" တံခါးလာခေါက်သူ "
အခန်း ( ၁၈ )
အခန်းရောက်တော့ လပြည့်တစ်ယောက် သူ့အခန်းသို့ အမြန်ပင်ပြေးသွားလေတော့သည်။ စစ်နိုင်ငံ့လည်း ဧည့်ခန်းမျာပင် ဘုန်းကနဲ ထိုင်ချလိုက်မိလေတော့သည်။
" ငါဘာတွေလုပ်မိသွားတာလဲ ငါဘာတွေပြောလိုက်တာလဲ ငါဘာလို့ သူ့ကို..... "
" ဟိုကောင်တွေပြောသလိုဘဲ ငါတကယ်ချစ်ပြီး မထိန်းနိုင်လို့ ပြောတာလား အဲ့တာတွေမသိဘူး သေချာတာကတော့ မင်းကိုယ့်အနားကနေ ဘယ်မှပေးမသွားနိုင်ဘူး "
စစ်နိုင်ငံ့တစ်ယောက် တွေးရင်းနဲ့ ဘာလုပ်လို့ဘာကိုင်ရမှန်းမသိဖြစ်လာလေတော့သည်။ လပြည့်အခန်းတံခါးကို သူသွားခေါက်လေတော့သည်။
" ဒေါက်.... ဒေါက်....ဒေါက်.. "
" ညီ လပြည့်.... လပြည့် "
" ဘာလဲ ကိုစစ် "
" အပြင်ခဏထွက်လာပါဦးကွာ "
" ညီနားချင်ပြီး ကိုစစ် "
လပြည့်သူ့ကိုရှောင်မှန်း သူသိလိုက်ပါပြီး တကယ်လည်း လပြည့်က ဘာမှသေချာမသိသေးသော ကလေးမဟုတ် လူကြီးမဟုတ်အရွယ်လေးပါ။ လပြည့်ကို သူချစ်တာရော သေချာလား သူ့ဘေးမှာ အခြားတစ်ယောက်ကို မရှိစေချင်တာလောက်နဲ့ အချစ်လို့ခေါ်လို့ရလား။ သူ့ကိုအနားမှာ ရှိနေစေချင်တာနဲ့ရော အချစ်တဲ့လားကွာ။
လပြည့်တစ်ယောက် စစ်နိုင်ငံ့ပြောသောစကားများကို ပြန်လည်ကြားယောင်နေတော့သည်။
" ဘာဖြစ်လဲ ယောင်္ကျားလေးအချင်းချင်းကရော နမ်းလို့မရဘူးလား ကိုယ်မင်းကိုချစ်တယ် "
ထိုစကားလုံးတွေသာ လပြည့်ခဏခဏပြန်ကြားနေရလေတော့သည်။ သူ၏စိတ်ထဲမှာလည်း နေရတာ တစ်မျိုးလေး ခံစားနေရသည်။ စစ်နိုင်ငံ့မျက်နှာကိုမြင်တိုင်း မိခင်ဖြစ်သူ၏စကားနဲ့ စစ်နိုင်ငံ့၏မိခင်ဖြစ်သူ စကားတွေကိုလည်း ပြန်ကြားယောင်လာသည်။
" သား သားက ဘာကိုသိထားရမလဲဆိုတော့ သားက ဧည့်သည်ဘဲ အဲ့တော့ ဧည့်သည်တွေဟာ အိမ်ရှင်ကြည်ဖြူဖို့လိုတယ် အချိန်တန်ရင် သားက အိမ်ပြန်ရမဲ့သူ ခဏတာနေတဲ့အတွင်းမှာ ဘာအမှားမှမကျူးလွန်မိအောင်သားကနေဟုတ်ပြီးလား ပြီးတော့ ဧည့်သည်တွေဟာ အချိန်တန် အိမ်ပြန်ရမယ် အဲ့တာကိုတွေးတာ ကိုယ်နဲ့တန်ရာ တန်ရာမှာဘဲနားသား သူအထူး၏ ကျေးဇူးဂုဏ်ကိုလည်း မမေ့နဲ့ "
YOU ARE READING
တံခါးလာခေါက်သူ ( Completed )
Ficción Generalတကယ်တော့ အချစ်တစ်ခုမှာ ကန့်သတ်ချက်တွေ၊ ရှေးမျိုးရိုးအစဥ်လာတွေ မရှိဘူး။ အမှန်တကယ်ချစ်ကြလျှင် အချစ်တစ်ခုဟာ ရသမြောက်တယ်။ အချစ်တစ်ခုရသမြောက်ဖို့ကလည်း ကာရံကဗျာကလည်း လိုသေးတယ်။ ကာရံကဗျာဆိုတာကတော့ ပတ်ဝန်းကျင်အသိုင်းဝိုင်းနဲ့ မိသားစုတွေပေါ့။ တကယ်တမ်းအချစ်စ...
