ساكت 😔💔😔
ساكت ياوطن و الحركه تاكل بيك
لو خايف بعد والسكته من خوفك
من حرب الحرب جبنه العمر وياك
من اكل الجثث ما ترست جفوفك
ما بيك الذنب كول الذنب جا وين
يمكن نعتذر لو نفهم ظروفك
جنت المدرسة وبيك شعب طلاب
وبس دك الجرس شو فارغه اصفوفك
تقبل يا وطن؟ يرضيك هذه الحال
ناسك للاسف تتراكض تعوفك
وتقبل يا وطن؟ شبانك الحلوين
تتغرب غصب تحرمهه من شوفك
جاوب لا تضل ساكت يبو الثورات
عشرينك بعدهه تعيش بطيوفك
من طور الحزن ملينه ما مليت
جا طور الفرح ما تعزف جفوفك
من اريد الفرح بس كون اريد سيف
مو عيب بغمد اتنامهه اسيوفك
وبايك ما صرت ما خاف من جلاد
مو هذه شعارك وهذه معزوفك
جا شنهو التغير؟ يا عراق شبيك
ثار حسين ذمه بشيبه زلوفك
شعبك من عطش رادك مثل عباس
يعني حسين شعبك وارضه اله اطفوفك
لكن للاسف ماكو مثل عباس
وما نوصل عشر ياحسين ب حروفك
ونعتب يا وطن من حبنه الك والله
شفناكم نهر عطشان بجروفك
ومن انصحك لان صدكنه كلنه اخطاء
يا بيت الكرم نتسمه بضيوفك
اصفن ويه نفسك راح تعرف زين
لو ما تنتفض جا ضاع معروفك
عذرا يا وطن بس ثور حتى نثور
لو تكضي العمر والقيد بجفوفك
تنويه
مانقصد وطن يعني الوطن بذات
بعيون البشر هم موطن انشوفك
جروح...❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
💔😔💔شوكت تفرج ياااعراق 🇮🇶
