I Think I Wanna Marry You [ ဦးရဲ့ အချိန်ပိုင်းချစ်သူလေး ]

အပိုင်း ၂၂

Unicode

I Think I Wanna Marry You
[ ဦးရဲ့ အချိန်ပိုင်းချစ်သူလေး ]

       လမ်းမပေါ်  ပုံမှန်ထက်မြန်နေသည့် ကားတစ်စီး အရှိန်နှင့် မောင်းနေ၏ ။ ထိုကားအနက်ရောင်လေးမှာ  Lee Mark ရဲ့ကားပင်ဖြစ်သည် ။

      ဒီမနက် သူ ကုမ္ပဏီကို ရောက်ရောက်ချင်းပဲ Hyuckie ဆီက SMS တစ်စောင် ရောက်လာခဲ့သည် ။

      ** အရေးကြီးလို့ အိမ်ကို အမြန်လာပေးပါ ** တဲ့ ။

      သို့ဖြစ်၍ လက်မှတ်ထိုးပေးရမည့် ဖိုင်တွဲတွေကို ပြန်ချပြီး ကုမ္ပဏီကနေ ဒုန်းဆိုင်းပြန်ထွက်လာခဲ့ခြင်းပင် ။
  
       " အန်တီ ကလေး ဘာဖြစ်လို့လဲ ..!? "

     ဧည့်ခန်းထဲမှာ TV ကြည့်နေသည့် Hyuckie မေမေက သူ့ရဲ့ ပါဝါမျက်မှန်ကို ပင့်တင်းရင်း *မပြောချင်တော့ဘူး* ဆိုသည့် ပုံစံမျိုး လုပ်ပြလေသည် ။ သူ့ရဲ့ ရှူးဖိနပ်ကို ခြေသုတ်ခုံနားမှာ ချွတ်ရင်း ယောက္ခမလောင်းရဲ့ အဖြေကို Lee Mark စိတ်လောစွာ စောင့်နေသည် ။

      " သူ နေမကောင်းဘူး မင်းဆီသွားချင်တယ်တဲ့ ၊ အဲ့တာနဲ့ နေမကောင်းတာ အမေအိမ်မှာ နေရမှာ မဟုတ်ဘူးလား မသွားနဲ့လို့ ပြောလိုက်လို့ ငါ့ကို စိတ်ကောက်နေတယ် အခု ..!! မနက်စာလည်း ခေါ်ကျွေးလို့ မရဘူး .!! "

     အဆိုးလေးတစ်ယောက်ကို အမေဖြစ်သူတောင် မထိန်းနိုင်တော့တဲ့ အခြေနေရယ်ပါ ။

     " ဗျာ ..!? ကလေးက အရမ်းနေမကောင်းဖြစ်နေတာလား ...!? "

     " မနေ့က ဘာတွေလုပ်ပြီး ဘာတွေစားခဲ့လည်းမှ မသိတာ ၊ လည်ချောင်းတွေနာနေတယ်တဲ့ "

     " ဪ ...!! ကျွန်တော့်ကို အရေးကြီးလို့ အိမ်လာခဲ့ပါ ခေါ်တာနဲ့ ရောက်လာရတာ ..!! "

     " အမေကို ပြောမရတော့ မင်းကို စစ်ကူခေါ်တာနေမှာပေါ့ ၊ သွား ..သွား ..အပေါ်ထပ်မှာ သွားတွေ့လိုက် .."

     " ဟုတ် အန်တီ ..!! "

     Hyuckie မေမေကို ခေါင်းငုံ့ အရိုသေပေးကာ အပေါ် ထပ်ဆီ တက်ခဲ့လိုက်သည် ။ Lee Mark တို့ ကံကောင်းပုံက အသက်အများကြီးငယ်တဲ့ အူယားစရာဘဲပေါက်စလေး ရထားတဲ့အပြင် ယောက္ခမကပါ လက်ခံပေးပြီး အမြင်ကြည်နေတာမျိုး...။ အင်းပေါ့ သူကလည်း ပျိုတိုင်းကြိုက်တဲ့နှင်းဆီခိုင်ကြီး ဖြစ်နေတဲ့အပြင် ရိုးသားကြိုးစားတဲ့ ကိုဖိုးသခွားလေး ဖြစ်နေတာကိုး ။ သူ့နေရာမှာ တခြား ကလေကချေ ဘာအဖြစ်မှ မရှိတဲ့သူမျိုးဆိုရင်တော့ ဒီလို ဘယ်ဟုတ်ပါ့မလဲ ။