تذكير
ندي : وبس كده
الام : طب وريني الرسايل كده ) وندي اعطتها الهاتف) بس لغايت دلوقتى مفيش دليل كافي يثبت انه هو ، مفيش دليل اصلا
ندي : عارفه، بس انا مليش مشاكل مع حد الفترة ديه مفيش غيره، عايز ياخد حقه من الي عملته فيه، ويرضى غروره الي اتهز ، انه يخوفني
الام بقلق: انا خايفه عليكي، بلاش تخرجي اليومين دول
ندي: بقولك عرف الكلام الي كنت بقوله لسوزي، كان ممكن اقول باسم بس هما مشيوا واتبعتلي برضو من نفس الرقم تاني
الام بقلق: ده ابوكى مسافر الفجر، هقوله ازاي
ندي : بصي انا قولتلك عشان مبقاش مخبيه حاجة، وانا مش خايفه من حد اي كان، وسيبيني انام شوية عشان لو منمتش هموت
.... ... ..
_______________________
الاب من علي باب البيت: هي اول مره اسافر ي جدعان، مالكو
الام: هي مهمة اوي السفريه
الاب : انتي اكتر واحدة عارفه اد ايه مهمة، انا حاسس انك عايزه تقولي حاجة
ندي قبل أن تتكلم الام :مفيش حاجه ي بابا، هي ممكن قلقانة زي كل مرة
الاب : طيب نسلم اخر سلام عشان متأخرش
________________________
الام بعصبية خفيفة: مسبتنيش اقوله ليه
ندي : كان هيقلق عليا وممكن مكنش يسافر
الام : اه وهنفضل مخبيين عليه لغايت امتي!
ندي : لغايت ميوصل بالسلامة وبعد كده نفكر هنقولها ازاي
حاتم : هو في ايه!
ندي : مفيش..
الام : لاء فيه (وحكت له)
حاتم بصدمة: كل ده!، بس فعلا مفيش دليل يثبت انه هو ممكن يطلع حد تاني عايز يلفت انتباهك
ندي : معرفش انا هروح اكمل نوم
__________________________
(مضا يومين اخرين علي هذا الحال، وقد اخبروا والدهم الذي قلق علي ابنته، وندي التي ملت من هذا الحال وايضا الخوف لكن لا تظهر، وهي لم تعد تثق في احد، واصبحت تشك في كل من حولها)
____________________________
اليوم الثالث بعد انتهاء اليوم الدراسي
(كانت ندي تنوي ان تذهب إلى بيتها بسرعة كالأيام الماضية، لكن اتتها رسالة لتتوقف وتفتحها)
|لو عايزه الحوار يخلص وتعرفي انا مين تعالي في الحوش الي ورا المدرسة من غير ماتقولي لحد احسنلك، انا براقبك متحاوليش تتذاكي |
أنت تقرأ
توأم الروح
Short Storyشئت ام أبيت ، لا تسير الحياة على وتيرة واحدة، ولن تبقى على نفس حالك طيلة حياتك ، سواء أاعجبتك ام لم تعجبك ، لأن الحزن لا يدوم ولا الفرح أيضا ، يجب أن تتذوق المعاناة حتى تتلذذ بالنعيم . وبما أن دوام الحال من المحال،وكلنا نعرف هذه المقولة ، فسوف نتعرف...
