مؤيد : طبعا نحن عشان ما بنعرف بعض حتكوني خايفة مني وخاصة اني اخو حسام لانو نحن الاتنين عارفين كيف اخوي صعب مع مرتو وكيف حرمها من حاجات كتيرة وفرض عليها حاجات كتيرة بس اطمني ي نجود.. انا ما زي اخوي أبدا وبالعكس انا تفكيري عكس اخوي تماماً و انا كم مرة اتكلمت معاهو في تصرفاتو البعملها مع اختك دي بس ما بسمعني وبقول لي ما تتدخل وبديني كلمتين حارات ويمشي.. فااا ما عايزك تخافي مني نهائي وانا حأبقى ليك ابو واخو و صاحب قبل ما اكون راجلك
" نجود ما صدقت السمعتو وما قدرت تحبس دموعها".. مؤيد : ما تبكي ي نجود.. نجود : دي دموع فرح والله.. "مؤيد مسح ليها دموعها وباسها في راسها" : وبالنسبة لموضوع الجامعة انا عرفت انك كنتي عايزة تقري هندسة بس أهلك منعوك.. يلا انا ما عندي ااي مشكلة وطوالي بخليك تحولي المجال العايزاهو.. نجود : ااي انا كنت عايزة الهندسة بس أهدافي وأحلامي اتغيرت وعايزة ابقى دكتورة وارفع رأس أمي.. مؤيد : وانا معاك للنهاية وحأمشي معاك خطوة خطوة لحدي ما تصلي وتحققي أحلامك كلها..وخليك عارفة انو انا لو علي بكرة دي بوديك الجامعة بس بحكم نحن في شهر العسل وانتي عروس والناس حتكون مركزة معاك احسن تنزلي جامعة بعد اسبوعين.. نجود : طيب ان شاء الله.. شكرا ليك كتير ي مؤيد.. مؤيد : على شنو ي نجود.. نجود : عليك انت.. مؤيد : العفو.. انتي مرتي وواجب علي أسعدك
وقفة
"فصبرا جميلاً والله المستعان على ما تصفون"
الصبر مفتاح الفرج.. والقدر دايماً بفاجئنا بأحداث ما كنا متوقعنها ابدا.. وبدل نهرب من واقعنا ونزعل ونقسي علي نفسنا ونغلط في لحظة غضب احسن ندعي.. نصبر.. ونرضى بالمكتوب.. ونتقبل واقعنا بكل محاسنو وعيوبو.. نحمد ربنا على كل النعم والمحاسن.. وفي المقابل نرضى بكل العيوب والمساوي الفيهو.. وأهم شي نثق في ربنا ثقة تااامة ونسلمو كل أمورنا ونتوكل.. وبدل ما نقول : ليه يا ربنا.. نقول : الحمد لله ونشكر ربنا على كل شيء فالحمد لله دائما وأبداً.. لو زعلنا نرجع ل ربنا.. لو غلطنا نرجع ل ربنا.. لو فرحنا نرجع ل ربنا.. دائما نرجع ل ربنا في كل الحالات لانه أقرب إلينا من حبل الوريد وهو الوحيد العارف ااي شي بخصك وعارف ااي شي بتحس بيهو جواك والعجزت تشرحو للناس 💜
" بعد مرور اسبوعين نجود نزلت الجامعة"
وحدة من البنات : دا منو المز الوصلك للجامعة دا ي نجود🤩.. نجود : دا راجلي ومعليش يعني بس احترمي نفسك شوية
البت : متأسفة يختي ما كنت عارفاهو راجلك بس الود بالجد قرضضض🤩.. نجود : ما ناوية تحترمي نفسك؟.. البت : خلاص خلاص سكت
" بعد المحاضرات انتهت نجود ضربت ل مؤيد وبعد جاها كانت صارة وشها وقالت ليهو".. : ارح سوق سريع.. مؤيد : مالك زهجانة كدا في شنو.. نجود : حسي خلينا نتحرك من هنا.. مؤيد : في ولد ضايقك ولا حاجة؟؟؟؟.. نجود : لالا ي مؤيد بس خلينا نتحرك عليك الله.. مؤيد : طيب طيب
نجود : تاني ما توصلني الجامعة بمشي براي.. مؤيد : تمشي براك وانا قاعد؟.. لا معليش ي ستي ما حيحصل وليه قلتي كدا الحصل شنو يعني ؟.. نجود : في بت علقت عليك وانا ما عايزة الموقف دا يتكرر تاني.. مؤيد : علقت قالت شنو يعني.. راجلك شين ولا حاجة 😂؟.. نجود : شين؟؟؟؟.. لا ما قالت شين ي مؤيد.. مؤيد : اها قالت شنو 😉.. نجود : ما قالت شي بس عليك الله تاني بجي براي زي زمان.. مؤيد : زمان ما زي حسي.. حسي انتي مسؤوليتي ي نجود.. كدي وريني قالت شنو البت خلتك زهجانة كدا.. نجود : قالت مز وقرض.. اها ارتحت؟.. مؤيد : ي سسسسلااام.. كدي عرفيني على صحبتك دي عشان ترفع لي معنوياتي كدا كل يوم.. نجود : وقف العربية دي عايزة انزل.. مؤيد : خلاص خلاص اهدي 😂.. نجود : لو عدت كلامك دا تاني محيحصل خير.. مؤيد : غرتي انتي مش 😉.. نجود : لا م غرت.. بس انت راجلي انا وما عايزة بت تانية تعلق عليك تعليق زي دا.. مؤيد : انتي الغلطانة على فكرة.. نجود : كيف؟؟؟.. مؤيد : في زول قال ليك عرسي راجل سمح 😂؟!!.. نجود : م تتهابل 😂.. مؤيد : ايوة كدا اضحكي فرفشي ياخ الدنيا حلوة😂.. نجود : على فكرة انا لسسة مصرة على كلامي القبيل 🙂.. مؤيد : خلاص ي ستي رأيك شنو اتنقب 😂؟.. نجود : ياريت ياخ 😂
" بعد مؤيد و نجود وصلوا نهى فتحت ليهم الباب"
مؤيد : السلام عليكم.. نهى : وعليكم السلام.. نجود : يلا انتي خشي وانا راجع العيادة حسي وبرجع بعد المغرب.. نجود : طيب خلي بالك من نفسك.. مؤيد : وانتي كمان يلا مع السلامة
"نهى سلمت على نجود بطرف يدها وقالت ليها" : انتي أكيد كاتبة مؤيد دا.. نجود : قل أعود برب الفلق مالك ي نهى في شنو.. نهى : سلامتك ي اختي
" نهى كانت محرووووقة من الحاصل وانو نجود رجعت نزلت الجامعة.. طلعت بيتها وقفلت عليها باب الغرفة وبقت بتبكي بس.. عمر وعمرو فتحو الباب ودخلو ". عمر : مالك بتبكي ي ماما؟؟.. نهى : لالا ماف شي ما قاعدة ابكي.. عمرو : والله ما اوسخ هدومي تاني بالتراب بس ما تبكي ي ماما
" بعد حسام جا عمر مشى وقال ل ابوها انو أمو بتبكي".. حسام : تبكي؟؟.. عمر : ااي ي بابا.." حسام مشى غرفتو وقال للأولاد يمشوا يحضرو التلفزيون
حسام : في شنو ي نهى المات منو؟.. نهى : أنا المت انا.. حسام : بطلي دارما واتكلمي.. نهى : عايزة ارجع اقرا تاني ي حسام.. حسام : الموضوع دا مش انتهينا منو زمان؟؟ ماف داعي يتفتح تاني عشان ما نتزاعل.. وبعدين انا مقصر معاك في شي؟.. نهى : أنا المقصرة في حق نفسي.. يتبع
