٧:٠٠ص
تارا
نمت بتعب بعد اجتماع امس ولا كان لي خلق حتى اقوم اغيّر ملابسي، فتحت عيوني على وجه نديم فوق راسي ناظرت ان يده على طرف البطانيه اللي فوقي
ناظرته بعدم استيعاب لعدة ثواني وبعدها جلست : اسف، ماكان قصدي اصحيك
فركت جبيني بألم : لا عادي، الساعه كم؟
نديم رفع جواله لي وبيده الثانيه كان كوب قهوه : ليش صاحي انت؟
رمى نفسه على المقعد المقابل لي بإرهاق : شغل!
ابعدت البطانيه عني وعدلت التنوره ووقفت بكسل : بدخل اغيّر ملابسي
نديم وقف معاي وأشر على كوبه : وانا بسوي كوب ثاني، اسوي لك؟
هزيت راسي بإيجاب ودخلت للغرفه بعد ما رميت اغراضي على السرير، مريت على شكلي بالمرايا وتراجعت بسرعه منصدمه من الفوضى اللي على شعري ووجهي
نديم شافني كذا؟ ضربت جبيني بغباء كان الميك اب اللي بوجهي مخرب وموزع بكل مكان، وشعري فوضى اكثر منه كتمت صرختي بإحباط انه شافني مثل كذا
ما كنت اهتم كثير بس ليش واحد حلو مثله يشوفني بذا المنظر؟ زفرت بإحباط واخذت وقتي بمسح الميك اب عن وجهي وترطيبه مع ترتيب شعري
اخذت بنطلون بجامه وسيع بلون أبيض وأسود ولبست فوقه تيشيرته الاسود بكم طويل ويوصل لأسفل صدري، تعطرت ورتبت شكلي وتأكدت من المرايا ان ما فيه اي غلطه وخرجت مع جوالي
كان نديم جالس على طاولة المطبخ وبيده ملف يقرأه، كان لابس نظاراته ويقرأ بتركيز مع القلم بيده ابتسمت بخفه ودخلت المطبخ وانا اشوف الكوب الثاني موجود على الطاوله لي
كبيت لي قهوه وجلست جنبه على الكرسي وفتحت جوالي اشوف الرسايل اللي وصلتني، نديم ترك اوراقه بعد مده ونزل نظاراته : بترجعين لواشنطن؟
نزلت الجوال وناظرته بإستغراب : كيف عرفت؟
اطلق نفس وكأنه يعرف اني بجاوب كذا : تارا... لازم تجلسين الفتره هاذي
اخذت رشفه من الكوب ورديت بإستغراب : لازم؟ ليه؟
نديم ناظر خلفه يتأكد ان ما فيه احد ورجع تكلم بصوت خافض : الياس كان يكلمني بعد ما نمتي وقعد يبكي انك ما تثقين فيه وان را-
قاطعته بسرعه : مين قال ما اثق فيه ؟
نديم حط يده على الطاوله : اسمعيني بالأول، الياس لازم يعرف اننا ندور على مين اطلق على محمد لازم يعرف ان كسار ماله دخل وكمان انتي لازم تجلسين معاه تكلمينه.... يحسبك تتجاهلينه كل ما فتح الموضوع يتردد بسبب علاقتك مع كسار!
YOU ARE READING
my family is mafia -تحت التعديل-
Приключения"تارا تكتشف بعد ٢٧ سنه ان لديها أب واخ وهم اكبر مافيا في إيطاليا ، أسرار ، وماضي سيء ، واعداء جدد جميعهم يقفون في طريقها" -الروايه تحتوي على عدد من الاشياء الحساسه : عنف ، دماء ، قتل ، الفاظ نابيه ، اساءات لفظيه ، محتوى فوق ١٨ -الروايه بالعاميه..
