نجود : عاينوا انا حأفتح الاسبيكر لانو سماعتي باظت وحسي عايزة اسرح شعري.. أبرار : اشي اشي من متين بتسرحي شعرك.. ريان : تطورات تطورات 😂.. نجود : ااي عايزة ابقى بت 💃.. أبرار : اشمعنا النهاردة 😉.. ريان : أبرار انا فاهماك عايزة تصلي ل شنو 😂.. المهم ي نجود دي خطوة كويسة شديد وادعي لينا ربنا يهدينا زيك كدا.. نجود :إن شاء الله 😂..كمان مجهزة لي ماسك ل بكرة.. ريان : عندكم عرس بكرة ولا شنو؟.. أبرار : لالا ما اظن عرس أكيد جايانا في الجامعة 😉.. نجود : مراات بتفهمي ي ابرار 😂.. ريان : ي سلام احلى من يزورنا والله.. نجود : الله يخليك بس معليش يعني انا ما ماشة عشان ازوركم انتو.. ريان : ي خسارة وين العشرة 😂..أبرار : بتقوليها عادي قدامنا كدا؟.. خلاص خلي أمجد ينفعك واوعك ثم اوعك تجي تسلمي علينا.. نجود : هيي روقوا روقوا ما تخافوا بجي أسلم عليكم و تاني امشي اشوف أمجد 🙈..
"نهى بعد سمعت الكلام دا مااا صدقت وطوالي لقتها فرصة ومشت كلمت امهم وزادت كلام من راسها كمان"
ابرار : اتحداك أمجد لحدي الآن ما عارف اسمك زاتو.. ريان : اتفق 😂.. نجود : هو انتو صدقتو اني حأشوفو.. دي احلام وردية ساي.. أمجد دا حلم وان شاء الله يتحقق "في اللحظة دي نجلاء سمعت آخر جملة وكوركت في نجود وقفلت الخط في وش ريان وابرار "
نجلاء : يا خسارة التربية.. يا خسارة!!!!.. وانا الكنت مؤملة إنك حتقري وتجتهدي وتبقي دكتورة وترفعي راسي بس للأسف طلعت بحلم سااااااي ونزلتي راسي في سابع أرض ي نجود
نجود وهي بتبكي : انتي فاهمة الموضوع غلط ي أمي.. والله ما عملت شي غلط والله.. نهى : لا يعني المفروض نستنى عشان تغلطي اكتر من كدا ولا كيف.. شفتي ي أمي مش قلت ليك فكري في موضوع العرس اها براك شفتي بتك وعرفتي حقيقتها.. نجود : عرس؟؟؟.. عرس منو؟؟؟؟.. نجلاء : عرسك انتي دي.. خلاص بعد الشفتو دا انتي ما تنفعي تمشي جامعة تاني وتلفونك دا تاني ما حتشوفيهو بعينك الا كان بعدين راجلك يجيب ليك واحد وصحباتك ريان وابرار ديل تقطعي علاقتك معاهم نهائي وطلعة من البيت دا مافي فاهمة الكلام دا ولا ما فاهمة " نهى انبسطت شديد و عايزة تطير من الفرحة..نجود قعدت جمب رجل امها وبقت بتحنس فيها".. : عليك الله ي امي لا.. ما عايزة اعرس ي أمي.. اعفي لي ي امي شيلي التلفون احرميني من ااي شي بس ما تعرسي لي ي أمي حلفتك بالله ي أمي.. نجلاء : عارفاني لمن اقرر قرار ما بتراجع عنو تاني.. يلا قومي من وشي قومي!!.. نجود وهي بتبكي : إن شاء الله تكوني فرحتي كدا ي نهى؟!!!. " ومشت وبقت بتبكي في غرفتها"... نهى : شايفة بتك ولسانها الطويل؟.. نجلاء : خلاص ي نهى راسي حينفجر اسكتي مني بس
" حسام اتصل على نهى عشان تطلع"
"في العربية"
نهى : اها ان شاء الله تكون كلمت اخوك.. حسام : ااي ااي وما حتصدقي الحصل .. نهى : اها الحصل شنو .. حسام : قال لي انو نجود عاجباهو من أول مرة شافها في عرسنا بس عشان صغيرة اتناسى الموضوع وانا اقنعتو انها ما صغيرة وانكم كلكم عرستو بدري وكدا قام فرح شديد ووافق.. نهى : مع انو ما عارفة العجبو شنو في ام شبرين دي بس المهم انو وافق.. حسام : على فكرة انا فاااهمك كوويس وعارف انك عايزة تعرسي لأختك بأي طريقة عشان ما قادرة تستحملي فكرة انها خشت الجامعة.. "نهى سكتت ساي وما ردت".. حسام : شايف لسانك الطويل بقى قصير الليلة.. نهى : اتكلم تسكتني ولمن اسكت تشغلها لي.. حسام : مستغرب بس..
"بعد وصلو البيت"
مؤيد : حسام عايزك دقيقة بس.. حسام :طيب.. نهى : مؤيد كيفك.. مؤيد : بخير الحمد لله وانتي.. نهى : تمااام الحمد لله.. حسام : مالك جريتيها كدا 😂.. نهى : فرحانة ما افرح يعني؟.. مؤيد : إن شاء الله دايما.. نهى : إن شاء الله
مؤيد : اسمعني انا كلمت أمي وانا ما بحب المواضيع الكتيرة فاا حنك خطوبة وكدا دا ما تبعي انا عايز أعقد طوالي الجمعة الجاية دي.. حسام : مستعجل شديد شايفك 😉.. خلاص الموضوع منتهي الف مبروك ي عريس.. مؤيد : الله يبارك فيك ي اخوي
"حسام ورى نهى الكلام دا.. وطوالي ضربت وكلمت امها"..يتبع
