Adventure of Demon Lord [ VILLAIN GOD SYSTEM ]

Arc_2.13

အချိန်အတော်အတန်ကြာတဲ့အထိ မည်သည့်အရာမှမကျရောက်လာတာကြောင့် လန်ဒရီလှည့်ကြည့်လိုက်ကာ လန်ဒရီ၏မျက်ဝန်းတို့ ရွှင်မြူးရိပ်သန်းသွားရသည်။

အကြောင်းကတော့ ဂျိုးဆက်ဖ်က လန်ဒရီ၏နောက်ကျောကို နောက်ကျောပေးထားကာ ကျရောက်လာသောသရဲမ၏လက်ကောက်ဝတ်ကို ဖမ်းဆုပ်ထားတာဖြစ်သည်။

ဂျိုးဆက်ဖ်သည် တစ္ဆေကို အဝေးသို့ပစ်ပေါက်လိုက်ရင်းဖြင့် လန်ဒရီကို လှည့်ကြည့်လာသည်။ ဂျိုးဆက်ဖ်၏မျက်နှာကိုကြည့်ကြည့်ပါက ဒေါသထွက်၍ မကျေနပ်သောပုံစံဖြစ်သော်ငြား၊ လန်ဒရီကတော့ ဂျိုးဆက်ဖ်၏ပုံစံကို စိတ်ကောက်နေသောကလေးဆိုးလေးနှင့်တူနေတယ်လို့တောင် ခံစားနေရသည်။ ဒါကြောင့် လွှတ်ခနဲရယ်ထွက်မိသွားသည်။

ထိုရယ်သံကြောင့် ဂျိုးဆက်ဖ်မျက်မှောင်ကြုတ်လိုက်သည်။
လန်ဒရီက ချက်ချင်းပင် မရယ်မိအောင်ထိန်းချုပ်လိုက်ကာ ဂျိုးဆက်ဖ်ကိုအကြည့်လွှဲပြီး မသိချင်ယောင်ဆောင်လိုက်သည်။
ထိုအပြုအမူကြောင့် ဂျိုးဆက်ဖ်စိတ်ပျော့ပြောင်းသွားကာ သက်ပြင်းချလိုက်ပြီး လန်ဒရီ့ပါးအိအိလေးကို ဆွဲစိလိုက်ရင်း လေသံပျော့လေးဖြင့်ပြောလိုက်သည်။
"နောက်မလုပ်နဲ့..."

ထို့နောက် သူတို့အနားသို့ထပ်ရောက်လာပြန်သော တစ္ဆေကို ပြန်လှည့်ကြည့်လိုက်သည်။ သရဲမမှာ ၎င်းကိုပစ်ပေါက်လိုက်တာကြောင့် ဂျိုးဆက်ဖ်ကို မကျေနပ်သည့်ပုံပင်။
"သတ်ပစ်မယ်! သတ်ပစ်မယ်!!"

ဂျိုးဆက်ဖ်မဲ့လိုက်သည်။
"ငါတို့ ဒီကနေ အေးဆေးထွက်သွားချင်တယ်..မင်းသတ်ချင်သပဆိုလည်း၊ နောက်ထပ်လူတွေရောက်လာမှ သတ်ပစ်ပေါ့။"

သရဲမက သူ့စကားကြောင့် ပိုပြီးဒေါသထွက်သွားပုံရသည်။ တစ်ခဏချင်းပင် ဂျိုးဆက်ဖ်၏အရှေ့သို့ရောက်လာကာ ဂျိုးဆက်ဖ်၏နှလုံးနေရာကို တိုက်ခိုက်ဖို့ကြံစည်လေသည်။ ဂျိုးဆက်ဖ် သူ့ဆီဦးတည်လာသော လက်ကို ဘေးကိုစောင်းပြီးတော့ ရှောင်တိမ်းလိုက်ကာ ထိုလက်ကို ဆုပ်ကိုင်လိုက်ပြီးတော့ ချိုးပစ်မလို့လုပ်သော်လည်း လန်ဒရီကအနောက်ကနေ ပြောလာသည်။
"သူက အန်နာ့ကိုယ်ထဲဝင်နေတာနော်...သူ့လက်ကိုချိုးလိုက်တယ်ဆိုတာက အန်နာ့လက်ကို ချိုးလိုက်တာနဲ့တူတူပဲ"