من_هم_المفسدون؟ كلنا نلاحظ المنشورات على السوشل ميديا عباره عن ابيات من الشعر الدارمي والعتب والمقصود من المنشور هناك رجل خائن او امرأه خائنه ... ✨✨✨✨✨✨ او اغاني نور الزين وغيره من الفنانين وايضاً تتحدث عن الخيانه ... او قصة من قصص الخيال وايضا تتكلم عن الوفاء والاخلاص والخيانه وبعض الاحيان هناك منشورات استبيان تقول ما هي اسوء صفه عندك والجواب اكيد راح يكون
✨✨✨✨✨✨✨✨✨✨✨ ياجماعه بعض الاحيان تستنشق رائحة الكذب في منشور آية قرآنيه او حديث نبوي شريف ، لا اقصد الآيه او الحديث بل اقصد عند الشخص نفسه ، يا اخوان ليش هذا التلون ، بأمكانك تصادق ناس نفس طبقتك وبذلك لا تحتاج للتلون ( انت انسان وليس حرباء ) ما مجبور تتلون من اجل كسب ود المقابل ، الم يقول المثل الطيور على اشكالها تقع يا اخي
✨✨✨✨✨✨✨✨✨✨✨ روح على نفس شاكلتك ( انت معمم صادق المعممين ، انت مراهق صادق المراهقين بنفس عمرك ، انت ناضج صادق الناضجين ، انت طيب صادق الطيبين ، انت عجوز صادق كبار السن ) لكي تتقارب الافكار مو مواليدك ٧٠ وتصادق مراهق مواليد ٢٠٠٠ مراح تتفاهم وياه اما بالنسبه للبنات مع شديد الاسف نلاحظ نساء كبيرات بالسن تتعلق بشخص بعمر حفيدها ، ليس عيباً مواكبة التطور والتحظر والثقافه لا ليس للشباب حصراً ، لكن يجب مراعاالقدر
✨✨✨✨✨✨✨✨✨✨✨ وارق العمريه ، ليس من المعقول عجوز عمرها ٦٠ سنه تبحث عن الحب بشبكات التواصل ، حجيه رحمه للحجي شخليتي للشباب ؟ والشياب ايضا مع الاسف نلاحظ كبار السن لديهم امور اكثر فضاعه من شاب عشريني ، حجي رحمه للحجيه تاخذ دورك ودور حفيدك ، كافي ماشبعت رهقنه كافي جوز
✨✨✨✨✨✨ والبنات .. عيني ضاغطتهم بخلاقي خفي علينا يابا احنا بالعراق مو بأمريكا ، يعني نعرف وضع بناتنا وامكانياتهم وطموحاتهم ، لا تبقين تتفيكين علينا احنا اولاد حاره وحده ، يعني لا تسوين نفسك ثقافتك اوربيه وما اعرف ايش ميحتاج الشباب متقبلتكم على وضعيتكم اساسا ميحتاجون اثاره ولا صور مغريه ولا منشورات رومانسيه ولا حتى مقاطع رومانسيه ، بس لا تختلط عندج الاوراق وتتخلين كل مدعبل جوز ، اصحك تفكرين بهاي الطريقه لأن مو صحيحه
✨✨✨✨✨✨ والشباب خويه على كيفك حمودي الالماني ، لو ابو كفشه يمعود احنا شباب ونعرف البير وغطاه ، ماكو داعي تكتب الهكر وتهدد البنات بغلق حساباتهم ، او تهكيرها ، الرجوله مو بهاي الطريقه ، الرجوله انك تقنع المقابل بيك من خلال تعاملك وحسن الحديث والاخلاق حبيبي انت ✨✨✨✨✨✨✨✨✨✨✨ اكيد اغلب المتابعين راح يعترضون على هذا الكلام واعتذر ان اسأت لكم من خلال الحديث ، بس اتوقع نحن نحتاج لهكذا منشور شكرا على حسن القراءه تحياتي لكم جميعا كان محدثكم هكذا يكون القدر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
