أمجد : ألو.. عبدو انت وين ياخ ما ممكن تكون كسلان كدا انا من قبيل منتظرك جمب السوق هنا.. عبدو : ابرد يا صحبي 😂.. يهندا انا قصادك ما شايفني 😂.. أمجد : ورديت ليه طيب.. ما كفاية خسرتني زمن كان ممكن اقرا فيهو وحسي مخسرني رصيد 🙂.. عبدو : انت زريف شديد والله 😂.. ااي خسارة رصيد وبالله فك الصرة دي وورينا وجنتك الكسارة 😉.. "أمجد قفل الخط وعبدو وصلو و سلم عليهو".. عبدو : مالك يا مان زعلان كدا من صباح الرحمن 😂.. أمجد : انت مالك بارد كدا ياخ 😂.. ارح ارح خلينا ننجز سريع كدا عشان نتخارج.. عبدو : آه ي مفتري يادوب ظهرت لينا الوجنة 🤩.. أمجد : متين تعقل انت 🙂.. عبدو : من أول يوم شفت وجنتك سلبت مني عقلي وقلبي 🤩.. أمجد : استغفر الله العظيم 😂.. خلاص قمت على الشعر وما أدراك.. عبدو : ما هو ما ممكن حياتك كلها تكون متمحورة حول القراية بس.. لازم تفرفش شوية كدا وانا البفرفشك 😌.. أمجد : ما قصرت والله 😂...
ريان : ي بت ي ابرار انت وين ياخ انا لي ساعتين منتظراك ياخ.. ابرار : الو.. الو ما سامعاك.. ريان : بطلي إستهبال ي بتي عارفاك سامعاني.. والله والله ما تصليني في أقل من 10 دقايق انا حأرجع البيت وحأحرد ليك الهدوم دي زاتها.. ابرار : استكيني خلاص.. قربت عليك الصبر بس الصبر.. ريان : أهو صبرت 🙂.. ابرار : شطورة ريونة 😘...... ريان وهي بتعاين ل ساعتها : ما شاء الله تبارك الله الساعة 11 جات ومفروض نرجع البيت الساعة 11 🙂.. ابرار : انتي مالك نقناقة كدا ياخ.. ارح ارح نخلص من الموضوع دا بالله.. ريان : اتحركي قدامي يا سلحفاة.. ابرار : حأمشي قدامك بس ما عشان سلحفاة عشان انا الBodyguard حقك 😔💜.. ريان : حبيبتي انتي 😘😂..ابرار : هييي دقيقة نجود وينهااا؟!!.. ريان : واي نسيت أكلمها 😬.. ابرار : الليلة دقستك 😂.. ريان : واي واي 😬.. "ريان اتصلت على نجود". ريان : نجود كيفك.. نجود : تمام الحمد لله وانتي.. ريان : بخير والله.. عايني انا وابرار في السوق حسي وبصراحة نسيت اكلمك "ابرار وهي بتأشر ليها بيدها اسكتي اسكتي وريان ما شغالة بيها".. نجود : نسيتي؟!!.. طيب تمام باي "ونجود طق قفلت الخط".. ابرار : قلت ليك اسكتي اسكتي.. ريان : لالا ي بتي الصراحة راحة وما مشكلة بعرف كيف أراضيها 🙂.. ابرار : هي اصلا ما بتشيل في قلبها واكيد حتسامحك.. ريان : ارح ارح قدامي ي بتي.. ابرار : لو نجود معانا كان قالت ليك ارح يا مامي 😂.. مامي دي بتجيب لي نفسيات 😂.. ريان : مامي.. مامي.. مامي.. مامي😆.. ابرار : زفتة دي 😒..
"بعد ما ريان وابرار اشتروا حاجاتهم وطلعوا وعايزين يوقفوا ركشة في ولد بقى بنادي ليهم وكل شوية يقرب منهم وريان ماسكة ابرار بالغصب عشان عارفاها عادي ممكن تدقوا 😂"
الولد : احححيي انا قلبي وقع.. قلبي اتسرق.. قلبي وينو ياخ.. نظرة دي ولا رصااااصة يا ناس "وأول ما اتحرك اتجاههم وقرب منهم فجأة... جا واحد وضربو كففففف!!..".. أمجد : خلاص ي عبودي فك ود الناس خلاص.. عبدو : دا ما ود ناس زاتو دا ود.. أمجد : اوعك تتمها خلاص خلينا نتخارج ياخ.. "جو كم ولد وحجزو عبدو وانتهى الموضوع".. عبدو : بعتزر ليكم بالنيابة عنو يا اخواتي.. ريان : لالا ولا يهمك والله وشكرا ليك.. ابرار : لا شكرا لا شي.. نحن بنعرف كيف ندافع عن نفسنا 🙂.. عبدو : دي جزاتي يعني 😂.. عافي ليك يا اختي 😂.. ريان : معليش يعني ما تشتغل بيها وشكرا ليك تاني.. عبدو : دقيقة دقيقة "عبدو وقف ليهم ركشة وسألهم ماشين وين ودفع الحساب".. ابرار : عاين عاين شكرا ل خدماتك نحن ما محتاجين وعندنا القروش والله.. عبدو : دا من باب الأخوة بس ياخ ما تزعلي 😂.. ريان : ابرار يا بتي خلي اليوم دا يمر على خير عليك الله.. ابرار : خلاص سكت وتسلم يا اخوي 🙂.. عبدو : الا يهرشوك يعني 😂.. العفو ياخ..
" ريان وقفت جمب بقالة وأشترت دوريتوس وهي وابرار مشو بيت نجود وبعد ما سلمو على ناس البيت وكدا مشو غرفة نجود وفتحوا الباب براحة وكوركوا😂"
ريان : سبراااااايز 💃.. ابرار : ي بت ي مامي 😂.. نجود : اخواااااتيييييي 😭💜.. ريان : شوفي مامتك جابت ليك شنوو.. نجود : انتي ما تتكلمي معاي 😒.. ريان : ليه ياخ والله معليش ياخ 😭.. نجود : بهظر معاك يا بت 😂.. جيبي الدوريتوس دا وماف ليك واوعك تدخلي يدك معاي فاهمة 😒.. ابرار : شوفو البت دي جاحدة كيف بالله 😂.. ريان : هييي حأدخل يدي وحآكل و ولااا على كيفك وجوووة عينك 😒.. نجود : طبعا طبعا دا انتي مامي الحلوة 😘.. ابرار : مامي دي بتكرمش لي جسمي وبتخليني أشعر بالقشعريرة😬.. نجود وريان : مامي.. مامي. مامي.. مامي 😆.. ابرار : عولاق شديد 😒.. هيييي ي نجود فاااااتك.. نجود : شنو شنو احكي لي اها.. ابرار : بعد طلعنا من السوق قابلنا ولد سمح سماحة🤩.. نجود : وي وي اسكتي خلاص ما تكملي 😭.. ابرار : هوي ما تميت ليك لسسة. الولد عندو غمااااازة كسااااااارة 😉.. نجود : واي لا واي لااااااااااا😭.. ريان : بسم الله الرحمن الرحيم ي بتي الود لا عندو غمازة لا شي.. ابرار : يا عويرة ما قصدي القبيح داك.. قصدي الكان واقف معاهو 🤩.. ريان : استغفرالله 😒.. متين ركزتي مع التاني للدرجة دي وانتي شغالة تتلاءمي مع الأول وبعدين الأول دا ما قبيح ي بت هوي 😒.. ابرار : قبيح وستين الف قبيح!.. ريان : قبيحة انتي دي.. ابرار : قبيحة انتي دي وهو كمان.. نجود : اسكتوووووا وما تتشاكلوا فيني.. كدي احكوا لي من الأول قصة القبيح والعندو غمازة ديل.. ريان : قلت ليكم مااااا قبيييح 🙂.. نجود : خلاص خلاص ما قبيح المهم احكوا اها..."بعد ما نجود عرفت القصة".. نجود : واي ياخ كان نففففسي اكون معاكم 😭.. ابرار : راحت عليك 😝.. ريان : ياخ والله حسيت كدا انو الود دا ود ناس بالجد كدا ما شاء الله 💜.. ابرار : صوت دقات قلبك واصلني هنا على فكرة 😴.. "ريان وابرار ونجود بقو بضحكو ويشاغلو في بعض لحدي ما ااي وحدة رجعت بيتهم".. يتبع
