محرم عاودت يالحرگتك بيه
هله ابشهر المشت عالناگه مسبيه
اموت بعاشرك اتمنه يوميه
.
.
.
هله بشهر الذبيح العايش أيامي
هله ابشهر التگول احترگن اخيامي
حلم انت وابد متفارگ أحلامي
اريد احسين اسمعه مره مو ضامي
بَچينه مايعوض خنصره الضايع
منو المطبوره عينه ويگدر ايباوع
منو العنده جروح الف وتسعميه
.
.
.
اختلف لون السمه واختلفت الغيمه
بده احسين السبط دگ ثاية الخيمه
هذيج يتيمه تمشي و تضحك يتيمه
ولا يدرن وراهن ركضه بالهيمه
بعد چم ليله وتركضن على الجمره
اكو وحدة تصير من العطش صفره
بعد عين الحُسين اتموت البنيه
.
.
.
شهر زينب اچانه مسرع ابثوبه
حلم ما اسمع ابزينبنه مضروبه
اذا زينب تعيش بغربه مكتوبه
ابكثر مالفض اسمج أعلن التوبه
دگليلي كفيلج بعدچ اشلونه
لان صرتي عيونه صابوا اعيونه
ابو فاضل يحب الجربه ممليه
.
.
.
شهر هذا رقيه تلبس الأسود
السَلِب مو بس تراجي ينسلب مُعضد
تشوفين الابوا والخده اله ورّد
تره چفچ رقيه الراسه مايبرد
انه ما همني ترجيتج ولاحزنج
انه خوفي رقيه تنگطع إذنج
عزيزة والدج انتي يعلويه
.
.
.
بعد ما باقي عدنه هي چم ليله
على طور البچي واحدنه شد حيله
نعم اول علامة تبين بويله
اكو طفلة حزينية يمكن اعليله
اها هاي التي والدها چافيها
منو العنده گلب يمه يوديها
ولا واحد يراويها شعر ضيه
.
.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
