"ဘာတွေကြည့်နေတာလဲ? ကိုယ့်ကိုပြပါဦး.."တခါတလေတွေ့ရလို့ ကြည်ကြည်နူးနူးနေရမလားမှတ်ပါတယ် ရောက်ကတည်းက စကားတစ်ခွန်းနှစ်ခွန်းပြောပြီး ဖုန်းကိုပဲထိုင်ကြည့်နေတဲ့လွန်းအိမ်ကြောင့် ဓနကပဲလွန်းအိမ်အနားကိုကပ်ကာမေးလိုက်သည်။
"ဟိုနေ့ကရိုက်ထားတဲ့ပုံလေးတွေကိုပြန်ကြည့်နေတာပါ.."
"ဟုတ်လား ဘယ်သူတွေနဲ့ရိုက်ထားတာလဲ?.."
"ဦးငယ်တို့နဲ့ပါ..
ဟိုနေ့က မုန့်လိုက်ကျွေးလို့..""သြော်....ကိုယ့်ကိုလည်းပြပါဦး..."
"အင်း ကြည့်လေ.."
လွန်းအိမ်က သူ့ကိုပြလာသည်မို့ ကြည့်လိုက်တော့ လွန်းအိမ်နဲ့အတူ ဒီသာဦးမာန်အပြင်ဝဠာကိုပါတွေ့ရသည်။ လွန်းအိမ်က သက်သက်ခွဲထိုင်ပြီးဒီသာတို့၂ယောက်က ကပ်ထိုင်နေတာမို့ ဓနစိတ်ထဲတစ်မျိုးထင်သွားသည်။ လွန်းအိမ်ကိုတော့မပြောဘဲ သူကြည့်နေတဲ့ပုံတွေကိုသာ ကြည့်နေလိုက်သည်။
"ဟီး ချစ်စရာလေး.."
"ဘယ်သူလဲ? ကိုယ့်ကိုလား.."
"ဖြစ်စရာလား.."
ချက်ချင်းတုံ့ပြန်လာတဲ့လွန်းအိမ်ကြောင့် ဓနမျက်နှာစူပုတ်သွားသည်။
"ဦးငယ်တို့ကိုပြောတာ ချစ်ဖို့ကောင်းလိုက်တာ.."
"ကိုယ်ကြည့်နေတာ ချစ်ဖို့လည်းမကောင်းဘဲနဲ့..."
"ဘာလို့ချစ်ဖို့မကောင်းရမှာလဲ?...
ဒီမှာတွေ့လား ဝဠာကဦးငယ်လက်ကိုင်ထားတာ...
တကယ်ချစ်ဖို့ကောင်းတယ်...""သူတို့လက်ကိုင်ထားတာဘာဆန်းတဲ့ကိစ္စမို့လို့.."
ဓနလည်း မသိချင်ယောင်ဆောင်ကာ အစ်အောက်ပြီးမေးလိုက်သည်။
"လက်ကိုင်တာမဆန်းပေမယ့် ဦးငယ်တို့ချစ်သူတွေလေ အယ်.....
ထွက်မိသွားပြီ ဦးငယ်ကအခြားသူတွေကိုမပြောပါနဲ့ဦးဆိုတာကို..."ကြားချင်တဲ့အဖြေကိုကြားလိုက်ရတာမို့ ဓနမျက်နှာပြုံးသွားသည်။ လွန်းအိမ်ဖူးမာန်ဆိုတာ တကယ့်ကိုကလေးလေးလိုပဲ ဘာကိုမှဖုံးကွယ်မထားတတ်တာ...
VOCÊ ESTÁ LENDO
ျမႇားနတ္ေမာင္ က်ီစယ္တာလား (completed)
Romanceမင္းနဲ႔ငါ အခုလိုဆံုေတြ႕ရတာ... ျမႇားနတ္ေမာင္က က်ီစယ္သြားတာလား 🏹