I Think I Wanna Marry You [ ဦးရဲ့ အချိန်ပိုင်းချစ်သူလေး ]

အပိုင်း ၂၄

Unicode

အစက ၂၄ မှာ ဇာတ်သိမ်းမယ်ဆိုပြီး ရေးရင်း ရှည်သွားလို့ နှစ်ပိုင်းခွဲလိုက်ရပါကြောင်း 😂
______________________________________________

I Think I Wanna Marry You
[ ဦးရဲ့ အချိန်ပိုင်းချစ်သူလေး ]

      " ဆိုတော့ ..Lee Mark ဆိုတာ မင်းလား .!? "

      " အပိုတွေ မမေးနဲ့ ၊ ကလေး ဘယ်မှာလဲ .!? "

      Simon က သ‌င်္ဘောဦးထိပ်ပိုင်းမှာ ရပ်နေကာ သူ့တပည့်တစ်ယောက်ကို လက်ထောင်ပြပြီး ခိုင်းလိုက်သည်။ ခဏနေတော့ ထိုတပည့်က Hyuckie လေးကို ပွေ့ချီပြီး ပြန်ရောက်လာ၏ ။

    " ကလေးကို ဘာလုပ်လိုက်တာလဲ မင်းတို့ .!! "

    " ဘာမှမလုပ်ရသေးပါဘူး ၊ ခေါ်လာကတည်းက ဒီတိုင်းပဲ ..!? "

    " အာလူးလေးရယ် ..!! "

    အဖျားတက်ပြီး အားနည်းနေတဲ့အချိန်မှ အခုလို ဖြစ်တယ်တဲ့လား ။

    " ဘာလိုချင်တာလဲ .!? မင်း လိုချင်တာ မှန်သမျှ ငါပေးနိုင်တယ် ၊ ကလေးကိုတော့ လွှတ်ပေးပါ ..!! "

    " တကယ်တော့ မင်းဆီက ဘာမှကို မလိုချင်ဘူး Lee Mark ..!? ငါက မင်း နာကျင်ခံစားရတာကိုပဲ ကြည့်ချင်တာ .!! "

     " ဘာလို့လဲ ..!? ငါ ဘာလုပ်မိလို့လဲ .!? "

     " ငါ့ညီမလေး Grace အတွက်လေ ..!? သူ မင်းကို အရူးအမူးကို ချစ်ခဲ့တာ "

      " Grace ..!?? အာ့ဆို သူနဲ့ စကားပြောမယ် .!! သူ ဖြစ်ချင်တာ မှန်သမျှ လုပ်ပေးပါ့မယ် ကလေးကို အရင် လွှတ်ပေးပါ ..!! "

     " Grace က မင်းနဲ့ ထပ်တွေ့မှာ မဟုတ်ဘူး ၊ အဲ့လိုပဲ ဒီကောင်လေးကိုလည်း မင်း ထပ်တွေ့ရတော့မှာ မဟုတ်ဘူး "

     Simon က Hyuckie ကိုယ်လေးကို သူ့တပည့်လက်ထဲကနေ လွှဲပြောင်းယူကာ ဖမ်းချုပ်ထားပြီး ပြောသည် ။

     " ဦး ..!! "

     Simon လက်တွေဆီက ရုန်းမထွက်နိုင်ပဲ Hyuckie မျက်လုံးလေးတွေသာ ပွင့်လာသည် ။

    " တောင်းပန်ပါတယ် ကလေးကို လွှတ်ပေးပါ ၊ ဖြစ်ချင်တာ မှန်သမျှ လိုက်လုပ်ပေးပါ့မယ် "

    Simon တစ်ချက် ပြုံးသွားပြီး သူ့လူတစ်ယောက်ကို မျက်စပစ်ပြလိုက်လေသည် ။ သိပ်မကြာလိုက် ထိုလူက Lee Mark နား တိုးလာပြီး ဒကောက်ကွေးကို ကန်လိုက်သည်မို့ Lee Mark ဒူးထောက်လျက်သား လဲကျသွားသည် ။