الدكتور نادى مجاهد وقال ليهو : نسرين ولدت ولد بس طلع عندو متلازمة داون يعني منقولي وعايزك تفهم مرتك براحة.. مجاهد وهو بكورك : منقولي كيف يعني منقولي؟؟؟؟.. الدكتور : انت في مستشفى ي مجاهد ما تكورك كدا وبعدين دي حكمة ربنا وانت ما مفروض تعترض عليها.. "مجاهد طلع من المستشفى وبقى بتكلم مع نفسو" : لالا دا مستحيل يكون ولدي انا.. انا كنت عارف انو في شي غلط في الموضوع.. مستحيل يكون ولدي مستحيل
"الدكتور ورا نسرين موضوع ولدها ونسرين قعدت تبكي وقالت عايزة تشوفو وبعد جابوهو ليها باستو وحضنتو وقالت" : الحمد لله الحمد لله لا إعتراض على حكمك يا الله الحمد لله.. وين مجاهد يا دكتور.. دكتور : بعد وريتو الكلام دا هاج وطلع من المستشفي.. تحبي اتكلم معاهو؟.. نسرين : لالا شكرا ي دكتور خليهو بجي حسي براهو
" حامد اخو نسرين جاب امو وجا ولقى مجاهد واقف برا "
حامد : الف مبروك ي مجاهد طلع ولد ولا بت وبعدين مالك واقف برا كدا؟؟.. مجاهد :طلع ولد منقولي ي حامد.. انا كنت متأكد انو اختك دي ما كانت حامل بولدي انا " حامد ضرب مجاهد ضرب شديد وخنقو وقال ليهو" : صدقني لو عدت كلامك دا تاني نسرين ما حتعتب باب بيتك دا لو نططت وورقتها تصلها في بيتنا فاهم ولا لا.. نجلاء : فكو ي حامد فكو خلاص "جو رجال وفكو حامد من مجاهد".. مجاهد : أنا بعتزر ي حامد دا تأثير الصدمة بس.. حامد : خت عقلك في رأسك احسن ليك.. مجاهد : حاضر حاضر
" مرت الشهور ونسرين رجعت بيتها مع مجاهد"
"نسرين كانت في المطبخ بتجهز في تحلية ومازن اخو مجاهد دخل يشرب موية وقال ليها" مازن : بتعملي في شنو .. نسرين : بعمل في تحلية.. مازن : لالا خليها حسي احسن نعملها بعدين " وفي اللحظة ديك مجاهد جا خاشي".. مجاهد : مالك اتأخرت وما جبت لي معاي موية.. مازن : ماف شي بس كنت بتكلم مع نسرين
" نسرين مشت غرفتها بعد سمعت مازن الصغير ببكي ومجاهد جا وراها".. مجاهد : مازن كان بقول ليك شنو في المطبخ.. نسرين : ماف شي مهم بس قال عايز التحلية بعدين يعني.. مجاهد : لمن قال ليك لالا خليها حسي احسن نعملها بعدين كان قاصد شنو.. نسرين : ما حسي قلت ليك ي مجاهد كان قاصد التحلية.. مجاهد وهو بكورك : التحلية ولا حاجة تانية ي نسرين.. نسرين : حاجة تانية كيف يعني؟؟ " وبعد نسرين عرفت قصدو مدت يدها عشان تديهو كف بس قام مسك يدها ولواها ولزاها في الأرض"
مجاهد : من يوم سميتي ولدك دا مازن وانا شكيت فيك يا فاجرة.. تخونيني مع اخوي؟؟ " ونزل وكفت نسرين وبقى يقول يا فاجرة يا فاجرة لحدي ما لزتو" نسرين وهي بتبكي وتكورك : انت مريض يا مجاهد مريض!!!!.. انت براك عارف انو اخوك أصر اسمي ولدي مازن وانت براك وافقت وبالعكس انا ما كنت موافقة عشان كنت عايزة اسميهو على ابوي.. طلقني ي مجاهد طلقني!!!! " مجاهد مسك رأس نسرين وبقى بهز فيها و بكورك و بقول " : انتي حقتي انا بس فاهمة ولا ما فاهمة.. نسرين : أنا كنت حقتك.. " مجاهد هاج تاني وبقى بضرب في نسرين وهي بقت بتكورك لحدي ما جا مازن ومسكو"..
" نسرين لمت حاجاتها وشالت ولدها ومشت بيتها"
نجلاء : دا شنو ي بت دا منو العمل فيك كدا؟؟؟.." حامد سمع كوراك امو ولمن جا وشاف منظر اختو هاج شديد وقال" : والله اقتلو والله اقتلو.. " بس نسرين مسكتو وقالت ليهو احسن يوديها المحكمة حسي وترفع قضية طلاق "
" جا يوم المحكمة وأول ما مجاهد شاف نسرين مشى وقال ليها" : انا آسف ي نسرين.. عليك الله ما تعملي فيني كدا والله ما أعيدها والله ما أرفع يدي عليك تاني.. حامد : امشي من وشنا احسن
" نسرين اتطلقت من مجاهد اخيرا ولمن جات طالعة وقفت وقالت ليهو " : أنا كنت بالجد بحبك ي مجاهد بس بعد ما غيرتك علي زادت وبقت مرض انا كرهتك بالجد ولو عايز نصيحتي احسن تمشي تشوف دكتور نفسي وتتعالج
وقفة
ااي شي بزيد عن حبو بتقلب ضدو.. حتى المشاعر زي الحب والغيرة.. الحب لو زاد عن حدو ل درجة تحب غيرك اكتر من نفسك هنا حتضر نفسك وشوية وشوية حتخسر نفسك وحتخش في متاهة ما ليها نهاية.. لأنك حتلقى نفسك already بتفضل الطرف تاني على نفسك في حاجات كتييييرة وبتتنازل كتيييير.. وكل ما تتنازل انت حتكره نفسك زيادة.. عشان كدا حبو واعشقو و ااي حاجة بس في حدود.. والغيرة لو زادت عن حدها ما حتبقى غيرة بل حتبقى نوع من انواع التملك والتحكم و حتضر الطرف التاني وكل ما تزيد الطرف التاني حيبدا يكرهنا لحدي ما يحصل مرحلة وما يقدر يستحملنا وينهي البيناتنا.. ولازم نفهم انو في غيرة طبيعية وفي غيرة مرضية ودي لازم الزول يتعالج منها قبل ما يفقد المعاهو.. يتبع
