أضمن حزني جوه الضلع ويبات.!
وافز والگه الملامح مالت أموات.
وأنه الليل عنده طلابة وياي.
و لـيلية لـ ردان منگعة تبات.
وأگلهم خايبين انه احترگ جاي.
✨✨✨✨✨✨✨✨✨✨✨
وهمة بـ طرگ لـ تعدي وسلامات.
سلامات وگضيت شحال چا لو؟!
المرن عليّ كلهن مو سلامات.
منو بيكم بـگدي ضاگ شوغات؟
منو لـ خله الحزن بـ عيونة شامات؟
لـ نعَرفه أحنه الگلب يلچم ويطيب
زين شلون بي لـ بعينة لچمات؟
✨✨✨✨✨✨✨✨✨✨
و مرات الزم گليبي واحاچي.
ونگَضيّهه حرامات وحرامات.
واباوع ع المراية واصفن هواي،
واعدن بـ العمر حسبات حسبات.
وما عدن سنه وسنتين لا وين
من ابدي اعد لوعات لوعات
وانشغ وَحَديّ لحد نشغة الموت،
واگل لـ عيوني اش هسه الوكت فات.
✨✨✨✨✨✨✨✨✨✨
لا تتبعني ايُها المرض، فأنا ضائع مثلك
وسوف اواجهك بأجملِ الابتساماتّ.😁
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعيداً عن الغرور ، أيها المرض فأنا قوية لاتستطيع كسري😌✌
