"في الكافتريا وبعد أبرار وريان اشتروا فطورهم وقعدوا ياكلو"
ابرار : استغفر الله العظيم بس.. ريان : بسم الله مالك فجأة 😂.. أبرار : من المنظر الخلاب الوراك دا.. ريان : عارفاني ما حتلفت طبعا.. منظر شنو يعني.. أبرار : الود القبيح داك.. ريان : مالو يعني؟!.. أبرار : قاعدين معاهو تلاااتة بنات وما معاهو ولد تاني.. ريان : طيب وين المنظر الخلاب في الموضوع 😂.. أبرار : ي هناية نفسي افهم العاجبهم في القبيح د شنو + ظاهر عليهو بتاع بنات 😒.. ريان : محسساني عايزة تعرسيهو.. مالك مركزة مع الود د شديد كدا.. اكلي أكلك د عشان نتخارج بالله وما عليك بالناس.. أبرار : عان منو البتكلم 🤣.. نسيتي زمان لمن كنتي بتعلقي على الماشي والجاي.. ريان : براك قلتي زمان فااا د كان زمان ي بتي بس حاليا كبرنا وعقلنا خلاص 😌.. أبرار : عقبالي ان شاء الله.. ريان : كويس عارفة نفسك ماد 😂.. "نجود اتصلت على أبرار".. نجود : هاااي.. أبرار : ي هلا ي هلا.. نجود : كيفكم بدوني.. أبرار : والله فل الفل والحمد لله.. نجود : اخس عليك ي زفتة بدل تقولي مشتاقين ليك واليوم مسيخ بدونك!.. أبرار : الكلام د بتقولو ليك ريان الحناكة بس انا صريحة زي ما عارفة يعني.. نجود : ادي التلفون دا ل مامي حبيبتي ي جزمة انتي.. أبرار : هاك ي مامي بتك عايزاك 😂.. ريان : هلا نجود كيفك.. نجود : كويسة الحمد لله بس فاقداك والله وفاقدة الزفتة القاعدة جمبك دي "ريان عاينت ل أبرار وضحكت".. أبرار : هوي ي بنات بتقطعوا فيني وب تلفوني كمان!.. ريان : هس هس ي بت خليني اتكلم.. والله ي نجود اليوم بالجد ناقصك والقعدة بايخة بدونك.. أبرار : ما اصلا انا وجودي وعدمو واحد مش .. ريان : قلت ليك هس خليني اتكلم😂.. نجود : كنت متمنية من جوة قلبي اكون معاكم والله 😭.. "فجأة أبرار خطفت التلفون من ريان وقالت ل نجود" : نجود نجود فاتك فاتك.. نجود : في شنو ي زفتة وبالله رجعي التلفون ل ريان.. أبرار : كنتي حتموتي لو كنتي معانا.. نجود : ليه يعني في شنو.. أبرار : اب وجنااااات حسي جا وقعد قصادنا💃.. نجود : احلفي احلفي واي واي.. دقيقة بس.. اب وجنات ياتو بالضبط.. أبرار : بتاع السوق داك طلع معانا في نفس الجامعة 💃.. نجود : الله يلعن حظي الله يلعن حظي 😭.. أبرار : موتي يلا 💃.. نجود : بكرهك ي زفتة بكرهك يلا يلا باي ماشة على المحاضرة ولو لقيتي طريقة صوري لي أب وجنات د 😭.. أبرار : حاضر ح اصورو بس برضو ما حأوريك الصورة.. نجود : الله يلعن.. استغفر الله ما تخليني اسب ليك اقطعي وشك خلاص...
ريان : حرام عليك ياخ 😂.. أبرار : خليها تتأدب مامي دي 🤣.. ريان : بالجد اب وجنات وراي؟.. أبرار : هس م تسألي وما عليك بالناس..مش حسي قلتي كدا.. ريان : تفو عليك ياخ
"اليوم خلص وابرار وريان رجعوا بيوتهم.... ريان دقت الباب كم مرة بس ماف زول فتح ليها الباب.. ريان كانت عارفة محل مفتاح احتياطي جمب الباب وبعد لقتو فتحت الباب وما لقت زول في البيت.. بعد دخلت ضربت ل أمها".. ريان : الو امي انتو وين.. حنان : حنكون وين يعني ياهو زي كل مرة ي ريان.. ريان : في القسم يعني؟؟.. حنان : ااي ي بتي من عمايل اخوك السودا.. بنرجع بعد شوية م تخافي.. ريان : طيب تمام....
" بعد ام ريان رجعت البيت ومعاها خالد وخالها ساند خالد ورقدوا في سريرو وسلم على ريان ومرق منهم"
ريان : امي خالد دا متين حيخلي الشي البشربو دا!!.. حنان : امشي اساليهو هو بتسأليني انا ليه.. انا خلاص زهجت من حياتي دي الله ياخدني وارتاح.. ريان : معليش ي امي م تقولي كدا.. خالي علي هو الدفع الكفالة تاني؟؟.. حنان : ااي والله.. صح انو اخوي بس برضو خجلت من الحال دا والله.. ريان : الله كريم ي امي.. "حنان ملت جك موية ومشت كبتو في خالد.. بعد كبتو خالد صحصح وصنقر".. حنان : أنا عملت شنو في دنيتي عشان يكون عندي ولد زيك!!.. انت متين حتعقل وتخلي الهباب البتشربو دا؟؟.. خالد : قريب ي امي قريب ان شاء الله.. حنان : قريب دي حتجي متين وريني.. كل مرة بتقول كدا.. لو كررت الحصل دا انا حاخلي ليكم البيت دا.." حنان طلعت من غرفة خالد وريان دخلت وبقت بتعاين ليهو بس".. خالد : اها تعالي انتي كمان وهينيني زي أمك.. ريان : عارف اني م حأعمل كدا.. واصلا امي ما هانتك يا خالد انت براك بتهين في نفسك.. خالد : اطلعي واقفلي الباب دا بوراك عايز انوم.. ريان : طيب تمام تصبح على خير.. يتبع
