#زواج_تقليدي 😍🔞

Part 18

غسلت وجهي ،، ورجعت رفدت لمنشفة ،،، نشف فيه ،،، سمعته يطبطب على باب صال دو بان ،،، تنهدت ورجعت رميت لمنشفة ،،، وحليت عليه ،،،_سيلا: واش بيك ،،_آدم: شي ،، حبيت نطمن عليك ،،_سيلا: بعد من طريقي .،،_آدم: تجبي تمشي للطبيب ،،_سيلا: لا اعتقني وخلاص ،،، مش حاملاتك ،،،_آدم: لا عزيزتي ،،، تو تحمليني مع لوقت ،،،_سيلا: ياخي نتا واش بيك ،،، هاك بين ليلة ونهار رجعت مهتم بيا ،،، وتحب عليا ،،،_آدم: استني ،،،_جيت ماشية رجع جبدني لعنده ،،،_آدم: تواا نتي مشي مسلمة ،،، ماتعرفيش انو لي قاعدة تعملي فيه حرام ،،،_سيلا: يوووه علاش انا قاعدة نكفر ،،،_آدم: انا راجلك وعندي حق عندك ،،، لواش قاعدة تتهربي مني ،،، وزيد نيالك عليا ،،، هاني مستعد نخلي علاقتنا عندها اسم ،،، ومستعد نجيب ولاد منك ،،،_سيلا: ااا قتلي نيالي عليك ،،، علاش شكونك نتا ،،، واحد معقد ومريض ،،،_حسيته تغشش من كلامي ،،، وقت شفته كبسلي على يدي ورجع ذزني حتى حسيت ظهري تكسر مع لحيط ،،، خرج ملغرفة وخلاني وحدي فيها ،،،، مشيت بدلت دبشي ،،، وشفت مع روحي فلمرايا ،،، مزالني صفرة ،،، لبست في رجليا ومشيت للكوجينة ،،، شفت مع ساعة كانت 10 نتاع ليل ،،، يعني انا رقدت كاع هذا لوقت ،،، سخنت كاس حليب شربته ،،، لبست مونتويا ،،، ومشيت لعنده كان فلصاله قاعد شاد تليفون يلعب بيه ،،، وقت شافني واقفة هز حاجبه لفوق ،،، ماحبيتش نركز معاه بزاف ،،،_سيلا: نحب نخرج نغير جو ،،،_آدم: تغيير لجو دروك ،،، فليل ،،_سيلا: انا هاك نحب نخرج فليل عندك مشكل ،،،،_آدم : سيللااا ._سيلا: ختنقت هنا ،،، حابة نغير جو ،،،_سكت شوي وىجع مشى لبس تريكو ،، وصباطه ،، ورفد مفاتح طوموبيل وخرج ،،، رفدت صاكي ولحقته ،،، نزلنا للتحت كان لجو بارد ،،،، نسمة بارده ضربتني على وجهي ،،، تنهدت ومشيت ركبت حداه فلطوموبيل ،،، بقى يمشي مركز مع طريق ،، دورت وجهي منه وبقيت نتفرج مع برااا ،،، لضواو شاعلة ،،، ولحوانت لدروك مزالو مفتوحين ،،، تبسمت وبقيت نتبع فلطريق ،،، سمعته يحكي ،،،_آدم: غدوة نبدا خدمتي ،،، على هاك راح نمشو لعند عزيزة تبقي معاها ،،،_سيلا: ياخي نتا لباس في عقلك ،،،، حتى انا نحب على خدمتي ،،،شاف فيا وضيق عينيه ،،، ورجع حكى بنبرة حاده ،،،_آدم: وقت تعطيني حقي تمشي تخدمي ،،، .                                                                                                                                                 نفخت بلقاوي ورجعت دورت وجهي منه ،،، نعرف اذا بديت جدال جديد معاه ماراح يجيب حتى فايدة ،،، خاطره حجرة من راسه ،،، اما هذا لقرار لي جا هاك فجأة خلاني نخمم ،،، علاش قبل ماحكاش هاك ،،، كان مقرر يخليني ،،،، وتوا قاعد يصر عليا باش يكون زواجنا حقاني ،،، بقيت مركزة مع طريق ،،، شفته طلع شباك لي من جيهتي ،،، وحبس في بلاصه بعيدة ،،، سكت شوي ،،، نسمع غير في صوت نفس نتاعه ،،، وريحته لي راح تخنقني ،،،، جيت نحل شباك ،، كبسلي على يدي ،،، دورت عينيا فيه ،،، يشوف فيا بطريقة مانعرف واش كاين وراها ،،، نطرت يدي منه ،،، وحبيت نحل لباب ،، رجع سكره وين ماتقدرش نحله ،،، بلعت ريقي وشفت فيه ،،،_سيلا: واش قاعد تعمل ،،، علاش جبتنا هنا ،،، واش تحب مني ،،، ياخي قتلك خرجني نبدل جو ،،، مش تزيد تحبسني وتضغط عليا كثر ،،،_آدم: هنا تحكو مليح ،،،_سيلا: ماعندناش واش نحكو فتحلي لباب ،،، راح نختنق ،،،_آدم: قاعدين هنا حتى تجاوبيني ،،،_سيلا: على واش نجاوبك ،،، مش بساهل نصدق كلامك ،،،_آدم: علاش قبل كنتي مصدقاته ،،، ليلة لعرس شعلتي فيا وقت خليتك ،،، يعني كنتي تحبي تكون حاجه بينا وكنتي مستعده ،،، ونظن حتى ولكان كنتي رافضة هذاك حقي ،،، ونتي مرتي ،،، وواش تبدل دروك ،،، ولا خليني نخمم ،،، اكيد عندك شكون في حياتك على هذاك قاعدة تصدي فيا ،،،_سيلا: ههه تحكي من عقلك نتا ،،، كاين شكون في حياتي ،،،واش تسخايلني ،،، واذا كاين كنت راح نقبل نتزوج بيك ،،، احكيلي ،،،_آدم: اثبتيلي كلامي ،،، خلي زواجنا يكون حقيقي ،،، واصلا رضيتي ولا لا تو يفوت شهر وتلقي عزيزة على راسك تمشي بيك لعند طبيب ،،، ووقتها تعرف حتى بلاما نحكيلها ،،،،_سكت شوي بقيت نخمم ،،، يعني كلامه صح ،،، اذا انا مشيت للطبيب راح يعرف انو انا ماعملت حتى علاقة ،،، وهكا كلشي يطيح على راسي ،، ويطلع هو لمظلوم ،،، واذا قال انا منعته من حقه ،،، راح نطلع خايبة ،،، سكت شوي ورجعت شفت فيه ،،، حسيته يتبسم بخبث ،، كانو قرا افكاري وعرف انو راني قريب نستسلم لكلامه ،،،_سيلا: اما نتا قلت قصتنا مشي مطوله ،،،_آدم: ايه قلت اما تراجعت ،،، ياخي نتي ماتفهميش ،،، انا مستعد نتقبل زواجنا ،،،_سيلا: اما كاين قصة ورا هذا تغيير نتاعك ،،، كيفاش بين ليلة ونهار بدلت رايك ،،،_آدم: واش حكيتلك قبل ماعنديش مشكل اذا تزوجنا ،،، ونتي اول وحده في حياتي ،،، ماكانش عندي ارتباطات جدية ،،، نتي اول وحده ،،، يعني ماعندكش علاش تشكي فلموضوع ،،،_سيلا: وعلاش ربطت لخدمة بموضوع لحقوق لي مانعرف من وين خرجت بيهم ،،،_آدم: يعني راح تظلي تناقشي فيا ،،،_سيلا: ايه خاطر نتا عندك حاجه في راسك ،،،_رجعت نحل فلباب ،،، باش نخرج حسيت بيه قرب جيهتي ،،، نفسه يضرب في رقبتي من ورا ،،، بقيت جامده في بلاصتي ،،،، حسيت بيديه قاعدين يدورو فيا لعنده ،،،، قلبي طاح ،،، وحسيت بخنقة وسخانه ،،، حتى ملعطش حسيت بيه ،،، جيت نحكي ،،، اما هذي لمرة غير اي مره ،،، هذي لمرة حسيت بحاجه نحطت بين شفافي ،،، مش متاكده واش ،،، خاطر وقتها حسيت روحي غبت على                                                                                                                                                                                                            آدم يحكي : ،،وقت شفتها تعارك فيا ،.، وحابة تخرج .،، ماعرفتش كيفاش قربت جيهتها ،،، حسيت بيها هدات وماعملت شي ،،،، حسيت برعشتها وقت قربت منها كثر ، ، حطيت يديا عليها ،، دورتها جيهتي ،، وين جا وجهي مقابل وجها ،،،، تتنفس بصعوبة ،،، خدودها حمر راح يطرشقو ،،، عينيها مفزوعين ،،، تشوف فيا بطريقة كانها تحب تهددني وفي نفس لوقت مشي متاكده من لي قاعد نخمم فيه ،،، شفتها وقت حبت تحكي. ،،، مانعرف كيفاش حطيت شفافي عليها ،،، مش متاكد من ردة فعلها اذا راح تكون نفسها وقت كانت معومراد ،،، اما انا راجلها ،،، ومش قاعد نغلط ،، وممكن هاك ترضخلي ،،،، ولحائط لي بينا ينزاح ،،،، مش متذكر باي طريقه بستها ،،،، خاطر حسيت بيها ترخفت بين يديا ،،،، حليت عينيا مفزوع ،،، حرارتها كانت مرتفعة ،،، ظاهر كانت مريضة وانا كملت لي كان باقي ،،،، جبدت روحي منها. ،،، حطيت يدي على جبهتها ،،، لقيتها سخونة ،،،، حليت شباك ،،، بقيت نفيق فيها ،،،،_سيلا ،، سيلا قاعدة تسمعي فيا ،،_نفخت ورجعت دورت طوموبيل ،،،، شدبت طريق للسبيطار ،،،، وقت وصلنا ،،، حبست ونزلت رفدتها بين يديا ودخلت بيها ،،،، شافها طبيب وحكالي انو عندها وجايع بسباب لعادة شهرية. ،،،، وشوي شاربة برد هو لي عمللها لحمى ،،،، عديت يدي على وجهي ،،، ورجعت ستنيت يكتبلي واش نجيبلها دوا ،،، شوي ودخلت لعندها كانت راقده ،،، بقيت واقف على راسها نتفرج عليها ،،، يعني ممكن صح ضغطت عليها بزاف ،،، اما ماتوقعتش يصير هاك معاها ،،،، يعني اذا قبلة عملتلها هاك ،،، اذا علمت كثر واش راح يصرالها ،،، مشيت جبدت لكرسي وبقيت مقابلها نستنى فيها تفيق ،،،،،سيلا تحكي :حليت عينيا على ريحة لمستشفى لي ضربتني في خشمي ،،، افف قداش نكرها ،،، دورت عينيا ،،، لقبته قاعد على لكرسي مقابلني ،،، مغمض عينيه ،،، ظاهر فيه رقد ،،، نحيت سيروم ،،، وجيت نايضة ،،، حسيت بدوخة ،،، رجعت قعدت ،،، حطيت بيدي على راسي وبقيت نتفرج معاه ،،،، رجع نفس لمشهد بين عينيا ،،، وقت قرب جيهتي ،،، حسيت عينيا تعباو بدموع ،،، مستنيتش يعمل هاك ،،، يعني اجباري ،،، وفوق هذا يشوف في حالتي مشي مليحه وقاعد يضغط عليا ،،،، لا لهنا وخلاص ،،، انا تزوجت باش نتهنى ونشوف حياتي مشي باش نعاني ،،، طول لوقت وهو يعارك فيا ،،، وتوا يحب يعمل علاقة اجباري معايا ،،، وانا متأكدة انو كاين قصة ورا هذا لقرار نتاعه ،،، لانو كابش فلموضوع بطريقة مش عادية ،،، ومستحيل نسلمله ،،، حتى يحكي صح وا يدور في راسه ،،، رجعت حسيت روحي قاعدة نغلي من لي عمله ،،، رفدت رجلي ضربته بيها باش يفيق ،،، حل عينيه بشوي ،،، شاف فيا ورجع مسح على وجهه ،،،_آدم: رامي مليحه ،،،_سيلا: نحب نمشي ،،_آدم: اوكي تو نمشو ،،،_سيلا: لا نحب نمشي لدارنااا                                                                                                                                                                                    سكت شوي ورجع وقف يحكي ،،،_آدم: ممكن نفهم علاش قاعدة تتصرفي هاك معايا ،،،_سيلا: تعرف واش انا نكرهك ،،، خاطرك اكبر منافق عرفتو في حياتي. ،، نتا قاعد تلعب على لحبلين ،،، مرة يسرى مرة انا ،،،،_آدم: ههه تحكي صح انتي ،،، انا نلعب على لحبلين ،،، نتي تعرفي واش كاين بيني وبين يسرى لا ،،، مالا لواش تحكي ،،، خليني انا نسقسيك هذا سؤال ،،، واش هي علاقتك بمديرك ،،،_سيلا تحكي:_وقت سالني على مراد حسيت لكلام وحل في حلقي ،،، يعني هو يعرف شي باش حكى ،،، علاش اكد على مديري ،،، اصلا من وقت ماوصلني للشركة وهو متغير ،،، ممكن مراد شافني معاه وحكى هو وياه ،،، لا اكيد لا ،،، كان واجهني بهذا شي ،،، سكرت عينيا ورجعت شفت فيه ،،،_سيلا: اذا قاعد تتهم فيا بشغلات مكانش منها راح نقولك انو نتا واحد تافه ،،، خاطر انا ماراحش ننزل لمستواك هذا ،،،_آدم: على اي مستوى تحكي بربي ،،،، ماشية تخدمي ولا تتمعشقي ،،، يكون في بالك عارف بكل شي وساكت ،،،_سيلا: وعلاش ساكت ماكنت احكي ،، خاطرك عارف انو هذا لكلام مامنو حتى حاجه صحيحة ،،، على هذاك ساكت وتستنى فيا على غلطة ،،،_آدم: هههه لا وتجاوبي ،،، كابشة على لخدمة لهذي درجه علاه ،،،،_سيلا: وانتا كابش فيا علاه ،،،سكت شوي ورجع قرب منها ،،، لين طاحت على لفراش ،،،_آدم: نتي لملاحة ماتجيبكش ،،، راح نصبر عليك سيمانة خمي فيها وخوذي رايك ،،،، وبعد سمانه اذا ماسمعتش قرارك راح نتصرف وحدي ،،،،_سيلا: يعني نتا تجبر لواحد يعمل واش حاب ،،،_آدم: لامش قاعد نجبر فيك ،،، قاعد نحكيلك واش راح يصرااا ،،، انا ماتزوجتش باش نظل نجري وراك ،،، هذا حقي وبلطبيعة مش لازم ترفضي ،،، وكانك على لخدمة تهني هاك ولا هاك مش راح تمشيلها حتى انا نقبل ،،، ايه وحاجه ثانية ،،، حتى ومشيتي انا راح نطردك منها ،،، تعرفي علاه ،، خاطر 50 ٪ منها ملكي انا ،،،