عبدو : ابوك ما علمك كيف تحترمي الكبار ولا شنو..او شكلو متبري منك بسبب قلة ادبك دي.. "ريان من شدة الزعل اتجمدت في مكانها وم عرفت ترد زاتو اما أبرار مشت وقفت قدام عبودي وقالت ليهو" : امشي عيد تالت واقرا كتاب الإسلامية تاني واقرا حديث الرسول لمن قال لا تذكروا موتاكم إلا بخير.. انت م عندك ااي حق انك تتكلم في زول ما بتعرفو و صدقني لو ما كنت أكبر مني كنت ضربت كف عشان تعرف الله كم .. "عبدو خنقتو العبرة وبقى بتمتم وبقول : أنا م كنت عارف لكن انا اسف انا م قصدي انا بعتزر والله 💔.. أبرار : إعتزارك د بلو واشرب مويتو.. ارح ي ريان " ومسكت ريان من يدها ومشوا.. دخلوا اول محاضرة وريان كانت سرحانة الوقت كلو لحدي ما خلصت المحاضرة ومشو قعدو في حتة هادية وريان م قدرت تكتم البكية اكتر وابرار بقت تحاول تهدي فيها!!".. أبرار : خلاص ي ريان م تبكي.. كدا انتي بتعذبي في نفسك وفي ابوك الله يرحمو.. استغفري ربك واهدي واستهدي بالله ي ريان.." بعد مسافة ريان هدت شوية".. ريان : م قادرة انسى الحصل ي ابرار ما قادرة!!.. م عارفة متين ح اقدر اتخلص من احساس الذنب والندم ي ابرار!!.. تفتكري ابوي حيكون لسسة زعلان مني؟؟.. عفى عني ولا لا؟؟..
.
.
.
قبل تلاتة سنين ابو ريان هجرهم و عرس مرا تانية وسافر معاها أمريكا وطلق امهم ودا كلو حصل فجأة وماف زول كان فاهم حاجة وحياتهم اتكركبت فوق تحت.. ريان كرهت ابوها من اليوم داك و كل سنة بتتزكر تاريخ اليوم دا وبتبكي اليوم كلو..
وفي يوم من الايام قبل ستة شهور الابو ضرب ف تلفون امهم لأول مرة من بعد سنتين ونص!!.. قال عايز يتكلم مع ريان وخالد "خالد اخو ريان الكبير والوحيد".. خالد رفض يتكلم بس ريان قبلت تتكلم بعد تحانيس من الابو..
ريان : الو.. صلاح : ريان بتي كيفك!.. ريان : بتي؟؟.. يادوب اتزكرت انو عندك بت؟؟!!.. صلاح : ي بتي ماف داعي للكلام دا حسي انا عايز اتطمن عليكم بس.. ريان : كلنا كويسين وفي احسن حال بدونك والحمد لله رب العالمين..في شي تاني؟؟.. صلاح عصب وكورك وقال : احترمي نفسك ي بت واتكلمي كويس مع ابوك!!!!.. انا ما ناقص وعايز تعرفو انو مرتي اتوفت ب كورونا قبل تلاتة ايام وانا حاليا محجور لاني اتعاديت منها.. ريان : إن شاء الله تلحقها "وطق قفلت الخط.. كانت عارفة انو كل القالتو غلط وما مفروض تقول كدا بس الصدمة الدخلت فيها بسبب ابوها غيرت كل مشاعر الحب والاحترام الكانت تجاهو💔!!...وبعد اسبوع الأبو ضرب تاني وريان ردت عشان تعتزر.. صلاح ونفسو قايم وما قادر يتكلم كويس" ريان انا آسف واعفي لي ي بتي وخلي اخوك يعفي لي.. انا مودع الدنيا خلاص.. ريان وهي بتبكي واعصابها بايظة : ابوي اعفي لي انا كمان.. بعتزر ي ابوي بعتزر" بس فجأة سمعت صوت صفارة والدكتور شال التلفون وقال ليها : lam sorry your father is dead
ريان ما قدرت تسامح نفسها من اليوم داك وكل ما تتزكر لمن قالت" أن شاء الله تلحقها" بتقعد تبكي بس 💔
.
.
.
ابرار : هو ما دام اتصل عليك وقال ليك اعفي لي اكيد ما حيكون شايل في قلبو تجاهك ي ريان وفي النهاية انتي بتو من لحمو ودمو واكيد سامحك وعفى عنك.. ريان : يارب يكون عافي يارب.. أبرار : آمين يارب العالمين.. ارح عايزة آكل انا جعانة شديد ياخ.. ريان : نسيت انو بطنك أهم من ااي شي ارح ارح 😂.. أبرار : وبعلي خلاص بعد ضحكتي انا شبعت من جمال ضحكتك وما حأقدر آكل خلاص.. ريان : الكلام د على مين ي بت 😉.. صوت عصافير بطنك واصلني ع فكرة 😂.. ارح ارح.. أبرار : مادام مصرة كدا اكيد ما حكسفك يلا بينا.. ريان : اشي ع المصري يلا بينا يلا 😂.. يتبع
