"خالد مسك تلفونو واتصل" : الو منى كيفك.. منى : بخير الحمد لله وانت.. خالد : كويس الحمد لله.. اسمعيني.. منى : اها.. خالد : نحن لينا تلاتة سنين مع بعض وانا بالجد بحبك من اول يوم شفتك فيهو.. منى : وانا كمان ي خالد.. خالد : أنا خلاص قررت حأجي اخطبك في الأسبوع دا.. منى : كل مرة بتقول كدا وما بتجي 😒.. خالد : لالا المرة دي بالجد وبتشوفي.. منى : طيب ان شاء الله..
"في بيت أبرار"..
ابرار : ي أبوي.. جمال : ااي.. أبرار : طبعا انا حأتم ال 18 بعد كم يوم.. جمال : ااي عارف 😉.. أبرار : يعني متزكر وعدك لي😉.. جمال : ياتو وعد دا م متزكر شي .. أبرار : مش قلت حتجيب لي عربية اول ما اتم ال18 💃.. سمية : عشان تقتلي بيها باقي اخواتك مش؟.. "أبرار بدت تبكي وطوالي مشت قفلت عليها الباب".. جمال : دا الشنو الكلام القلتيهو دا ي سمية؟!!!!!.. الموضوع دا اتقفل وانتهى زمان وماف ااي داعي للقلتيهو دا.. سمية : دي الحقيقة ي جمال وبتك دي ما مفروض تسوق عربية حياتها كلها.. جمال : الله يهديك ياخ..
.
.
.
قبل عشرة سنوات يوم من الايام أبرار كانت راكبة مع ابوها قدام وأخواتها الاتنين واخوها ب ورا.. وبعد ما وصلوا البيت وأخواتها واخوها نزلوا وابوها برضو نزل عشان يدخل الحاجات الجابها في البيت خلى المفتاح في العربية ونزل وابرار قعدت في مقعد السواق وطبزت وفجأة العربية رجعت خلف.. وللأسف اخو أبرار كان ورا العربية الوقت داك وحصل الحصل 💔!!!.. كان الولد الوحيد والأصغر في اخوانها وبعد المأساة الحصلت أبرار اتضطرت تسمع عتاب امها في باقي حياتها مع انها كانت صغيرة وما عندها ذنب💔!
.
.
.
جمال : أبرار ي أبرار افتحي الباب انا ابوك.. أبرار قلت ليك افتحي الباب دا .. "وبعد مسافة أبرار فتحت الباب".. جمال حضن أبرار وقال ليها : انتي عارفة انو امك ما بتقصد كلامها دا.. وعارفة معزة اخوك الله يرحمو عند امك وانو الحصل كان صدمة كبيرة بالنسبة ل امك.. أبرار وهي بتبكي : عارفة ي ابوي.. عارفة دا كلو والله بس برضو امي قاصدة تكون قاسية معاي عشان ما بتحبني.. جمال : انتي اول فرحة ل امك ي ابرار.. انتي اول وحدة ناديتيها ماما ونادتك بتي.. كيف يعني حتكون ما بتحبك.. طلعي الأوهام دي كلها من راسك ي ابرار.. أبرار : حاضر ي ابوي.. جمال : دي بتي البعرفها.. ارح نتغدا عارفك حتكوني جعانة 😉.. أبرار : ااي والله حموت من الجوع 😂.. جمال : ارح ارح قبل ما تموتي 😂.. وبالنسبة للعربية انا متزكر وعدي وحأجيب ليك احسن عربية.. أبرار : تسلم يا أبوي 💃..
"في بيت نجود.. أول ما نجود رجعت البيت وبعد دخلت لقت ناس البيت كلهم قاعدين في الصالة حتى أخواتها المتزوجات"
نجود : السلام عليكم.. نمارق : ي هلا.. الدكتورة شرفت ونورت المضلمين زينا .. نهى : اها حتسلمي علينا في يدنا ولا خلاص حتفتري علينا.. نسرين : تحبي تتغدي معانا ولا نجيب ليك الاكل في غرفتك حضرة سيادتك.. نون : في شنو ي بنات مالكم مع البت.. دا شنو الغباء والتخلف الانتو فيهو دا..نهى :ما اصلا نحن متخلفين عشان ما تمينا قرايتنا زيكم.. نون : ااي متخلفين وشديد كمان.. نجلاء (الأم) : اسكتوا خلاص ي بنات انا ما ناقصة وجع راس.. "نجود ما ردت عليهم ومشت طوالي وقفلت عليها الباب".. نمارق : احسن زاتو وفرت.. نهى نسرين ارحكم نخت الغداء.. "نون مشت ل نجود في غرفتها".. نون : نجود ي نجود كيف كان يومك.. نجود : كويس والله بس فقدت صحباتي.. نون : م مشكلة ي بت بكرة دي بتلقي صحبات كويسات تاني.. نجود : حتى لو لقيت ما حالقي زي أبرار وريان.. نون : ب تتلاقوا كتير م تخافي : نجود : إن شاء الله.. يتبع
