تارا اخذت سلاحها : لا، بنخرج مع بعض
إيف رص على اسنانه وكل لغة جسمه تغيرت : تارا انا ات-
تارا تجاهلته وخرجت من تحت الطاوله قبل ما يتكلم واطلقت رصاصتين خارج المقهى ، انا وإيف وقفنا بسرعه واحنا نسمع اصوات الصراخ والجثه اللي طاحت على الارض من رصاصة تارا : بسرعه!
سمعنا صوت تارا وخرجنا معاها من الباب الخلفي وانا اناظر من الخلف وبيدي السلاح وإيف من الامام، صارت تارا بيننا واثنينا لاشعورياً اتفقنا ذهنياً ان اهم شيء نخرجها من هنا
إيف فتح الباب الباب الخلفي وهو يناظر حوله، ناظرني وهو يتأكد اني احمي ظهره : سيارتي هنا، بعد هذا المبنى
تارا كانت تناظر بحذر وسلاحها مرفوع : كم منهم؟
جاوبت وانا اقفل الباب : شفت سياره وحده وقفت بس ، إيف اخذ واحد وانتي أخذتي واحد باقي اثنين اتوقع
إيف سحب جاكيت تارا ورجعها للخلف : لا تجين قدامي
تارا ناظرته بطرف عينها وصفعت يده : هل انت حارسي الشخصي؟ نمشي مع بعض!! نديم مغطي ظهرنا
إيف اطلق نفس من عناد تارا ، مشينا مسافه قصيره واحنا نسمع الشارع صار هدوء وما فيه اي احد يمشي واضح الكل هرب من الرصاص : إيف، انتبه المكان مكشوف
إيف هز راسه وهو يناظر امامه ، كنا مكشوفين وكان لازم نوصل للسياره بسرعه لكن كلنا التفينا لما سمعنا صوت الباب ينفتح بعنف وطلع منه شخصين وبيدهم اسلحه ورفعوها : اركضو!!
تكلمت بصوت عالي وصوت الرصاص بدأ ، كلنا ركضنا للامام والرصاص يضرب بالارضيه والجدار إيف بدأ يطلق خلفه وهو يمشي للسياره ويطلع المفاتيح : هنا!! غطيني
تارا تركت ظهر إيف يقابل ظهرها وقابلتني ، سحبت سلاحها وضربت واحد منهم رصاصه بمنتصف جبهته، الثاني وقف لثواني يناظر بصدمه لكن سرعان ما استرجع وعيه وركض بإتجاهنا وهو يحتمي خلف السيارات، إيف فتح السياره ودفع تارا بسرعه : نديم اركب بسرعه!
سمعنا صوت سياره ثانيه توقف وعيوني اتجهت للاخير اللي يناظرها، قبل لا ادخل رفعت سلاحي وأطلقت على كتفه بما انه كان الشيء الوحيد المكشوف منه
فتحت الباب الامامي وركبت بسرعه وانحنيت اول ما بدأ الرصاص يضرب زجاج السياره ، ايف شغل السياره بثواني وتراجع للخلف وهو يصدم الاخير اللي يطلق علينا ، طاح على الارض وإيف انطلق بسرعه
كلنا تنفسنا الصعداء وارتخينا لما إيف ضيعهم بعد كم دقيقه في الأحياء ، تارا ارتخت بالمقعد الخلفي وهي ماسكه سلاحها : مين كانو؟ مجانين كان فيه ناس بالمقهى!
إيف ناظر الطريق وطلع جواله بيده الثانيه : ما اعرف، بدق على حمد يسترجع كاميرات المراقبه
YOU ARE READING
my family is mafia -تحت التعديل-
Adventure"تارا تكتشف بعد ٢٧ سنه ان لديها أب واخ وهم اكبر مافيا في إيطاليا ، أسرار ، وماضي سيء ، واعداء جدد جميعهم يقفون في طريقها" -الروايه تحتوي على عدد من الاشياء الحساسه : عنف ، دماء ، قتل ، الفاظ نابيه ، اساءات لفظيه ، محتوى فوق ١٨ -الروايه بالعاميه..
