"في بيت نجود"
نجلاء(الأم) : ي بنات انا ما ولدتكم وكبرتكم وعرست ليكم عشان ترجعو تعيشو معاي تاني وتخلوا بيوت رجالكم.. نسرين : لو اتضايقتي مني حسي بطلع من البيت وبقعد مع صحبتي اصلا هي الاقترحت علي كدا لانو راجلها سافر وبيت أهلها ضيق فاا قاعدة هي وأولادها الصغار.. نجلاء : اسمعي هنا ي بت ما تعيدي لي سيرة صحبتك دي تاني سامعة ولا ما سامعة.. نسرين : طيب ي أمي.. نجلاء : وانتي ي نمارق يعني ما حاولتي ترجعي ل راجلك وتفهمي الحاصل شنو بدل التلفون الماسكاهو أربعة وعشرين ساعة دا.. انتي ما تبتي ي بت؟.. نمارق : أنا ما قصرت معاهو في شي ي أمي وبعد الكلمة القالها لي في التلفون دي ما حأشتغل بيهو نهائي لحدي ما يجي ويعتزر ويرجعني براهو.. نجلاء : دا شنو الكلام دا ي بتي.. طيب وأولادك لا بتسألي عنهم لا غيرو.. نمارق : مش ابوهم عامل نفسو ملاك وما بغلط يلا بس خليهو يشيل المسؤولية براهو وانا ما علي بيهو.. نجلاء : اعقلي ي بت وامشي اتفاهمي مع راجلك لانو ما عندك قعدة طويلة في البيت دا ولازم تحلي مصيبتك دي.. نمارق : ان شاء الله ي أمي ان شاء الله "أم وائل اتصلت على نمارق"
نمارق : ااي ي خالتي.. حجة نفيسة : انت وين ي نمارق وحصل شنو بينك وبين وائل عشان يعمل كدا ويعرس.. نمارق : يعرس؟؟؟؟؟.. وائل متين عرس ي خالتي.. حجة نفيسة : أجي ي بتي يشهد الله لمن جاني وقال عايز يعرس قلت ليهو لالا بس هو كان مصر وانا سألتو لو انتي عارفة وقال لي ااي عارفة.. نمارق : معليش يا خالتي برجع ليك بعدين
نجلاء : يعني كنتي متوقعة شنو.. ما اكيد حيعرس فيك ي بهيمة.. نمارق : بعرف كيف اوريك ي وائل.. اصبر لي بس
"في بيت وائل راجل نمارق"
هدى : ي وائل عايزاك في موضوع.. وائل : اها قولي.. هدى : أنا حاسة انو تصرفات ولدك أحمد غريبة الايام دي.. وائل : أحمد؟.. ليه مالو عمل شنو؟.. هدى : لا بياكل لا بشرب في البيت وأغلب الوقت في الشارع وحتى لمن سألت شهد قالت لي بقى ما قاعد يتكلم معاها نهائي بس يجي ينوم ويطلع ولمن الاقيهو بزح وشو من قدامي وبقول السلام وبطلع طوالي.. وائل : المشكلة انو انا بحكم شغلي ما قادر أفضى للأولاد كويس وما عندي خلفية عن الحاصل في حياتهم بس ان شاء الله بكرة بشوفو وبفهم منو الحاصل حسي بكون نام
هدى : طيب ان شاء الله
"في اليوم التاني.. جا وقت الفطور وأحمد ما نزل"
وائل : ي شهودة امشي نادي اخوك للفطور.. شهد : كلمتو ي بابا بس قال لي ما جعان ما عايز يفطر حسي.. هدى : كدي انا حأمشي اشوفو.. وائل : لالا خليك انا بطلع ليهو
"وائل فتح باب غرفة أحمد بدون ما يدق الباب وأول ما أحمد شاف ابوهو اتوتر وارتبك "
وائل : مالك مصدوم كدا شفت شبح؟.. أحمد : لالا بس ي ابوي مفروض تدق الباب قبل ما تدخل عشان كدا اتخلعت.. وائل : دي شنو الريحة دي.. دسيت شنو وراك لمن دخلت ي أحمد.. أحمد : هاا؟.. لالا ماف شي ماف شي.. وائل : وريني ماسك شنو في يدك.." أحمد مد يدو " : يهندا ي ابوي ماف شي.. وائل : واليد التانية ي أحمد.. داسي شنو ي ولد؟؟؟ " وائل مشى وفتش أحمد لحدي ما اتصدم باللقاهو".. وائل وهو بكورك : بنقو؟؟؟؟؟؟؟؟.. بنقو ي أحمد؟؟؟؟!!!!!.. " وائل بقى بكورك وبضرب في أحمد لحدي ما هدى وشهد سمعو الصوت وطلعو يشوفو الحاصل.. هدى حجزت أحمد من وائل وأحمد حضن هدى وبقى ببكي"
هدى : لالا ي وائل ما كدا الضرب ما حل يا وائل.. وائل : أنا تعبان وشغال السنة كلها عشان القى ولدي العمرو 15 سنة بس بشرب بنقو ي هدى؟؟؟.. أحمد وهو ببكي : أنا ماف زول شغال بي في البيت دا.. انا ما عارف ليه أمي ولدتني لو ما عايزة تربيني وتهتم بي.." فجأة زح من هدى وقال" : زمان كنت بحس بشوية أمان لمن اشوف وش أمي بس حسي حتى أمي مشت وخلتني وانت جبت بدلها مرا غريبة في البيت وسلبت مني شوية الأمان الكنت عايش بيهو.. اقتلوني لو ما عايزيني في حياتكم بس ما تخلوني عايش وانا مقتول.. " ومشى دخل الحمام وقفل نفسو".. وائل قعد في السرير والعبرة خانقاهو " : أنا غلطان.. انا ما ابو كويس.. انا كيف اخلي ولدي يصل المرحلة دي كيف؟؟؟.. شهد : م تقول كدا ي بابا 😭.. هدى : اهدي اهدي ي شهد وامشي غرفتك حسي.. وائل روق شوية.. كويس انك عرفت الحاصل قبل ما تفقد ولدك كلو كلو.. وكلو بتصلح بإذن الله.." وائل وقفتجمب باب الحمام وبقى بتكلم مع احمد" : أحمد.. انا غلطان وبعتزر ي أحمد وبوعدك انو ااي شي حيتصلح انت بس افتح الباب.. أحمد : عشان تضربني تاني مش؟.. وائل : والله ما حأمد يدي عليك بس انت افتح الباب..
" جرس الباب دق وشهد نزلت وفتحت الباب"
شهد : ماما!.. نمارق : شهد حبيبتي ابوك ومرتو وين.." شهد حكت ل امها الحصل كلو ونمارق بقت بتبكي وطلعت ل غرفة أحمد".. يتبع
