ريان : في مجنون ليلى..كل يوم بخش صفحتو وبفكر ارسل ليهو وكمان بفكر في اسمو وشكلو وعمرو وضحكتو كيف وزهجو كيف وصوتو كيف وبحب شنو وبكره شنو! "أبرار هبشت ريان في رأسها".. أبرار : انتي كويسة ي بت؟؟.. نجود : الصراحة حبيت إدمانك دا ي ريان.. ريان : ياخ والله ي ابرار بقيت م بقدر انوم عديل لو ما اتحاورت معاهو في القروب والباقي في خيالي.. أبرار : شكلك عشتي الدور بالجد وبقيتي مجنونة قيس ولا اقول مدمنة قيس؟.. نجود : انتي مالك ي ابرار عادي يعني في ناس بحبو بعض بدون ما يشوفو بعض.. أبرار : ااي عارفة بس دا اسمو ما عارفاهو خلي شكلو.. اتخيلوا كمان يطلع عمرو 50 ولا 60 سنة ولا يكون عمرو 10 سنين .. ريان : لالا ي ابرار في شرط انتي ما بتعرفيهو بقول انو المشترك ما يزيد عمرو عن ال 25 وما يقل عن ال18.. أبرار : طيب وشكلو.. أمكن عامل زي القرد.. نجود : هس ي ابرار انتي ما بتعرفي حاجة اسمها حب حقيقي.. ريان : كلامك كلو منطقي ي ابرار بس الأنا فيهو شعور كدا ما ليهو علاقة بالمنطقية خالص.. نجود : أنا فاهماك ي ريان.. أبرار : أنا حأعمل نفسي فاهماك 😂.. ريان : ياخ نفسي ارسل ليهو في الخاص.. نجود : رسلي ليهو حسي ارح ارح.. أبرار : هوووي الخاص للرخااص اوعك ترسلي ي بت احسن تتقلي وتملي مركزك.. نجود : م تشتغلي ب كلام أبرار ارح رسلي حسي.. ريان : بالجد؟.. أبرار : المفروض كلام القصير ما بتسمع بس اصلا الدنيا بقت ماشة بالعكس 😂.. نجود : أنا إنسانة تؤيد الحب 😔💜.. ارح رسلي ي ريان.. أبرار : يا الله عليك 😘.. ريان : طيب طيب حأرسل بسم الله
"وبعد ريان فتحت الفيس وخشت ليهو وقبل ما ترسل"
ريان : بنااااات بنااااات.. أبرار ونجود : في شنووو.. ريان : عاينوا جاري الكتابة جاري الكتابة.. نجود : بسم الله الود طلع إحساسو بعيد 😂.. أبرار : قلوبكم عند بعضيها 😉.. ريان : يلا يلا افصلوها خلوني اركز.. أبرار : خير خير تعالي ي نجود احكي ليك قصتي.. ريان : هيي لالا احكي اها سامعاك.. نجود : اها احكي 😂.. أبرار : هوي ماف قصة بس يعني I like him.. نجود : في تطورات حتحصل ان شاء الله 💃.. أبرار : ان شاء الله 😂.. ريان : انتهت القصة كدا؟.. يلا افصلوها
"من الحوارات البين مجنون ليلى ومجنونة قيس"
- اين انت يا من هواها القلب وتعلقت بها روحي.. وكانت سبباً ل آلامي و سبباً لشفاء جروحي..💜
- ها أنا أمامك في خيالي ولكني مازلت بعيدة..فأنت وجهتي وها أنا أخطو إليك رويداً رويدا.. 💜
- متى سيصبح لقيانا واقعاً و حقيقة؟! .. فقد جف حبر شعري وانا أكتب لك تعبيرا عن مشاعري الرقيقة..💜
- لا تقلق.. حتماً سيأتي ذلك اليوم عندما نلتقي وتنتهي جميع الهموم.. 💜
"في بيت نجود.. نسرين لسسة زعلانة من راجلها وقاعدة في بيت امها"
مجاهد : الو نسرين كيفك.. نسرين : تمام الحمد لله.. مجاهد : تلفونك مشغول ليهو ساعة كنتي بتتكلمي مع منو.. نسرين : مع صحبتي.. مش خلاص اتطمنت علي يلا مع السلامة.. مجاهد : اعملي لي اسكرين ل رقم صحبتك دا ورسليهو حسي.. نسرين : انت لسسة ما تبت من الهبالة البتعمل فيها دي ي مجاهد؟.. انا مرا حامل وتعبانة وما فاضية ليك نهائي فاا مع السلامة "نسرين قفلت الخط في وش مجاهد بس مجاهد لسسة مصر وبقى برسل ليها في الواتس وبعد قفلت النت بقى برسل ليها SMS فااا زهجت منو شديد و عملت ليهو الاسكرين عشان يسكت ورسلت ليهو في الواتس"
- هاك شوف الاسم زيييييينب دي صحبتي زينب خلاص كدا ارتحت؟
-انا قلت ليك عايز الرقم ما الإسم
- عشان ما نفسي اتجادل معاك هاك زفت الرقم
" بعد أدتو الرقم ضربت ل صحبتها وسألتها لو في راجل اتصل عليها قبل شوية وقالت ليها ااي في راجل اتصل وسألها عن اسمها ولمن قالت ليهو زينب قفل في وشها"
"في الواتس"
- خلاص اتأكدت انها صحبتي زينب؟
- ااي اتأكدت.. معليش ي نسرين خليك عارفة اني بعمل كدا عشان بغير عليك وعشان خايف عليك بس
- دا مرض ما غيرة وانا زولة كبيرة ما بتخاف علي و خليك عارف انو بطريقتك دي انا ما حأرجع البيت حتى بعد ألد
-لا حترجعي ي نسرين
- لو استمريت كدا ما حأرجع نهائي وتسلمني ورقتي بس
- خلاص آسف ي حبيبتي ما بعيدها والله حقك علي وبعتزر ومش قلت ليك ما تعيدي سيرة الطلاق دي
- انت البتخليني اضطر أعيدها.. يتبع
