" بعد يومين بالليل.. خالد كان مركز مع صوت الرصاص والحفلة حقت عرس منى.. قام ودخل غرفتو ونام"
حنان : ما عارفة الحفلة دي عايزة تنتهي متين.. سلمى : بكون فاضل ليها اقل من ساعة لانو حسي الساعة 10 وحاجة.. المهم تصبحي على خير يا خالتي.. حنان : وانتي بخير يا بتي
" سلمى ما قدرت تنوم لأنها كانت متأكدة انو خالد ما نايم وانو حيقوم ويطلع ويرجع يشرب.. لحدي ما حست ب حركتو وقام".. سلمى : ماشي وين يا خالد.. خالد : ماشي هنا قريب وراجع.. "سلمى مسكت يدو وقالت ليهو" : عليك الله ما تطلع يا خالد انت وعدتني.. عليك الله ما تطلع " وبقت بتبكي.. خالد رجع قعد جمبها وقال ليها " : خلاص ما تبكي يا سلمى ما طالع عشان وعدتك.. سلمى : رأيك شنو اقرا ليك قرآن.. خالد : طيب " بعد سلمى قرت لقت عيون خالد محمرة وبقى ببكي.. قامت جابت ليهو موية وبقت بتهدي فيهو"
سلمى : استهدى بالله يا خالد في شنو مالك احكي لي.. خالد : ابوي السبب في الحاصل معاي دا كلو.. كيف قدر يكون قاسي كدا وما عندو ااي مسؤولية ويخلي اولادو بالطريقة دي ويمشي وانا من يومها اتغيرت360درجة ومستقبلي كلو ضاع وحتى الميراث حقو ما هبشتو.. سلمى : اول شي ربنا يرحمو.. تاني شي انت ما عارف الظروف المرا بيها والخلتو يعمل كدا وانا معاك في انو غلطان وشديد كمان بس برضو انت ما لازم توقف مستقبلك كلو عشان غلطة عملها ابوك في الماضي.. وانت حسي ما شغال شغل ثابت.. فكرت لو جبت ولد حتربيهو كيف؟.. انا بستحمل ما عندي مشكلة بس ولدك ذنبو شنو؟
خالد : ما فكرت والله.. سلمى : عارفة انو دا ما كل الكلام الفي قلبك اها كمل كمل.. "خالد سكت مسافة وعاين ل سلمى وتاني دنقر راسو وقال" : ومنى.. منى اكتر بت كنت بحبها في حياتي ووقفت معاها كتير وما كنت برفض ليها ااي طلب جات وباعتني في ثانية واحدة بس ومشت عادي.. وحسي الليلة بقت حق زول تاني خلاص.. "سلمى اتمالكت نفسها بالقوة وقالت ليهو " : انا زاتي كنت بحب زول تاني.." خالد قام وقال ليها" : خلاص ما تكملي عايز انوم.. "بس سلمى مسكتو وقالت ليهو" : اقعد لازم اكمل ليك.. خالد : عايزاني اسمع مرتي وهي بتتكلم عن حبيبها؟ عايزة تتسدي مش بس معليش انا ما بقدر استحمل" سلمى فرحت لمن شافت الغيرة في عيونو وقالت ليهو" : خليني اكمل كلامي بعداك احكم.. خالد : اها سريع.. سلمى : كنت بحبو من بعيد وبدعي ربنا يكون من نصيبي مع اني ما كنت بعرفو بس اول ما شفتو حسيت بإحساس غريب واني ما عايزة زول غيرو.. خالد : استغفر الله العظيم اها وفي النهاية حصل شنو.. سلمى : ربنا استجاب ل دعائي و عرستو.. خالد : كيف يعني؟.. " وبعد مسافة" خالد : انتي جادة؟.. سلمى : والله جادة بس للأسف بعد عرستو عرفت انو قلبو ما لي.. خالد : لو قلبي ما ليك حيكون ل منو غيرك.. سلمى : ل منى.. خالد : انا عرفت الحب الحقيقي بعد عرستك يا سلمى وبقولها ليك عديل انا بالجد بحبك يا سلمى وانتي نعمة غالية وبشكر ربنا عليها كل يوم.. سلمى : أنا بحلم صح؟.. خالد وهو مبتسم : لالا ما بتحلمي.. سلمى : طيب ممكن أسألك سؤال.. خالد : حتقولي لي ليه زعلان عشان منى عرست مش؟.. سلمى : ااي.. خالد : أنا ما زعلان بس لسسة ما قادر استوعب الحصل وكيف انو القدر بالجد غريب وقدر يخلي أقرب الناس لي يمشوا ويبيعوني في ثانية بس.. سلمى : وانت كنت أجمل قدر حصل لي.. خالد : انا كان مفروض يكون اسمي عمر 😂.. سلمى : عمر وسلمى 😂
" بعد كم شهر خالد استفاد من ميراث ابوهو وبقى عندو عربيتين وشوية وشوية بقى عندو اصطف عربات وشغال تجارة.. وسلمى حملت وولدت وجابت بت"
خالد : الف مبروك لينا.. سلمى : الله يبارك فيك.. ريان : وحلاتي وحلاتي شوفو يدها ورجلينها صغار كيف واي عسل ياخ.. حنان : قولي ما شاء الله يا بت ما تسحري لي حفيدتي.. ريان : ما شاء الله 😂.. اها قررتو تسموها منو.. سلمى : منى عايزة اسميها منى.." خالد و ريان وحنان اتفاجئوا".. خالد : لالا ي سلمى انا عايز اسميها على أمك نور الجابت لي اجمل نعمة في حياتي.. سلمى : بالجد؟.. خالد : أكيد بالجد.. " خالد باس راس امو وقال ليها" : انا بالجد مفروض ابوس راسك كل يوم على اختيارك.. حنان : مش قلت ليك من زمان😌.. ريان : عرفتيها والله ي أمي.. ربنا يخليكم ل بعض.. خالد وسلمى : آمين
" نجود وابرار جو المستشفي عشان يباركو ل ريان وبعد جو وباركو.. نجود داخت وجات الدكتورة كشفت ليها وطلعت حامل "
ريان : الف مبروك ي نجود قبل شوية بقيت عمة وقريب ان شاء الله حأبقى خالة💃.. أبرار : خالة شنو.. بعدين لازم شافعك دا يناديني ماما أبرار أو يناديني بإسمي بس.. نجود : الله يبارك فيك ي ريان ..ويا أبرار روقي 😂.. انا خايفة شديد يا بنات الموضوع دا ما واقع لي نهائي.. ريان : ما تخافي يا نجود نحن جمبك.. أبرار : ومؤيد برضو جمبك 😉.. نجود : زكرتيني اتصل ليهو وأبشرو 😂.. " نجود اتصلت على مؤيد وبشرتو وطوالي جا وبارك ليها" : الف مبروك لينا ي نجود.. نجود : الله يبارك فيك.. مؤيد : شفتو يا ريان وأبرار من الليلة اوعكم تزعلوا نجود.. نجود : وريهم وريهم 😂.. سامعين الكلام دا؟.. ريان : دا كلامك ي مؤيد.. نجود دي صحبتنا قبل ما تكون مرتك وبنشيلها جوا عيوننا.. أبرار : أما بالنسبة لي إلا أقص لساني وأرجعو بعد تلدي 😂.. " كلهم بقو بضحكو ".. يتبع
