"بعد مرور خمسة شهور"
"نجود اتصلت على ريان وأبرار وعزمتهم غداء في بيتها.. وبعد وصلوا سلموا على نسيبتها وقعدو معاها شوية وتاني طلعو فوق ل بيت نجود"
ابرار : ما شاء الله ما شاء الله بيت الهنا والسرور..ريان :ما شاء الله بالجد.. نجود : الله ما ضراكم.. أبرار : مالك صارة وشك دا كدا.. البيت ما عاجبك ولا شنو؟.. نجود : عاجبني ااي بس.. ريان : بس شنو؟.. نجود : نفسي نعيش برانا انا ومؤيد.. أبرار : نسيبتك قاعدة تجي تنوم معاكم هنا ولا شنو😂؟.. ريان : ليه بتقولي كدا ي نجود.. نجود : لالا طبعا ي ابرار.. بس انا شايفة انو احسن لو عشنا في بيت برانا.. أبرار : نسيبتك ما بتعاملك كويس؟.. نجود : بالعكس هي زي امي التانية.. ريان : وطيب دا شنو البتقولي فيهو دا.. نجود : بس كدا انا نفسي نعيش في بيت برانا.. أبرار : بطلي حركات ناس المسلسلات دي.. ريان : نجود خليك زولة عاقلة وما تعملي حاجات تندمي عليها بعدين.. نجود : طيب ان شاء الله.. أبرار : ارح وين غداك دا انا جعانة شديد.. ريان : خلي عندك شوية اتيكيت ياخ 😂.. نجود : تعالو ختوهو معاي يلا قومو 😂.. أبرار : اها ي ريان حسي منو المفروض يكون عندو اتيكيت فينا.. ريان : انتو الاتنين 😂
"بالليل في بيت نجود"
نجود : مؤيد عايزاك في موضوع قبل تنوم.. مؤيد : اها قولي.. نجود : ما عارفة أبدا ليك الموضوع من وين.. مؤيد : من ااي حتة المهم قولي اها 😂.. نجود : رأيك شنو نشتري بيت ونعيش برانا؟.. مؤيد : برانا؟.. وحسي مالنا ما برانا؟.. نجود : ما قصدي كدا.. قصدي نعيش في بيت تاني.. مؤيد : في زول ضايقك في البيت دا؟.. نجود : لالا ابدا بالعكس.. مؤيد : وطيب مالك؟.. نجود : بس كدا انا عايزة كدا وعايزة اعرف رأيك.. مؤيد : رأيي تقفلي الموضوع دا بس وما تعيديهو تاني.. نجود : كويس ي مؤيد " وطوالي نجود قفلت النور واتغطت ونامت"
" في اليوم التاني"
مؤيد : صباح الخير ي حبيبتي.. نجود وهي صارة : صباح النور.. مؤيد : مالك زهجانة كدا من الصباح؟.. نجود : ماف شي " وقامت عشان تخش الحمام بس مؤيد قام ووقف قدام الحمام".. مؤيد : لمن اتكلم معاك عايني لي في عيوني.. نجود : اها عاينت.. في شنو؟.. مؤيد : انتي الفي شنو ي نجود.. زعلانة مني ليه؟.. نجود : لا ما زعلانة وزح خليني البس سريع انا اتأخرت من الجامعة.. مؤيد : ما حأخليك تمشي قبل ما ترضي.. انتي زعلانة ليه قولي.. نجود : يعني ما متزكر الحصل امبارح؟.. مؤيد : امبارح؟.. حصل شنو م متزكر.. نجود : خلاص بطل استهبال وزح لي.. "مؤيد فكر مسافة واتزكر الموضوع حق بلليل".. مؤيد : اهااا انتي قصدك موضوع بالليل داك.. نجود : الحمد لله على السلامة.. مؤيد : نجود ماف شي بزعل في الموضوع.. انتي طلبتي رأيي وانا وريتو ليك بس.. نجود : انت قلت لي انك ما زي اخوك بس الشايفاهو انو ماف فرق بينك وبينو.. مؤيد : أنا ي نجود انا؟.. نجود : ااي انت " مؤيد طوالي زح ل نجود ولمن وصلها الجامعة طول الطريق ما اتكلم معاها"
"جا بالليل ومؤيد شال مخدتو وقال ل نجود"
مؤيد : مش عايزة تعيشي براك؟.. يلا نومي براك وكلامك القبيل داك ما حنساهو نهائي
"نجود بقت بتتقلب الليل كلو وما قادرة تنوم من تأنيب الضمير لحدي ما فكرت كويس في القالتو وفي الحصل ولقت نفسها غلطانة بالجد لانو مؤيد ابدا ما زي حسام وهو اكتر واحد وقف معاها.. فاا قامت ومشت ليهو في الصالة ولقتو راقد في الكنبة وقعدت قصادو في الأرض"
نجود : مؤيد يا مؤيد.. مؤيد اصحى.." وبعد شوية مؤيد صحى " مؤيد : في شنو مالك انتي كويسة؟؟.. نجود : أنا كويسة ااي ما تخاف.. مؤيد : ومالك مصحياني.. نجود : قوم نوم جوا.. مؤيد : ما عايز.. " نجود مسكت يدو وقالت ليهو ".. نجود : انا آسفة ي مؤيد والله خلاص ما حأعيد كلامي القلتو نهائي.. مؤيد : كلام البيت ولا كلام حسام.. نجود : الاتنين.. انا عرفت نفسي غلطانة وبعتزر ليك والله " مؤيد قام وقوم نجود من الأرض وحضنها وقال ليها" : مشكلتك حلوة شديد وانتي بريئة كدا ومشكلتي طيب وبسامح سريع 😂.. نجود : ودا الخلاني أحبك.. مؤيد : انك حلوة شديد؟.. نجود : ما تتهابل ياخ 😂
"في بيت نون"
حجة سعاد : ي محمد ليه لحدي حسي ما عايزين تعرفو نوع الجنين.. محمد : ماف سبب ي أمي.. حجة سعاد : عشان خايفين تطلع بت تاني مش؟.. محمد : انتي الخايفة ي أمي ما نحن.. نحن راضين بأي شي يكتبو ربنا.. حجة سعاد : يعني عاجباك اسم ابو البنات؟.. محمد : ااي عاجبني والحمد لله في ناس ما لاقين ضفر من بناتي.. حجة سعاد : امشي امشي شوف مرتك احسن.. " وفجأة نون بقت بتكورك شديد لحدي ما محمد وداها المستشفى والحمد لله ولدت"
الدكتورة : الف مبروك ي نون جاك ولد زي القمر.. نون : ولد؟. الحمد لله يارب.. "محمد جا خاشي ل نون".. محمد : الف مبروك ي نون اخيرا جانا ولد.. نون : الله يبارك فيك
" محمد ضرب وكلم حجة سعاد ".. حجة سعاد : ايوووووووي الف مبروك ي ولدي الف مبروك.. محمد : الله يبارك فيك ي أمي
"في نفس الوقت نسرين ولدت برضو".. يتبع
