🔒💓ចង្វាក់បេះដូង💓🗝️

ភាគទី២៣ : ពិភពលោកស៊ីជម្ពូ

ព្រឹកថ្ងៃថ្មី...

ពេលព្រឹកដ៏អស្ចារ្យ ពេលព្រឹកដ៏ស្រស់បំព្រង រាល់អ្វីគ្រប់យ៉ាងហាក់ថ្មីស្រឡាង ស្របពេលដែលចន ជុងហ្គុក ត្រូវជាកូនមហាសេដ្ឋីប្រាក់ពាន់លានត្រូវបានស៊ីដាច់នូវកាសែតទំព័រមុខព្រោះតែថ្ងៃនេះផងដែលលោកចន បានបើកបង្ហាញកូនប្រុសតែមួយគត់ឲ្យសាធារណៈជនដឹងថាត្រូវជាអ្នកដែលស្នងដំណែងបន្ទាប់ពីគាត់

ទាំងស្អាត ទាំងល្បីល្បាញ កេរ្តិ៍ឈ្មោះល្បីសុសសាយ មានស្រីមិនតិចនាក់នោះទេដែលកំពុងតម្រង់មុខព្រួញស្នេហ៍មករកគេ កូនប្រុសអ្នកមាន មិនត្រឹមតែមានត្រឹមសម្បត្តិប៉ុណ្ណោះទេមានទាំងមន្តស្នេហ៍ទាក់ទាញនូវបេះដូងក្រមុំទៀតផង

ជំហានយ៉ាងមាំ ទឹកមុខម៉ឺងម៉ាត់ សម្លៀកបំពាក់ថ្លៃថ្នូរ ដំណើរហំហានហាក់បញ្ជាក់ពីឥទ្ធិពលនិងអំណាចដែលកំពុងតែឈានមករកដៃគេខាងមុខនេះ កែវភ្នែករាប់សិបគូរបានភ្លឹកភ្លាំងនិងលោកនាយកថ្មីដែលកំពុងបោះជំហានចូលខាងក្នុងក្រុមហ៊ុន

« ពិភពលោកហាក់ពណ៌ស៊ីជំពូរនៅពេលនាយកថ្មីមកដល់ » សំឡេងបុគ្គលិកស្រីស្រស់ម្នាក់បន្លឺឡើងស្របពេលដែលកែវភ្នែកទាំងគូររបស់នាងតាមសម្លក់សម្លឹងចៅហ្វាយថ្មីរបស់ខ្លួនមិនឈប់ ពិភពលោកនេះហាក់មានរស្មីជញ្ជែងជញ្ជាំងអមដោយពណ៍ស៊ីជម្ពូក៏ព្រោះសម្រស់របស់លោកនាយកវ័យក្មេង

« ចង់ប៉ះ ចង់ស្ទាបអង្អែល ចង់ណែបណិប » អស់ពីមួយប្រយោគ បុគ្គលិកស្រីម្នាក់ទៀតក៏បន្ថែមមួយប្រយោគទៀត សម្រស់យ៉ាងៗនិងមិនខ្វះឡើយពាក្យសរសើរ ចំណែកបេះដូងក៏មិនដឹងធ្លាក់ទៅដល់ទីណាឬមួយតាមនាយកថ្មីទៅបាត់ហើយ?

« ... » ក្រោយបានឮប្រយោគសរសើរមិនដាច់ពីមាត់របស់ពួកនាង ជុងហ្គុកក៏បែមុខមកញញឹមនិងវៃចិញ្ចើមដាក់ពួកនាងបន្តិច ហុចផលឲ្យបេះដូងស្រីក្រមុំទាំងពីរកាន់តែជ្រួលជ្រើមលើសដើម ស្នាមញញឹមខាបព្រលឹងខាបបេះដូងរួមទាំងខាបវិញ្ញាណរបស់ពួកនាងឲ្យលេចលង់ក្នុងរណ្ដៅស្នេហ៍

ជុងហ្គុក បន្តដំណើរក្រោមខ្សែភ្នែកជាច្រើនគូរហូតទាល់តែមកដលើបន្ទប់ធ្វើការរបស់ខ្លួន គិតទៅកើតជាកូនអ្នកមានក៏ស្រួលម្យ៉ាងដែរ អ្វីៗរៀបចំរួចជាស្រេច ការងារគ្រាន់តែចូលមកក៏បានការងារធំ មានឋានៈខ្ពង់ខ្ពស់