"შავი ქვრივი"- "BLACK WIDOW"

23.

ამბობენ, როდესაც რაღაც მნიშვნელოვანი ახლოვდება, დრო უსასრულოდ იწელებაო. გამოვცადე და მივხვდი, რომ ზუსტად ასე ყოფილა.

ჰარის წასვლიდან ზუსტად ორი თვე გავიდა. პორველი ერთი კვირა, მუქარები მუდმივად მომდიოდა, ნელნელა სიხშირე შეამცირა და უკვე ორ კვირაზე მეტია აღარც კი გამოჩენილა. ტელევიზიებმა და გაზეთებმა აქტიურად დაიწყეს ნიუსების გამოქვეყნება, ჰარის წასვლისა და საქმის გამოძიების შეწყვეტასთან დაკავშირებით.
ზეინმა და ვიკიმ ჩვენთან ახლოს იყიდეს სახლი და იქ გადასახლდნენ. ესმა, ლუი და ფრედი აქ დარჩნენ, რადგან მარტო ვერ მტოვებდნენ. ლიამი და ნაილი ხშირად გვსტუმრობენ და ყველაფერზე ვსაუბრობთ, გარდა ჰარისა. მასზე ყველა ბრაზობს, რადგან ჰგონიათ მიმატოვა. როგორ მინდა, ყველას ვუთხრა რომ არ მივუტივებივარ და ეს უბრალოდ გეგმის ნაწილია. თუმცა ამაზე ნაილის გარდა ვერავსთან ვსაუბრობ.
რაც შეეხება ჰარის, ის ჯერ ლონდონში იყო, თავისი და ინახულა. შემდეგ ჩამოვიდა და ქალაქის ყველაზე შორეულ უბანში დასახლდა. ერთმანეთს ყოველ დღე ვესაუბრებით, ფეისთაიმითაც ხშირად ვრეკავთ და დღეს ის დღეა, როდესაც ორი თვის შემდეგ, საბოლოოდ ჩავეხუტები.

სახლიდან გამთენიისას უნდა გავიდე, კარგად შენიღბული ნაილს გავყვები და ისიც მიმიყვანს ჩემს სიყვარულთან.
საათები ძალიან გაიწელა.
—ორი თვე მოითმინე და რამდენიმე საათსაც მოითმენ.— საკუთარ თავს შემოვუძახე და ჩაცმა დავიწყე.
ამ შავ ჰუდში კრიმინალს დავემსგავსე. საკუთარ თავზე მეცინებოდა, რადგან თინეიჯერი შეყვარებული გოგოსავით ვიპარებოდი სახლიდან, ბიჭთან შესახვედრად.

დაახლოებით დილის ოთხი საათი იყო, როდესან ნაილმა მომწერა. "მოვედი", სიტყვა ძუნწითქო გავიფიქრე და აჟიტირებულმა ჩავიარე გზა, უკანა გასასვლელამდე.
საკუთარი სახლიდან ქურდივით ვიპარებოდი, თუმცა ამ დღეს ორი თვე ველოდი და არ მინდა რაიმე გაუთვალისწინებელმა მოვლენამ ხელი შემიშალოს.
— სად ხარ ამდენ ხანს?! — მეუბნება გაბრაზებული ნაილი, რომელსაც ცოტა შესციებია. გავუღიმე, ლოყაზე ნაზად ვაკოცე და მანქანაში ჩავჯექით.
— ნუ ბუზღუნებ და სწრაფად წამიყვანე ჩემს ბიჭთან. — გავეკრიჭე და პასუხად მისი თვალების ატრიალება მივიღე.
— თინეიჯერებივით იქცევით. — ისევ წუწუნით მითხრა და მანქანა სწორ გზაზე გაიყვანა.