I Think I Wanna Marry You [ ဦးရဲ့ အချိန်ပိုင်းချစ်သူလေး ]

အပိုင်း ၉

Unicode

I Think I Wanna Marry You
[ ဦးရဲ့ အချိန်ပိုင်းချစ်သူလေး ]

       " NoNo နဲ့ NaNa မင်းတို့ အန်ကယ်လေး အကြောင်း သိထားသမျှ ငါ့ကို ပြောပြစမ်း !! "

      Markeu မေမေကို နှစ်ယောက်သား ပြူးကြည့်ပြီးမှ တန်းမဖြေကြပဲ အရင်တိုင်ပင်ကြလေသည် ။

      " အန်ကယ်လေးအကြောင်း အကုန်ပြောပြလိုက်မယ် ၊ ငါတို့တုန်းကလည်း အတိုင်ခံထားရတာ ..!! "

     Jeno က အတိတ်က အညှိုးတွေနဲ့အတူ ။

     " အန်ကယ်လေး ငါတို့ကို စိတ်ဆိုးသွားရင်ကော "

     " မဆိုးလောက်ပါဘူး ငါတို့ကို ချစ်တာပဲ Donghyuck အကြောင်းပါ ထည့်ပြောရအောင် !! "

     " အေး RenJun ကို တိုင်တုန်းက မအောင်မြင်ပေမယ့်အန်ကယ်လေးရဲ့ မာမီဆို အောင်မြင်လောက်တယ် !! "

     " ကလေးနှစ်ကောင် !! ငါ့ကို လိမ်ထားတာ ရှိလို့လား !? "

      သူတို့သား ကိုလူအေးလေး Lee Mark ရဲစခန်းမှာ ထိန်းသိမ်းခံရသည်အထိ ဖြစ်စေသည့် အကြောင်းရင်းကို မစ္စ Lee သိမှ ဖြစ်မည် ။

    " မဟုတ်ဘူး မဟုတ်ဘူး ပြောမယ် ဟီးး !! အန်ကယ်လေးက အခုတလော အသည်းကွဲနေတာ "

    " ဟင် ..Markeu လေးမှာ ကောင်မလေး ရှိတယ်လား "

    " ရှိတယ် အများကြီးပဲ !! "

    " ဟေ !?? "

         သူ့သား လိမ်ထားသမျှ အခုမှ ဘူးပေါ်သလို ပေါ်လာတော့သည် ။ Markeu လေး လိမ်ထားတာကလည်း အ ကြောင်းတော့ ရှိ၏ ။ သူ့မှာ ကောင်မလေး ရှိတဲ့အကြောင်း သူ့အမေကို ပြောလိုက်ရင် လက်ထပ်ဖို့ အတင်းစီစဉ်မှာ စိုး၍ ဖြစ်သည် ။ သူက သိတဲ့အတိုင်း ဘယ်သူ့ကိုမှ အတည်ရယ် လို့ မရှိခဲ့တော့ ။

       " ဒါပေမယ့် အန်ကယ်လေးက လက်ထပ်ဖို့ထိ ကြိုက်တာ မဟုတ်ဘူးထင်တယ် တွဲလိုက် ၊ ပြတ်သွားလိုက်နဲ့ !! အခုလည်း ကျွန်တော်တို့အရွယ် ကောင်လေးတစ်ယောက်နဲ့ တွဲနေတာ ..!!? "

      " အဲ့တာကြောင့် မရောက်စဖူး ရဲစခန်းထိ ရောက်ပြီး အသည်းကွဲနေတာလား !? မင်းတို့သိတယ်မလား အလုပ်တောင် မသွားဘူးလေ "