"يبدو أنه بالفعل ليس لنا الحق في قول من انتهى دوره ومن بدأ بالرغم من كثرة الدلائل ،فالحياة مفاجآت،ولن تستطيع تخمينها يا عزيزي"
ندى بصدمة :. ح..حور ..انتي حور !؟
الفتاة بابتسامة: كويس انك لسا فاكراني....
ندى وامتلئت عينها بالدموع : بس انا عمري ما نسيتك ( ليرى الحارس أنهم يعرفون بعضهما وينسحب بهدوء ويتركهما ) انتي حور بجد ولا انا متهيألي واتجننت خلاص
حور وتركت دموعها تنساب على خديها : انا اتعرضت لظلم كتير ي ندى ومصدقت وصلتلك ارجوكي ساعديني
ندى : ادخلي ي حور في كلام كتير لازم يتقال
لتدخل حور وتقفل ندى الباب وتضع حور الطفل الرضيع على الأريكة ،لينظرا ندى وحور لبعضهما نظرة مطولة ،وبعدها يدخلان في حضن بعض وتبدأ الاثنين في البكاء المرير
ندى ببكاء: انتي كنتي فين احنا قلبنا عليكي الدنيا كلها ،كنا بدور عليكي في كل مكان ومكناش بنلقيكي
حور ببكاء اكثر :انا كنت بتعذب ي ندى ،كنت بموت كل يوم طول السنتين الي فاتو ...انا اتعذبت عقبال ما جتلك ي ندى
ندى ببكاء : احنا مكناش عارفين نعيش من غيرك ي حور كنا بنتقطع كل يوم واحنا مش عارفين نوصلك
حور : انا بعد ما اتجوزت سافرت امريكا وكان مقطوع عني كل انواع التواصل ، عشان معرفش اوصلكوا وتساعدوني
ندى : انا مش عارفة اهلك دول ازاي يعملوا فيكي كده ......
حور : لا مهما مطلعوش أهلي اصلا الحمدلله
ندى بصدمة : ايه !!!! ازاي؟؟؟؟؟؟؟
حور : كنت بنت واحد كانوا شغلين معاه وكانوا كارهينه وبعدين اتقتل ومش بعيد يكونوا هما الي قتلوه ، المهم يعني هو لما مات مكنش فيه حد ياخدني ،فهما عشان مش بيخلفوا فخدوني وسموني على اسمهم مش اسم بابا الحقيقي واعتبروني اللعبة بتاعتهم الي بيعملوا بيها الي هما عايزينه ، وهما فعلا كانوا معتبريني كده عمري ما حسيت معاهم بالأمان والحب وكنت بستغرب ليه ، كنت بشوف صحابي وازاي اهلهم بيحبوهم وانا لاء وكنت اقول هو انا بعمل حاجة غلط عشان يكرهوني ، كانوا بيلسعوني بالنار في جسمي وكنت اخاف اقول لحد ليزعلوا مني ويعاقبوني اكتر ،وكانوا بيمنوا عليا انهم مدخلني مدرسة محترمة وبيأكلوني ويشربوني ، وعمرهم ما قالولي اني مش بنتهم الا لما .....(ليقطع كلامها صوت بكاء الطفل لتحمله وتخرج "الببرونة " وتضعها في فم الطفل ليشرب ما فيها من حليب )
أنت تقرأ
توأم الروح
Short Storyشئت ام أبيت ، لا تسير الحياة على وتيرة واحدة، ولن تبقى على نفس حالك طيلة حياتك ، سواء أاعجبتك ام لم تعجبك ، لأن الحزن لا يدوم ولا الفرح أيضا ، يجب أن تتذوق المعاناة حتى تتلذذ بالنعيم . وبما أن دوام الحال من المحال،وكلنا نعرف هذه المقولة ، فسوف نتعرف...
