"بعد مرور ايام... نجود اتصلت على ريان" : ي مامي.. ريان : ي هلا ي هلا.. نجود : عندي ليكم سبرايز.. ريان : سبرايز مررة وحدة.. اها اها احكي.. أبرار : الشمار حرقني في شنو.. ريان : نجود قالت عاملة لينا سبرايز.. "أبرار قلعت التلفون من ريان واتكلمت مع نجود" : أكيد جايبة لي بيتزا ايطلي مش 💃.. نجود : همك في بطنك بس.. أدي التلفون دا ل ستو ي زفتة.. أبرار : اخص عليك خليتيني افرح على الفاضي..هاك هاك ي ريان.. ريان : اها قولي ي نجود في شنو.. نجود : أنا حاليا ماشة على جامعة السودان.. ريان : احلفي احلفي احلفي احلفي.. نجود : والله وقربت اصل.. استقبلوني استقبال سمح تمام؟.. ريان : نجيب ليك السجاد الأحمر عديل.. أبرار : هوي ي حناكة ما تتحمسي شديد.. نجود جاية ولا شنو؟.. ريان : اايييي.. أبرار : قولي ليها عادي يعني اصلا عاملة لينا وجع وش وبنشوفك كل يوم ماف جديد.. نجود : قولي للزفتة دي انا سامعاك.. ريان : قالت ليك انا سامعاك ي ابرار 😂.. "أبرار خطفت التلفون تاني واتكلمت مع نجود" : هيي عارفاني بهظر + حتنورينا والله انتي وين حسي.. نجود : اصلا حأنور الجامعة كلها + قربت قربت.. أبرار : انتي متأكدة انك جاية عشان تشوفينا نحن ولا عشان تشوفي هناي داك.. نجود : دا سؤال ليك ي بت؟.. اكيد عشان اشوف هناي داك.. أبرار : عان الكلللللبة 😂.. نجود : هوي م تنبذي مرة زميلك 🙈.. أبرار : هيي م تصدقي روحك.. واصلا لا انتي مرتو لا هو زميلي.. نجود : هس هس يلا انا وصلت.. أبرار : نحن في الكافتريا حسي بنجي عليك.. نجود : كنت متأكدة انكم حتكونو هناك 😂.. خليكم خليكم انا جاية عليكم.. أبرار : عايني عايني.. نجود : في شنو اها.. أبرار : لو هناي دا لاقاك قبل ما تلاقينا معناها في أمل ليكم.. نجود : اصلا حألاقيهو انا متأكدة 😌.. أبرار : نشوف 😂.. يلا منتظرنك.. نجود : طيب تمام 😂..
"نجود كانت شايلة شيتات في يدها وأول ما دخلت كانت ماشة سريع وبتعاين في تلفونها عشان ترد على كول من اخوها وفجأة اتطقشت مع ولد وشيتاتها وتلفونها وقعوا منها"
أمجد : أنا آسف ما كنت قاصد.. سرحت فجأة 😂.. "نجود هبطت عديل بعد شافت وجنتو بس ما أدت ااي تعابير في وشها واتماسكت بالقوة.. أمجد دنقر ورفع تلفونها وشيتاتها وشيتاتو"
أمجد : اتفضلي ومعليش تاني.. نجود : ماف مشكلة.. ممكن توريني الكافتريا وين.." أمجد وصف ليها ونجود مشت ولاقت أبرار وريان وقبل ما تسلم عليهم قالت " : بنات م حتصدقوا الحصل ما حتصدقوا الحصل.. واي واي انا زاتي ما قادرة أصدق.. ريان : مش مفروض تسلمي علينا اول ي بتي حتى تحكي لينا شماراتك الما بتخلص دي 😂.. أبرار : ما تقولي لي لاقيتي هناي داك.. نجود : م متأكدة لو دا هو الانتي قاصداهو بس ااي لاقيت واحد عندو غمازات درعة.. ريان : بسم الله هناي دا منو وأب غمازات دا منو.. بقت في أسرار بيناتكم وانا لا أدري ولا شنو.. أبرار : أسرار شنو ي بت انا قصدي ود السوق داك 😂.. ريان : اممم اها وانتي ي نجود الحصل شنو معاك؟.. "نجود حكت ليهم وفجأة أمجد دخل الكافتريا ونجود شافتو وقالت" : بنات يهندا الولد دخل حسي.. ريان : هوي ما حقدر أقبل واشوفو.. وانتي ي ابرار اوعك ثم اوعك تقبلي وتجيبي لينا الهوا.. أبرار : واي ياخ.. خلاص عشانك بس حأسمع الكلام.. ريان : شاطرة 😂.. نجود وهي مبتسمة وبتتكلم مع البنات : الود جاي علينا ي بنات.. واي بالجد جاي علينا 🙂.. أبرار : بكون اشتاق ليك 😂.. ريان : أو عايز يشيل رقمك 😉.... أمجد : السلام عليكم.. التلاتة بنات : وعليكم السلام.. أمجد : معليش بس حصلت لخبطة في الشيتات.. نجود : اهاا ما لاحظت والله معليش.. أمجد : عادي عادي.. هاك ديل حقنك.. "نجود فتشت حقنو وأدتهم ليهو".. أمجد : تسلمي.. نجود : الله يسلمك.. "أمجد عاين ل ريان وقال ليها" : أنا بعتزر ليك بالنيابة عن عبودي.. ريان : عبودي منو وبتعتزر ليه؟.. أمجد : الموقف الحصل في أول يوم ليك.. ريان : اهاا ماف مشكلة.. أبرار : كيف يعني ماف مشكلة.. عاين ي اخو صحبك مفروض يجي و يعتزر براهو.. أمجد : عبودي اعتزر بس انتو م قبلتو إعتزارو مع انو عبدو مستحيل يعتزر ل زول وبعد دا كلو اعتزر.. أبرار : عاين قصة انو مستحيل يعتزر من زول دي ما مشكلتنا و مش نحن ما قبلنا إعتزارو عادي يعني كان ممكن يعتزر تاني وتالت لحدي ما نسامحو.. أمجد : حصل خير المهم ما تزعلوا منو بس.. ريان : حصل خير.. أبرار : م حصل خي.. ريان : خلاص ي ابرار نقفل الموضوع.. أبرار : طيب تمام.. "ل سوء الحظ عبدو كان قاعد في الكافتريا الوقت داك وسمع الحوار الحصل كلو وقام ووقف أمجد بعد ما كان طالع وسلم عليهو ومشى اتكلم مع البنات".. عبدو : عايزاني اعتزر مرتين وتلاتة على غلط انا ما قاصدو؟.. أبرار : اصلا اغلب الاغلاط ما بتكون مقصودة ودا ما مبرر ليك عشان ما تعتزر تاني.. عبدو : زي ما قال ليكم أمجد انا ما قاعد اعتزر من زول مهما يكون بس ما عارف كيف قدرت اعتزر منكم.. أبرار : واو.. ليه انت منو عشان ما تعتزر.. عبدو : أنا عبد الرحمن هيثم.. أبرار : وبعداك؟.. مش مخلوق من طين زينا ولا كيف.. يتبع
