"يوم العرس جا"
ريان : يلا ي خالتي مع السلامة انا وابرار ماشين مع نجود للكوافير.. نجلاء : ااي امشوا سريع عشان ما تتأخرو.. خلي نهى زاتها تمشي معاكم.. نهى : ااي ي أمي اصلا ماشة معاهم.. أبرار "وريان ونجود بقوا بعاينوا ل بعض"
" وصلوا الكوافير ونجود جهزت وطلعت احلى عروسة بس ناقصاها ابتسامة و فرحة من القلب.. فجأة تلفون نهى ضرب "
حسام : انتي وين ي نهى.. نهى : أنا في الكوافير مع العروسة.. حسام : معاكم ناس تانين؟.. نهى : ااي صحباتها معانا.. حسام : خلاص خليهم وتعالي جهزي أولادك ديل سريع.. نهى : بس.. حسام : بس شنو؟.. تعالي حسي يلا.. نهى : طيب ي حسام
نهى : ي بنات انا مضطرة امشي حسي انتو خليكم قاعدين لحدي ما نجود تجهز نهائي ويعقدو والعريس بجيكم هنا.. ريان : طيب تمام.. أبرار : قاعدين نحن ونجود في عيوننا ما تخافي.. نهى : يلا سلام " وطلعت مشت"
ابرار : يلا يلا دي فرصتنا ارح سريع قبل يعقدو وقبل العريس ما يجي.. ريان : ااي كويس نهى مشت انا كنت محتارة حنعمل شنو.. "فجأة نجود اتزكرت كلام امها لمن قالت ليها نزلتي راسي في سابع أرض" أبرار : مالك صانة كدا ي نجود انا قاعدة اتكلم معاك ردي لي.. ريان : نجود انتي كويسة؟.. نجود : بنات.. أبرار وريان : اها .. نجود : أنا من حأقدر اهرب كدا.. أبرار : دا ما وقت خوفك ي نجود لازم تكوني شجاعة ولو ل مرة واحدة.. ريان : ليه ي نجود في شنو؟.. نجود : أنا أول مرة اكون شجاعة واتخذ قراري براي ي ابرار .. الهروب ما حل نهائي.. انا من امبارح بفكر في الموضوع دا واكتشفت اننا حندخل في متاهات كتيرة لو هربت وكمان حتحصل ليكم مشاكل بسببي ومستحيل الأمور تتصلح بالعكس كدا حتتخرب زيادة وحتجوط زيادة.. وغير كدا انا ما عايزة انزل رأس أمي وأحرجها قدام خلق الله ديل كلهم ولا قدام نفسها بالعكس انا ح أتنازل وحأرضى بالكتبو لي ربنا عشان انا واثقة انو ربنا عالم بكل شيء وهو وحده ادرى بمصلحتي.. "ريان حضنت نجود وابرار التفتت وبقت بتبكي".. ريان : عين العقل والله.. ربنا يوفقك في حياتك الجاية ويسعدك دائما.. نجود : آمين يارب العالمين.. أبرار انتي بتبكي؟.. "أبرار مسحت دموعها واتلفتت".. أبرار : لالا ما قاعدة أبكي.. نجود : تعالي تعالي.. "أبرار حضنت نجود وبقت بتبكي ".. نجود : خلاص كفاية بكا ي بت فستان الزفاف حيتوسخ.. أبرار : دموعي نضيفة ي بت 😂.. ريان : تاني حنتزكر اليوم التاريخي البكت فيهو أبرار مع عيد زواجك ي نجود 😂.. أبرار : بالمناسبة العريس اسمو منو وعامل كيف 😉.. نجود : سمعت انو اسمو مؤيد وهو اخو راجل نهى بس ما عارفة شكلو كيف.. ريان : ربنا يكتب ليك الفيهو خير.. أبرار : أغرب عرس سوداني اشوفو في حياتي.. المهم يزولتي ربنا يسعدك.. نجود : اللهم آمين
" فجأة البنات سمعو صوت بوري.. تيت تيت.. تيت تيت"
أبرار : شكلو العريس وصل.. ريان : ااي ياهو.. نجود : واي ي بنات أدعو يكون سمح وعندو وجنة.. أبرار : عان دي عليك الله 😂.. ريان : انتي سمحة فاا أكيد هو سمح زيك كدا 😉.. نجود : الله يسمع منك ي ريان.. واي قلبي حيقيف..
" فجأة العريس جا داخل ولابس بدلة سوداء فيها منديل بنفسج وكرفتة بنفسجية.. ريان وابرار فتحو خشمهم بالصدمة"
ابرار : ما شاء الله تبارك الرحمن .. "وهمست ل نجود" : لو كنت عارفة عريسك سمح للدرجة دي كنت قتلتك زمان ولبست الزفاف بدلك.. "وريان برضو همست وقالت " : ي بت المحظووووووظة..".. نجود ضحكت وقالت ليهم : افصلوها يلا مع السلامة 😂.. ريان وابرار : الف مبروك يا عريس.. مؤيد : الله يبارك فيكم وعقبالكم.. ريان وابرار : آميييييين.." العريس مسك نجود من يدها وفتح ليها باب العربية وركب جنبها...ابرار : طبعا نحن ماف زول حيفتح لينا الباب ارح نمشي نركب ي ريان.. ريان : ارح ارح 😂.." بس لمن طلعو الشارع مؤيد نزل وفتح ليهم الباب ".. أبرار : تسلم يا زوق...ريان : شكرا ليك .. مؤيد : اتفضلوا اركبوا " وبعد ركبوا قفل الباب ورجع ركب جمب نجود"
مؤيد : ارح ي باشا.. " مؤيد عاين ل نجود وبقى بتأمل في جمالها".. مؤيد : ما قادر أصدق أنو الجمال دا كلو حقي.. نجود وهي خجلاانة : دا من زوقك.." مؤيد مسك يدها وقال" : بوعدك حأشيلك جوا عيوني وفوق راسي.. " نجود ابتسمت وحست بطمأنينة نزلت على قلبها فجأة بعد ما كانت متوترة وخايفة"..
"ريان وأبرار كانو الشباين ودخلوا الصالة وماسكين فستان العروسة"
ريان همست ل أبرار : عايني حامد بعاين ليك كيف 😉.. أبرار : حامد منو ي بت احسن تمشي وانتي ساكتة 😂.. ريان : حامد اخو نجود.. ما تعملي رايحة 😉.. أبرار : يحمد شنو اقول ليك.. امشي امشي وامسكي الفستان دا كويس 😂.. ريان : كويس حأسكت عشان وشك بس ما يبقى أحمر.. أبرار : انطمي خلاص 😂
" العرس انتهى والعروس ودعت أهلها وصحباتها وهي والعريس مشو الفندق"
نجود : عايز تخش الحمام اول ولا اخش انا ؟.. مؤيد : لالا اتفضلي خشي.." بعد نجود طلعت..مؤيد سرح في جمالها وجمال شعرها".. مؤيد : ما شاء تبارك الله.. نجود : الله ما ضراك.. مؤيد : دقايق بس بخش سريع وبطلع بس ما تنومي عايزك في موضوع مهم.. نجود : طيب منتظراك " وبعد طلع من الحمام جا قعد جمبها ومسك يدها " يتبع
