عبدو : أبرار انتي ما عندك ذنب وأكيد ما قاصدة تأذي ابوك انتي لازم ترضي بالحصل دا و بدل الدقايق البتبكي فيها دي امشي جيبي مصلاية وادعي لأبوك.. أبرار : إن شاء الله.. شكرا ي عبدو.. عبدو : كويس طلعتي بتعرفي تقولي شكرا 😂!.. أبرار : اتعلمت يادوب 😂.. عبدو : يلا قومي امشي البيت عشان الوقت ما يتأخر وانا استأذن راجع المستشفى.. ودعواتك لأختي.. "أبرار بقت تعاين ليهو مسافة وبقت بتفكر".. عبدو : عوك سامعاني انتي؟.. أبرار : أنا ماشة معاك..عبدو : ماشة معاي وين؟.. أبرار : المستشفى.. عبدو : وليه؟.. مش ابوك رجع البيت؟.. أبرار : ما تسأل كتير ياخ انا ماشة معاك وبس.. عبدو : خلاص تمام ارح
"بعد أبرار مشت للمستشفى مشت قالت للدكتور انها عايزة تتبرع بكليتها ل اخت عبدو وبعد عملت الفحص لقت الأنسجة متطابقة!.. بعد اسبوع عملو العملية ونجحت 💜! "
عبدو : ما عارف اشكرك كيف والله ي ابرار.. بالجد بالجد شكرا ليك شديد.. أبرار : كويس انت زاتك طلعت بتعرف تقول شكرا 😂.. عبدو : اتعلمت منك 😂.." فجأة تلفون أبرار ضرب واتكلم معاها زميل ابوها في الشغل وقال ليها" : السلام عليكم.. أبرار : وعليكم السلام.. الراجل : دا تلفون جمال عوض؟.. أبرار : ااي انا بتو وتلفونو معاي لانو حاصلة معانا ظروف.. الراجل : المهم ي بتي وري ابوك انو الموقع الكنا شغالين فيهو حصلت فيهو مشكلة بسبب المعماري والمبنى اتهدم وأغلب البنايين اتوفوا ربنا يرحمهم بس الحمد لله يا بتي انو انا وابوك ما مشينا الليلة والا كنا حنكون تحت التراب حسي .. "أبرار ما قدرت تصدق السمعتو وقفلت الخط وورت عبدو الحصل".. عبدو : مش قلت ليك ااي شي ل خير.. أبرار : والخير التاني انو نحن اتلاقينا وقدرت احافظ على روح طفلة صغيرة.. عبدو : سبحان الله بالجد
"بعد مرور كم شهر.. في بيت ريان.. سلمى كانت عايزة تخش غرفتها وقبل ما تفتح الباب سمعت خالد وهو بتكلم وكان واضح انو بتكلم مع وحدة لحدي ما سمعتو بقول منى!.. فتحت الباب وبدون ما تعاتبو بدت الملك في ملابسها"
خالد : سلمى انتي قاعدة تعملي في شنو؟؟.. سلمى والله انتي فاهمة الموضوع غلط.. سلمى : لقيت راجلي بتكلم مع حبيبتو القديمة.. مفروض افهم شنو هاا؟؟؟؟.." خالد مسك منها الهدوم وختاها وقعدها في السرير ومسك يدها وقال ليها ".. خالد : انتي غبية يا بتي؟.. يعني حسي انتي فاكرة اني لسسة بحبها؟.. "سلمى بدت تبكي وقالت ليهو" : ااي لانو دا الشفتو بعيوني.. خالد : اها وريني شفتي شنو.. سلمى : شفت بتتكلم معاها بالتلفون.. خالد : وسمعتيني كنت بقول ليها شنو ولا سمعتي اسمها بس.. سلمى : اسمها بس.. خالد : خلاص طيب ما تتسرعي ساي ي سلمى.. سلمى : اها يعني كنت بتقول ليها شنو.. خالد : انتي عارفة انو منى متزوجة مش.. سلمى : ااي متزكرة يوم عرسها.. خالد : المهم هي ليها كم يوم بتحاول تصل لي وتتصل علي وانا ما مديها وش لحدي ما زهجت منها وقلت اوقفها في حدها ووريتها اني بحب مرتي اكتر من ااي شي تاني وأنها وحدة رخيصة لأنها ما خاتة ااي اعتبار ل راجلها وبتحاول تتكلم معاي.. سلمى : وهي عايزة منك شنو الزفتة دي؟!!!!!.. خالد : قعدت تقول لي انها عرست بس عشان تغيطني وبتاع وهي ما قادرة تستحمل عيشتها مع زول ما بتحبو وكدا.. سلمى : ما تكون حنيت عليها بس!.. خالد : لالا طبعا 😂.. انا ما عارف زاتو كيف كنت بحب وحدة رخيصة زي دي.. سلمى : المهم احظر رقمها دا حسي قدامي.. خالد : حاااضر 😂
