدل ،،،، تبسمت وكملت نتفرج على لمطر لي قاعدة طيح برا ،،،، تذكرت لموعد لي مشاتله احلام مستغانمي في كتابها ،،، موعد جا بدون سابق انذار ،،، جى وقت حست انو طرف ثاني يستنى فيها في مكان بمدينة قسنطينة ،،،، وين ماكانت تعرف على هذا شخص غير العطر لي يستعمل فيه ،،، عطر وكلامات كانت عبارة عن رموز بينهم ،،، باش يقدرو يميزو بعض بين مجموعة ملناس ،،،، ركبت مع سائق لبيت وقصدت مقهى لي كان اسمه 'الموعد' اما وقتها تفاجأت انو كان كاين شخصين يستنو فيها هناك ،،،، واحد منهم سماته الابيض ،،، والثاني الاسود ،،، وقدام قراراتها المتهورة ،،، ماقدرتش تميز اي واحد منهم مو المطلوب ،،، وكيف اي مرا في سن ثلاثين عطات لنفسها فرصة الحب ،،، وين كانت هي تعيش فلحب مع شخص ثاني اوهمها انو هو نفسو لي التقاته في صالة سينيما ،،، وقعد جنبها ويمدلها فلرموز القاطعة لي بينهم ورائحةالعطر الفاتنة لي كانت اشارة على انو هو المقصود ،،، كان الشخص الحقيقي بعيد عليها كل البعد ،،، وين كانت قاعدة تعشق فيه مع شخص ثاني هو كان عايش في مسار آخر ملقصة ،،،، والمحزن فلأمر انو وقت عرفت انو احداث حكايتها كانت مبنية عليه ،،،، كان هو غادر لحياة ،،،،معادلة معقدة ،،،، اما هذا هو مفهوم الحياة ،،،، صعبة لدرجة كبيرة ،،، ومش بلساهل نلقو حل لاسئلتنا لي قاعدة كل يوم تزيد ،،،،بقيت نربط في احداث حكايتي مع حكاية احلام مستغانمي ،،، لمراة لي خلت شخضيات كتابها تتنفس وعطاتهم مجال للحياة باش ترجع ضحية ليهم ،،، ومصدر عذاب وصراع بينها وبين ذاتها ،،،، آدم وأنا شخصية تميل لبعضها ،،، ولي يجمعنا صمتنا لي معندوش تفسير ،،، اما رموز لي بينا هي صمته لقاطع .،، وقلة ثقة بلنفس لي نملكها انا ،،، لدروك مش عارفة انو انا استثنائية ومانشبهش لغيري ،،، ومش لازم ديما نظل فلهامش ،،،، قدام صراع نفسي لي كان يدور داخلي ،،، صونا تليفونه باش يرد ،،،_آدم: الوو ،، اوكي نتلاقو بعد ساعة ،،،علق ورجع شاف فيا ،،،،_آدم: اذا مابقى شي ثاني خليني نوصلك ،،، هزيتله راسي ووقفت خارجة لبرا ،،، راح نعطي للحياة فرصة انها تمشي بيا في قطار الزمن هذا ،،، طول عمري نصارع فيها ونحاول نبدل كل شي تكتبهلي هي ،،، اما هذي لمرة شفت انو احسن شي نستسلملها ونخليها هي تمشي بيا ،،،،_ركبت وراه وهو ملقدام ،،، تمسكت فيه كيما قبل ،،، ومشينا ،،، اللذة لي كنت نحس بيها ،،، وشعور لي كنت نجرب فيه اول مرة مع نوع ملجنان ،،، خلاني نفرح ،،،، وقفنا قدام دار ،،،، ودعته وجيت داخلة وهو مشى كيف ما جا ،،،وقت دخلت للدار ،، حسيت انو عندنا شكون فلدار ،،، خاطر صوت كان جاي ملصاله ،،، جيت طالعة لغرفتي اما صوت بابا وقفني ،،،،_بابا: سيلا بنتي هذي نتي ،،،_سيلا: ايه بابا هذي انا جيت ،،،_بابا: ايه ارواحي شوفي شكون عندنا ،،،_شكون راح يكون عندنا ،،، حطيت مونتويا ،،، ومشيت جيهة صاله ،،، اما نصدمت وقت شفته ،،، ماتوقعتش بعد لي صرا راح يجي ،