يلا نبدأ نتعرف على أهم الشخصيات في الرواية 😘
عبد الرحمن (عبدو) : شاب جذاب أسمر وعيونو كحيلة طويل شديد ومفتول العضلات 😂 عمرو 20 سنة بقرا هندسة مدنية في جامعة السودان
ريان : شابة جذابة قصيرة سنفورة 😂 لونها اسمر جميل وعيونها عسلية وعندها شامة كدا في خدها زايدة جمالها 😘 عمرها 18 إلا كم شهر 😂 برلومة هندسة مدنية في جامعة السودان 😉
فاطمة : زميلة عبدو في الدراسة وعاملة فيها صحبتو وكدا وتبع شلتو يعني.. كلامها كتير وبكاية 😴
ابرار : صحبة ريان وشخصيتها قوية شديد وجنها وجن الحقارة ودايما بتدافع ل صحباتها ومسمينها ال Bodyguard 😂
أمجد : زول هادي ورزين وحفاار تبع شلة عبدو
نجود : البت العسل والكيوت وبتحب تساعد ااي زول وزولة ظابطة شديد صحبة ريان وابرار " ريان وابرار في نفس الكلية أما نجود بتقرا طب"
ريهام : دي جعفر شلة عبودي 😂.. زولة طيبة ومرحة وبتضحك ااي زول قدامها وما حصل صرت وشها
بسم الله نبدأ.. الرجاء ربط الأحزمة والاستعداد للانطلاق ✈️
.
.
.
.
ريان : ما تبكي يا نجود عليك الله ما تبكي.. ابرار : خليها تبكي لأنها زولة ضعيفة وما عندها شخصية 🙂.. ريان : دا ما وقت الكلام دا يا ابرار.. عندك كلام كويس قوليهو ما عندك احسن تسكتي!.. نجود : لالا خليها تتكلم اصلا دي الحقيقة وانا زولة شخصيتها ضعيفة 😭.. ابرار : معليش ي نجود على كلامي الحار دا بس انتي عارفاني ما بعرف اسكت!.. ريان : البكا ما حيفيدك يا نجود وخلاص أقبلي الواقع.. ابرار : لالا ما تقبلي الواقع نهائي.. دا مستقبلك انتي ودي رغبتك انتي ليه تخشي طب ونحن التلاتة من زمان نفسنا نقرا هندسة!.. نجود : حاولي افهميني يا ابرار.. انا الوحيدة القريت علمي في بيتنا وناس البيت رافضين حكاية الهندسة دي نهائي وانا ما قادرة اقيف ضدهم 😭.. ابرار : وانتي اساسا ليه تقبلي تخشي أحياء وانتي رغبتك هندسة!!.. من بداية تالتة وانا بشجعك عشان تقدري تغيري رأيي اهلك ديل بس ماف فايدة من الكلام معاك!.. ريان : الفات مات يا بنات وحاليا ليس باليد حيلة غير انك تتقبلي واقعك دا وترضي بيهو و ربنا ما قدر ليك كدا الا ل خير وبعدين يهندا جبتي نسبة سمحة في الأحياء ودا بعني انك قدها و قدود وانك حتقدري تتعايشي مع حاضرك 💜.. نجود : أنا بحب الأحياء ااي بس بحب الهندسة اكتر لكن زي ما قلتي ربنا عندو حكمة في ااي شي بقدرو لينا وان شاء الله اقدر اتقبل حياتي دي!.. ابرار : ما شاء الله يا ريان من متين بقينا عاقلين كدا 😉.. ريان : من قبل ما يلدوك يا بتي 😌.. ابرار : بتك في عينك انا اكبر منك ب تلاتة شهور ي بيبي 😂.. نجود : ياخ انتو عسل والله 😂.. ربنا يخليكم لي 💜.. ابرار : عسل نحل اصلي 😌.. ويخليك لينا ياخ 😂💜.. ريان : قادرين تصدقو اننا نازلين الجامعة بعد اسبووع بسس 💃.. ابرار : اشتقت ل ايام الثانوي ياخ 😔.. ريان : ثانوي شنو ي بتي انتي ما جادة ولا شنو.. ابرار : طبعاً ما جادة 😂.. لكن والله مشتاقة للأساتذة وكدا.. نجود : الأستاذة ولا أستاذ واحد 😉.. ريان : اهاااااا زكرتيني يا نجود ياخ نسيت استاذ معز.. ااي والله اشتقنا ليهو😉.. ابرار : معز في عينكم.. غيرت رأيي ما اشتقت ل زول.. اها هدوم الجامعة كيف وكيف.. نجود : أنا من شدة الحماس جهزت هدوم الجامعة قبل ما النتيجة تطلع 😂.. ريان : أنا عن نفسي لسسة ما اشتريت شي بس ماشة بكرة السوق.. ابرار : أما أنا عن نفسي ما بحب مواضيع السوق دي نهائي وحأكلم اختي تشتري لي ااي شي بتلبس لمن تمشي السوق.. نجود : ما جادة طبعا.. السوق دا أهم شي والله 😂.. ريان : يا بتي ماف شي اسمو ما بحب المواضيع دي انا بكرة دي حأسوقك معاي السوق ونشتري سوا.. ابرار : بس.. ريان : لا بس لا شي انا قررت خلاص!.. نجود : سوقوني معاكم.. زي ما عارفين انا فاشينيستا وكدا 😌.. ابرار : عان دي عليك الله.. مش حسي كنتي بتبكي 😂.. نجود : انتي مالك معاي.. بتحبي تشوفيني ببكي ليه!.. ابرار : عشان شكلك بضحكني 😂.. نجود : زفتة دي 😂.. ريان : قومو قومو كل وحدة ترجع بيتها ارح.. ابرار : بتطردينا كدا مالك ي زولة.. المطعم مطعمك ولا شنو.. نجود : اول مرة اتفق مع ابرار في كلامها.. مالك ي بت ي ريان.. ريان : يا بناتي انا الكل مرة بتصل على أمهاتكم وبحنسهم عشان تطلعوا معاي.. عشان كدا بحس بالمسؤولية تجاهكم 😔💜.. ابرار : لا عاد كدا أوفر شديد 😂.. بالجد بقينا عاقلين.. تأثير الجامعة ظهر من بدري ما شاء الله 😉.. نجود : كلامك صح والله يا ريان بالجد انتي الكائنة الوحيدة الأمي بتسمح لي اطلع معاها.. ريان : احم احم لا داعي للتصفيق 😌.. حسي بتصل على اخوي اتفضلو كملو القدامك دا لحدي ما يصل.. ابرار : حاضر يا أختاه.. ريان : أماه لو سمحتي 😌.. نجود : حاضر يا مامي 😂.. يتبع
