عندما يقع الفهد في الحب (الجزء التاني)

Part 1

في أكبر شركات المنشاوي يجلس فهد يترأس ترابيزه الاجتماعات وعلي يمينه ديب وعلي شماله كارم صديقهم وشريك ف الشركه معاهم وبيتكلموا ف ثفقه مهمه جدا
فهد:ايوه بس كدا احنا هنخسر كتير حضرتك عاوزه تاخدي البضاعه بنص التمن والمبلغ كبير
سوزي بدلع:واي يعني ي فهد بيه مهو الشغل بينا جاي كتير والمفروض تعملي خصم ول اي
فهد في نفسه:اللهم طولك ي روح
ديب:ي انسه سوزي احنا كدا فعلا هنخسر ودا هيأثر علي سيوله الشركه واكيد انتي عارفه شركات المنشاوي اسم وشهره والاهم من دا كلو السمعه
فهد وهو ينوي فض الاجتماع لانه غضب من حركاتها اللي مش مريحاه
فهد:هفكر ي انسه سوزي وهرد عليكي الاجتماع خلص
خرج فهد وسابهم ووراه ديب وكارم دخل مكتبه وقعد لقي نور متصله بيه كتير اتنهد واتصل بيها وهو عارف القصيده اللي هيسمعها منها دلوقتي وقف وبعد عن ديب وكارم وبيبص علي المكان بره الشركه
فهد:ايوه ي حبيبي عامله اي
نور بزعل:انا أصلا مبتكلمش معاك متصل ليه
فهد بتنهيده:لقيتك متصله كتير قولت اكيد في حاجة
نور ببرود:هتيجي امتي
فهد:هتاخر انهارده ي نور
نور:تمم
فهد بعد ما قفل معاها ابتسم:هتفضلي دايما طفلتي الأولى مهما تكبري
ديب:فهد بقولك اي كدا احنا مش هننزل الشركه لمده شهر مين هيستلم مكانا
فهد بتفكير:لسه مش عارف ي ديب بفكر اهو ربنا يسهل
ديب:قدامك لاخر الأسبوع اشطا
كارم:انا ممكن استلم مكانكوا
فهد:مش هتقدر ي كارم الشغل كتير والشركه كبيره وفي اوراق كتير هيحتاج توقيعي واني ابص عليها مش هتقدر
ديب:لقيناها منخلي سفيان وهاني يجيوا مكانا
فهد:سيبوها لوقتها انا همشي دلوقتي عشان نور قلبت عليا
كارم بضحك:الله يعينك ابقي طمني عليك
فهد بمرح:لو مردتش عليكوا اطلبولي الإسعاف
مشي فهد ف طريقه للقصر وصل ودخل لقي كريمه ونهله ولمار قاعدين بيتكلموا لقي تيا وافنان بيجروا عليه حضنوه بسعاده وطفوله وهو شالهم بضحك وقعد معاهم
كريمه:حمدلله علي سلامتك ي ابني
فهد:الله يسلمك ي ست الكل
نهله:ايه الأخبار معاك
فهد:زي الفل ي نونو الحمد لله
لمار:ربنا يزيدك من نعيموا ي رب ويوفقك
تيا بطفوله:بابي جبتلي الشيكولاته بتاعتي
فهد بضحك وهو يقبل خدها:اكيد ي روح بابي
كريمه:ربنا يخليك ليهم وتشوفهم عرايس
فهد:امين ي رب...أومال نور فين
نهله:نور هتلاقيها ف المطبخ ادت للخدم اجازه انهارده وقررت هي اللي تطبخ
فهد بمرح:اوكي عن اذنكم اصالحها عشان متموتنيش
ضحكوا علي كلاموا وسابهم ودخل لنور بهدوء من غير متحس وهي مندمجه ف الأكل وقف فهد وراها وابتسم بخبث
فهد:بخخخخخ
نور:عااا...
فهد ايده علي بوقها بسرعه:اششش هتفضحينا أهدي
نور بحنق:اوعي انت رخم صح مش هتسكت غير لما تموتني ف مره عشان ترتاح
فهد بضحك:بعد الشر عليكي ي قمر خلاص هحاول ابطل الحركه دي...خلاص متزعليش بقي
نور:مش هرد عليك
فهد:بقي كدا
نور:ولله ي فهد لو عملت حاجه مانا عامله اكل وهات واحده بقي تبقي تعملكوا
فهد باستفزاز:ولله محدش قالك مشي الخدم واطبخي انتي
نور بغضب:تصدق انا غلطانه واستاهل ضرب الجزمه اني واقفه بعملكوا اكل مره بدل الخدم ابقي رجعهم تاني بقي ومتجيش تقولي تاني نور اطبخيلنا انتي مره
فهد:اهدي اهدي ي نور في اي متعصبه كدا ليه انا بهزر معاكي
نور بدموع:لا متهزرش عشان انا مخنوقه ومبقتش طايقه حاجه
فهد مسحلها دموعها وحضنها يهديها وهو مش عارف هي فيها اي وايه اللي مخليها كدا
فهد:تعالي معايا طيب واهدي
خدها وخرجوا بره تحت انظار الكل اللي مستغربه
نهله:مالك ي نور انتي بتعيطي ليه مالها ي فهد
فهد:مش عارف هشوفها دلوقتي بس معلش كملوا انتوا الأكل
كريمه:حاضر ي ابني شوف مراتك طيب
خدها وطلعوا الجنينه وقعدوا وهي بتعيط بصمت ومش عارفه تبطل عياط فهد مسك ايديها بحنان ومسحلها دموعها
فهد بهدوء وحنان:مالك بس ي روحي بتعيطي ليه حد زعلك طيب
نور بخفوت:لا
فهد:طيب قوليلي مالك البنات ضايقوكي ف حاجه
هزت راسها بمعني لا وهو استغرب ومش عارف فيها اي
فهد:طيب قوليلي حصل اي مزعلك كدا عشان مردتش عليكي وقولتلك اني هتاخر
نور:لا مش عشان كدا...بس انا اليومين دول بعيط من غير سبب ومش طايقه حاجه ومخنوقه
فهد:طب ممكن تكوني حامل مثلا ودي اعراضه المفروض تكوني عرفتي خلاص
نور:لا مانا كشفت ومفيش حاجه انا مش عارفه ايه اللي مخليني كدا ودايما خايفه
فهد:خايفه من ايه مانا معاكي اهو انا والبنات وماما ونونو ولمار
نور:مش عارفه حاسه بحاجه وحشه هتحصل
فهد:لا متخافيش مفيش حاجه هتحصل كلنا مع بعض اهو ونا من الشركه للمخابرات وهنا الحرس معاكوا وحوليكوا والخدم ماليا القصر مفيش حاجه تقلق ي روحي متعيطيش وامسحي دموعك عشان البنات جايين اهم
مسحت نور دموعها سريعا ولقت بناتها جايين عليها جريت عليها أفنان صاحبه ال 9 سنوات ونور حضنتها بحب وحنان وتيا صاحبه ال 6 سنوات خدتهم هما الاتنين ف حضنها وهي بتحارب انها متعيطيش وماسكه نفسها بالعافية بس مقدرتش وهربت دمعه منها
تيا:مامي انتي بتعيطي ليه
فهد اتنهد وحط ايده ع وشه وهو بيفكر ف اللي مخليها كدا ومش عارف برضوا السبب
نور مسحت دموعه بسرعه وابتسمت بخفه:لا يحبيبتي مبعيطش دا بس هتلاقي حاجه دخلت ف عيني
أفنان:هو بابي زعلك
بصلها فهد بصدمه وبص لنور المندهشه من كلام أفنان
نور:لا ي أفنان بابي ميقدرش يزعلني مش انتي عارفه كدا ي أفنان
تيا بطفوله وبراءه:بابي بيحب مامي وميقدرش يزعلها ي أفنان بس لو فكر بس انه يعملها...هعضه
فهد بخوف مصطنع:ايه ي تيا هتموتيني ول ايه
تيا بتمثيل طفولي محبب:لاااا هعضك واشرب دمك زي مصاصين الدماء
فهد باستغراب:وانتي عرفتيهم منين مصاصين الدماء دول
تيا ببراءه:شفتهم علي التلفزيون
فهد بذهول مضحك:ي حزني ياني عوض عليا ف عيالي ي رب
فجأه نور قعدت تضحك ع منظر فهد ومش قادره تستحمل منظره
فهد شافها بتضحك ابتسم انه خلاها تضحك وتهدي شويه وتكون نسيت علي الاقل لو فتره صغيره
فهد قام وقف:يلا ي بنات علي جوه يلا عشان تناموا ضحكنا سوا يلا بقي دلوقتي ع النوم
تيا بدموع:بابي ملحقناش نقعد معاك
فهد شالها وباسها من خدها بحب وحنان:اوعدك اني هقضي معاكوا يوم كامل قبل م ارجع الشغل
تيا:هيييه انا بحبك أوي ي بابي
فهد:وانا كمان ي قلب بابي
أفنان بحزن:وانا مش بتحبني ي بابي
شالتها نور وباستها من خدها وحضنتها:انتي قلب مامي فكك منهم مش انتي بتحبيني
افنان:اوي اوي أوي
فهد بحزن مصطنع:ونا مش بتحبيني يعني ول مامي احلي مني
أفنان:لا ي بابي بحبكوا انتوا الاتنين أوي أوي
خدها فهد من نور وباسها من خدها
فهد بهمس ل أفنان:انتي قلبي ي روحي اوعي تفتكري اني مش بحبك...انا بحبك أوي لانك فرحتي الأولي يحبيبتي بس تيا صغيره لسه ف عشان كدا بعمل كدا بس انتوا الاتنين عندي واحد ي حلوين
افنان حضنت فهد:ونا كمان بحبك أوي ي احلي بابي ف الدنيا..توعدني انك هتقضي يوم معانا
فهد بابتسامه:اوعدك ي جميل...ايدا نور وتيا راحوا فين
أفنان:اكيد طلعوا اصل ماما بتغير
فهد ضحك جامد وهو واخدها وداخل القصر:ماما لو سمعتك هتتجن اكتر
أفنان:خليها سر بينا بقي
فهد:اوكيه ي ست أفنان..يلا عشان تنامي
أفنان:تصبح علي خير ي بابي
فهد:وانتي من اهل الجنه ي روحي
راح واطمن علي مامته وبعد كدا راح اوضته دخل خد شاور ولبس وخرج لقي نور قاعده وبتبصلوا بغضب ابتسم وراح قعد جنبها ومسك ايديها وقال بهدوء
فهد:مالك بتبصيلي كدا ليه
نور:هقوم اجهزلك العشا ولا اه مانت اكيد اتعشيت بره
فهد:مالك ي نور في اي
نور بضيق:مفيش ي فهد وسيبني اتخمد
سابها واتنهد وقام خرج بره وراح الجنينه وقعد وهو مضايق منها حتي مش قادر يعرف سبب معاملتها ليه دي اي طلع الفون من جيبه ولقي الرائد بيتصل بيه
فهد باحترام:ايوه سعتك
الرائد حسام:سياده المقدم اسف لو اتصلت ف وقت مش مناسب
فهد:لا حضرتك مفيش مشاكل اتفضل
الرائد حسام:المهمه الاسبوع الجاي من بكرا تجهز انت وديب انا عرفته وتتحركوا بكرا الساعه 10 بليل
فهد:تمم ي فندم تحت أمرك
الرائد حسام:اول م توصلوا ي سياده المقدم تبلغني
فهد:تمم ي فندم
قفل معاه واتنهد بضيق ومش عارف هيقول ازاي ل نور وهل هتسيبه يروح المهمه دي بالذات لما تعرف انها ف سينا ول لا اتصل ب سفيان
سفيان:ايوه ي فهد أخبارك اي
فهد:تمم شمس والولاد عاملين اي
سفيان:تمم الحمد لله
فهد:انت فاضي لمده شهر ول
سفيان باستغراب:ايدا ليه يعني واشمعني شهر
فهد:عندي مهمه ف سينا لمده شهر وهمشي بكرا 10 بليل انا وديب ومش عارف مين هيمسك الشركه مع كريم ف جه ف بالي انت
سفيان:ولو مش فاضي يعني يعم افضالك تقدر تسافر وانت مرتاح متقلقش من حاجه
فهد:مش هوصيك علي ماما ونهله ولمار واكرم ي سفيان
سفيان:يعم انت بتوصيني علي حماتي متخافش دول عيلتي ي فهد
فهد:عارف...ومش هوصيك علي نور والبنات تخلي بالك منهم ي سفيان مش عارف اذا كنت هرجع ول لا
سفيان باندفاع:بعد الشر عليك يعم هترجع ل مراتك وبناتك ولعيلتك متقلقش كلهم ف أمان وف ايد امينه
فهد:بجد مش عارف اقولك اي ادعيلي ي سفيان زمان مكنش فارق معايا وكنت بروح من غير ميكون معايا واقي للرصاص بس دلوقتي في نور والبنات مش عارف هيحصلهم اي لو حصلي حاجه لاول مره هلبسوا مش عشان خايف ع نفسي بس عشان خايف عليهم
سفيان بدموع وتأثر:ولله هترجع ونا حاسس وهتنجح فيها وترجع تقولي ي سفيان نجحت زيها زي اي مهمه هبله انا واثق
فهد بتنهيده:ي رب متنسانيش ف دعائك...يلا تصبح على خير
قفل معاه وسرح شويه وقعد يفكر ف كل حاجه وان وراه عيله وبيت هيحصلهم حاجه من بعده تعب من كتر التفكير وطلع ينام دخل لقي نور نايمه راح قعد جنبها وابتدي يدقق ف ملامحها ويفتكر اول مره اتقابلوا فيها وافتكر ذكرياتهم مع بعض والدموع اتجمعت تاني مسحها وباس نور من جبينها وخدها ف حضنوا ونام عله يهرب من الواقع شويه والتفكير

#يتبع....