်
ဒီသာ မနက်နိုးလာတော့ ဧည့်ခန်းထဲမှာ ဝဠာ့ကိုမတွေ့ရပေ။ ညက ညစာလည်းထွက်မစားသည်မို့ ဗိုက်ကတော့ဆာနေတာအမှန်ပင်။ မီးဖိုချောင်ထဲဝင်လာတော့လည်း ဝဠာ့ကိုမတွေ့ရပေ။ ဘယ်များသွားနေတာလဲ မသိဘူး..စားပွဲပေါ်ကအုပ်စောင်းကိုဖွင့်ကြည့်လိုက်တဲ့အခါမှာတော့ နို့တစ်ခွက်နဲ့ပေါင်မုန့်၂ချပ်ကိုတွေ့ရသည်။
ဝဠာ ဒီမနက် မနက်စာမပြင်ထားဘူးလားမသိဘူး...တစ်အိမ်လုံးလည်း တိတ်ဆိတ်နေပြီး ဒီသာတစ်ယောက်တည်းရှိနေသလိုခံစားနေရသည်။ တစ်ယောက်တည်းမနေတတ်တာကြောင့် ဝဠာရှိမလားဆိုပြီး အိမ်ထဲမှာလိုက်ရှာမိသည်။ မတွေ့တာကြောင့် ဒီသာတစ်ယောက်တည်း အခန်းထဲမှာထိုင်နေလိုက်သည်။
ဝဠာဘယ်များသွားနေတာလဲ?...
သူ ညက ပြောလိုက်လို့ အိမ်ကနေများထွက်သွားတာလား...
သူ့အပြောက နည်းနည်းရင့်သွားတယ်ဆိုတာသိပေမယ့် ဝဠာ့အပေါ်မှာဖြစ်နေတဲ့ခံစားချက်တွေကို ဝဠာမသိစေချင်တာကြောင့် အတတ်နိုင်ဆုံးသူ့ကိုယ်သူထိန်းပြီးနေရမည်လေ။ရေချိုးခန်းထဲဝင်ပြီး ရေချိုးပြီးနောက် ဗီရိုကိုဖွင့်ကြည့်လိုက်တဲ့အခါ အဝတ်အစားတချို့ရှင်းလင်းနေတာကိုတွေ့ရသည်။
"သွားမယ်ဆိုလည်း နည်းနည်းပါးပါးပြောသွားပါလား တောက်!.."
အင်္ကျီတစ်ထည်ကိုထုတ်ယူလိုက်ပြီး ကုတင်ပေါ်ပစ်ပေါက်လိုက်သည်။ ရင်ဘက်ထဲမှာ တစ်ခုခုလစ်ဟာသွားသလိုခံစားနေရသည်။ အရင်နေ့တွေက မသိချင်ယောင်ဆောင်နေရတာတောင် စိတ်ပင်ပန်းခဲ့တာ အခုသူမရှိတော့ဘူးဆိုတော့....
သူပြင်ပေးခဲ့တဲ့ နို့တစ်ခွက်ကိုမော့သောက်လိုက်ပြီး ပေါင်မုန့်တစ်ချပ်ကိုပါးစပ်မှာကိုက်ရင်း စိတ်မပါစွာနဲ့ပဲ hotelကိုထွက်လာခဲ့သည်။
______________________
"စောလှချည်လား..."
ဝဠာအစောကြီးရောက်နေသည်မို့ အံ့သြစွာနဲ့ ကိုဖြိုးမေးလိုက်သည်။
"အင်း..."
"ဘယ်လိုဖြစ်တာလဲ? မင်းလူကြီးကိုသွားမပို့ဘူးလား.."
CZYTASZ
ျမႇားနတ္ေမာင္ က်ီစယ္တာလား (completed)
Romansမင္းနဲ႔ငါ အခုလိုဆံုေတြ႕ရတာ... ျမႇားနတ္ေမာင္က က်ီစယ္သြားတာလား 🏹